Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xij. Capittel.

1

⁺DIt sijn die priesters ende Leuiten die opghetrocken sijn met Zorobabel Zalathiels sone ende Iosue, Zaraia, Ieremias, Esdras,

+ A

2

Amaria, Melluch, Hattus,

3

Sebenias, Rehum, Merimuth,

4

Addo, Genthon, Abia,

5

Miamin, Madia, Belga,

6

Semeia, ende Ioiarib, Idaia, Sellum, Amoc, Helcias,

7

Idaia, Dese waren die princen der priesteren, ende hen broederen in die daghen van Iosue,

8

Maer die Leuiten waren Iesua, Bennui, Cedmiel, Sarebia, Iuda, Mathanias, ouer die lofsanghen sij ende hen broeders,

9

Ende Becbesia, ende Hanni, ende hen broeders een ieghelijck in sijn officie,

10

Ende Iosue heeft ghewonnen Ioacim, ende Ioacim heeft ghewonnen Eliasib, ende Eliasib heeft ghewonnen Ioiada,

11

ende Ioada heeft ghewonnen Ionathan, ende Ionathan heeft ghewonnen Ieddoa

12

in die daghen van Ioacim waren priesters ende princen der familien van Saraia was Maraia, van Iheremia, Hanania,

13

van Esdra, Mosollam, van Amaria, Iohannan,

14

van Milicho, Ionathan, van Sebenia, Ioseph

15

van Haram, Edna van Maraioth, Helci

16

van Adaia, Zacharia van Genthon, Mosollam

17

van Abia, Zechri van Miamin ende van Moadia, Phelti

18

van Belga, Sammua van Semaia, Ionathan

19

van Ioiarib, Mathanai van Iodaia, Azzi

20

van Sellai, Celai van Amoc, Heber

21

van Helcia, Hasebia van Idaia, Nathanael,

22

⁺Die Leuiten in die daghen Eliasib, ende Ioiada, ende Iohannan ende Ieddoa waren ghescreuen princen der familien, ende priesters int conincrijck Darij van Persen,

+ B

23

Die kinderen van Leui princen der familien ghescreuen int boeck van die woorden der daghen, ende tot die daghen Ionathan des soons Eliasib.

24

Ende die princen der Leuiten, Hasebia, Serebia, ende

[p. *369]

Iesue die sone Cedmiel, ende hen broeders by haren buerten, dat sij louen souden ende belijden, nae tghebodt Dauids des mans Gods, ende dat sij souden die wachte houden ghelijckelijc

25

veruolghens Mathania ende Becbesia, Obedia, Mosollam, Telmon, Accub, die bewaerders der poorten ende der portalen voor die poorten,

26

Dese waren in die daghen Ioacim des soons Iosue des soons Iosedec, ende in die daghen Nehemie des princes ende Esdre des priesters ende scrijuers,

27

Maer in die wijdinghe des muers van Ierusalem, hebben sij die Leuiten ghesocht van allen haren plaetsen, dat sij die brenghen souden in Ierusalem, ende dat sij die wijdinghe ende blijscap maken souden, met dancbaerheden, ende met sanghe, ende met cimbalen, psalterien, ende herpen,

28

Ende die kinderen der sanghers sijn vergadert van die platte veltlandouwen, omtrent Ierusalem ende vanden dorpen Netuphati,

29

ende wten huyse Galgal ende van die lantscappen van Geba, ende Azmaueth, want die sanghers hebben voor hen lanthuysen ghemaect rontsomme Iherusalem,

30

Ende die priesters ende Leuiten sijn ghesuyuert ende sij hebben ghesuyuert het volc ende die poorten ende die mueren,

31

⁺Maer ick dede die princen van Iuda climmen opden muer, ende ic heb ghestelt twee groote chooren van lofsangers ende sij sijn ghegaen ter rechter sijden opden muer tot die mestpoorte,

+ C

32

Ende nae hem is ghegaen Osaias ende die helicht der princen van Iuda,

33

ende Azarias Esdras, ende Mosollam, Iuda, ende Beniamin, ende Semeias, ende Ieremias,

34

Ende van den kinderen der priesters met trompetten Zacharias die sone Ionathan die sone Semeie, die sone Mathanie, die sone Michaie, die sone Zechur, die sone Asaph,

35

ende sijn broeders, Semeia, ende Azareel, Malalai, Galalai, Maai, Nathanael, ende Iuda, ende Hanani met die instrumenten der sanghen Dauids des mans Gods, Ende Esdras die scrijuer voor hen in die fonteynpoorte,

36

Ende teghen hen ouer sijn opgheghaen op die trappen van Dauids stadt inden opganck vanden muer op thuys van Dauid ende tot der wateren poorte ten oosten,

37

Ende den tweeden choor der dancsanghers ghinck teghen ouer ende ick achter hen, ende die helicht vanden volcke was opden muer ende op der ouens torre, ende totten alder breedtsten muer,

38

ende op die poorte van Ephraim ende op die oude poorte, ende op die vischpoorte, ende den torre Hananeel, ende den torre Emath, ende tot die poorte der cudden ende sij stonden in die poorte der bewaringhen,

39

ende daer stonden twee chooren der lofsanghers in dat huys Gods, ende ick ende die helicht vanden wethouderen met my,

40

⁺Ende die priesters Eliacim, Maasia, Miamin, Michea, Elioenai, Sacharia, Hanania met trompetten,

+ D

41

ende Maasia, ende Semeia, ende Eleasar, ende Azzi, ende Iohanan, ende Melchia, ende Elam, ende Ezer, Ende die sanghers songhen claerlijck, ende Iezraia die ouerste,

42

ende sij hebben op dien dach gheoffert groote slachofferanden, ende sij hebben blijde gheweest, Want God haddese verblijt met grooter blijscappen, Ende hen huysvrouwen ende hen kinderen hebben ooc blijde gheweest, ende die blijscap van Ierusalem is verre ghehoort,

43

Ende sij hebben oock ghetelt op dien dach mannen ouer die scatcameren des tresoors tot die vochtighe offeranden ende tot die offeranden der ierster vruchten ende tot die thienden, dat die princen der stadt door hen inbrenghen souden, met eerlijcheyt van dancsegghinghen die priesters ende Leuiten, want Iuda is blijde gheworden, door die priesteren ende Leuiten daer by staende,

44

Ende sij hebben bewaert die bewaringhen haers Gods, ende die bewaringhe der suyueringhen, ende die sanghers ende doorwaerders, nae Dauids ghebodt ende Salomons sijns soons,

45

want in die daghen van Dauid ende Asaph, waren vanden beghinsel princen ghestelt der sanghers met liedekens Godt louende ende belijdende,

46

Ende alle Israel in die daghen van Zorobabel ende in die daghen Nehemie ghauen deelen den sanghers, ende doorwaerders, tot elcken daghe, ende sij heylichden die Leuiten, ende die Leuiten heylichden den kinderen van Aaron.