Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xi. Capittel.

1

⁺ENde in Ierusalem hebben ghewoont die princen des volcs, maer dat ander ghemeyn volc heeft dat lot gheworpen, dat sij nemen souden een deel vanden thien deelen, die woonen souden in Ierusalem die heylighe stadt, ende die neghen deelen in die steden,

+ A

2

Ende tvolck ghebenedijde alle die mannen die hem seluen vrijwillichlijc gheoffert hadden om in Ierusalem te woonen,

3

Aldus sijn dit die princen des lantscaps die binnen Ierusalem ghewoont hebben, ende in die steden van Iuda ende een ieghelijck heeft ghewoont in sijn besittinghe in sijn steden van Israel, die priesters die Leuiten, die Nathineen, ende die kinderen van Salomons knechten,

4

Ende in Ierusalem hebben ghewoont van die kinderen Iuda ende vanden kinderen van Beniamin, ende vanden kinderen van Iuda Athaias, die sone Aziam, des soons Zacharie, des soons Amarie, des soons Saphatie, des sonns Malaleel vanden kinderen Pharez,

5

Maasia die sone Barucs, die sone Cholhoza, die sone Hazia, die sone Adaia, die sone Ioiarib, die sone Zacharie, die sone des Siloniters,

6

alle dese waren Phares sonen, die in Ierusalem ghewoont hebben, vier hondert ende neghenentsestich stercker mannen,

7

⁺Maer dit sijn die kinderen van Beniamin Sellum die sone Mosollam, die sone Ioed, die sone Phadaia, die sone Colaia, die sone Maasia, die sone Etheel, die sone Isaia

+ B

8

ende nae hem Gebbai, Sellai, neghen hondert achtentwintich,

9

ende Ioel die sone Zechri hen ouerste, ende Iudas die sone Semia ouer die stadt die tweede,

10

Ende vanden priesters, Idaia die sone Ioiarib, Iachin,

11

Saraia die sone Helcie, die sone Mosollam, die sone Sadoc, die sone Meraioth, die sone Achitob die prince des huys Gods

12

ende hen broeders makende die wercken des tempels, acht hondert tweentwintich, Ende Adaia die sone Ieroham, die sone Phelelia, die sone Amsi, die sone Zacharie, die sone Pheshur, die sone Melchie

13

ende hen broeders die princen der vaderen twee hondert tweenveertich, Ende Amassai die sone van Azreel, die sone Ahazi, die sone Mosollamoth die sone Emmer

14

ende hen broeders machtich bouen maten, hondert achtentwintich, ende hen ouerste was Zaddiel die sone der machtighen,

15

⁺Ende vanden Leuiten Semeia, Hasubs sone, die sone Azaricam, die sone Hasabia, die sone Boni,

+ C

16

ende Sabathai, ende Iozabed, ouer alle die wercken die van buyten waren in dat huys Gods, van die ouerste der Leuiten,

17

Ende Mathania die sone Micha, die sone Zebedei die sone Asaph die ouerste om te louen ende te belijden int gebedt, ende Becbesia die tweede van sijnen broederen, ende Abda die sone van Sammua, die sone Galal, die sone Idithun,

18

Alle die Leuiten in die heylighe stadt waren twee hondert vierentachtentich,

19

Ende die doorwaerders Accub, Telmon, ende hen broeders, die welcke bewaerden die doeren, hondert tweentseuentich,

20

Ende dander van Israel priesters ende Leuiten, in allen die steden van Iuda, een ieghelijck in sijn besittinghe,

21

ende die Nathineen die in Ophel woonden ende in Siaha ende Gaspha, van den Nathineen

22

ende die bisscop der Leuiten in Ierusalem was Azzi die sone Bani, die sone Hazabie, die sone Mathanie, die sone Miche, Van Asaphs kinderen die sanghers inden dienst vanden huyse Godts,

23

Want des conincs ghebot was op hen, ende een ordinancie onder die sanghers tot elcken daghe,

24

ende Phathaia die sone Mesezebel vanden kinderen Zara, des soons Iuda was aen des conincs hant, nae alle die woorden des volcks,

25

ende in die huysen door allen hen lantscappen ⁺Van die kinderen Iuda hebben ghewoont in Cariatharbe ende in sijn dochteren, ende in Dibon ende in sijn dochteren, ende in Capseel ende in sijn dorpkens

+ D

26

ende in Iesue, ende in Molada, ende in Bethphalet,

27

ende in Hasersual, ende in Bersabee, ende in sijn dochteren,

28

ende in Siceleg, ende in Mochona, ende in sijn dochteren,

29

ende in Remmon, ende in Saara, ende in Ierimuth

30

Zanoa, Odollam ende in haer dorpen, Lachis ende in sijn lantscappen, Azeca ende in sijn dochteren, Ende sij woonden te Bersabee tot die valleye Ennom,

31

Maer die kinderen Beniamin van Geba, Mechmas, ende Hai, ende Bechel, ende sijn dochteren,

32

Anathoth, Nob, Anania,

33

Asor, Rama, Gethaim,

34

Hadid, Seboim, ende Neballat,

35

ende Ono die valleye der werckluyden

36

ende sommighe vanden Leuiten hadden deelen in Iuda ende Beniamin.