Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .iij. Capittel.

1

⁺ENde Eliazib die groote priester is opghestaen ende sijn broeders die priesters, ende sij hebben ghetimmert die poorte der cudden, sij hebben die gheheylicht ende haer doeren ghestelt, ende totten torre van hondert cubitus, hebben sij dien gheheylicht, tot aenden torre Hananeel,

+ A

2

Ende neffens hem hebben ghetimmert die mannen van Iericho, ende neffens hem heeft ghetimmert Zacchur Amris sone.

3

Ende die vischpoorte hebben opghetimmert die kinderen van Asnaa, sij hebben die ghedect ende haer doren ghestelt, ende sloten ende grendelen,

4

Ende by die heeft ghetimmert Marimuth die sone Vrie des soons Accus, Ende by hem heeft ghetimmert Mosollam die sone Barachie des soons Mesezebel, ⁺ende by hen heeft ghetimmert Sadoc die sone van Baana,

+ B

5

Ende by hen hebben ghetimmert die Thecuenen, maer haerlieder rijcste luyden en hebben hen halsen niet onder ghestelt in haers Heeren werck,

6

Ende die oude poorte hebben ghetimmert Ioiada die sone Phasea ende Mosollam die sone van Besodia, sij hebben die ghedect, ende haer doeren ghestelt ende sloten ende grendelen,

7

Ende neffens hen hebben ghetimmert Melchias die Gabaoniter ende Iadon die Meronathiter, mannen van Gabaon ende Maspha, voor den prince die was int lantscap ouer den vloet,

8

Ende by hem heeft ghetimmert Eziel die sone Azaria een goutsmit, Ende by hem heeft ghetimmert Ananias des apothecaris sone, ⁺ende sij hebben Ierusalem ghelaten tot aenden muer vander breeder straten,

+ C

9

Ende by hem heeft ghetimmert Raphaia Hurs sone, die ouerste des wijcs van Ierusalem,

10

Ende by hem heeft ghetimmert Iedaia die sone van Haromaph teghen sijn huys, ende bi hem heeft getimmert Hattus die sone Hasebonie,

11

Die helicht vanden wijcke heeft ghetimmert Melchias Herems sone ende Hasub, Phahath Moabs sone, ende den torre der ouens,

12

Ende by hem heeft ghetimmert Sellum die sone van Alohes die prince van die helicht des wijcks van Ierusalem, hy ende sijn dochteren,

13

Ende die dalpoorte heeft ghetimmert Hanun ende die bewoonders van Zanoe, sij hebben die ghetimmert, ⁺ende haer doeren ghestelt, ende sloten ende grendelen, ende duysent cubitus inden muer, tot aen die mestpoorte,

+ D

14

Ende die mestpoorte heeft ghetimmert Melchias Rechabs sone, Die prince des wijcs Bethacharam, hy heeft die ghetimmert ende ghestelt haer doeren, ende sloten ende grendelen,

15

Ende die fonteyn poorte heeft ghetimmert Sellum die sone Cholhoza die prince des dorps van Maspha, hy heeft die ghetimmert ende ghedect ende ghestelt haer doeren ende sloten ende grendelen, ende die mueren vander visscherien Siloe tot in des conincs hof, ende tot aen die trappen die nederwaerts gaen van Dauids stadt,

16

⁺Achter hem heeft ghetimmert Nehemias Azbocs sone die prince van die helicht des wijcs van Bethsur, tot teghen ouer Dauids graf, ende tot die visscherie die met een groot werck ghetimmert is, ende tot der vromen huys,

+ E

17

Achter hem hebben die Leuiten ghetimmert Rehum die sone van Benui, Nae hem heeft getimmert Hasebias die prince der helicht vanden wijck Ceila in sijnen wijck,

18

Ende nae hem hebben ghetimmert hen broeders Bauai Henadads sone die prince der helicht van Ceila,

19

Ende by hem heeft ghetimmert Azer die sone van Iosue die prince van Maspha, die tweede mate, teghen den opganc vanden alder stercsten hoec,

20

Naest hem opden berch heeft ghetimmert Baruch die sone van Zachai die tweede mate vanden hoeck tot aen die poorte des huys Eliazib des grooten priesters.

21

⁺Nae hem heeft ghetimmert Merimuth die sone Vrie Haccus sone, die tweede mate, van die poorte des huys van Eliazib, so verre als thuys van Eliasib hem strecte,

+ F

22

Ende nae hem hebben ghetimmert die priesters, mannen van dat plat lant der Iordanen,

23

Nae hem heeft ghetimmert Beniamin, ende Hasub teghen sijn huys, Ende nae hem heeft getimmert Azarias die sone Mahasie des soons Ananie teghen sijn huys,

24

Nae hem heeft ghetimmert Bennui die sone van Henadad die tweede mate, van Azarias huys tot aenden keer, ende tot aenden hoec.

25

Ende nae hem heeft ghetimmert Phalel die sone van Ozi teghen den keer, ende den torre die wt des conincs huys bouen hooch wtstaet, dat is int voorhof vanden kerker, Nae hem Phadaia Pharos sone,

26

Maer die Nathineen woonden in Ophel tot teghen ouer die waterpoorte aenden oosten, ⁺ende den torre die hooch wt stont

+ G

27

Nae hem hebben die Thecuenen ghetimmert die tweeste mate teghen ouer vanden grooten hooch wtstaenden torre tot aenden muer des tempels,

28

Maer opwaerts aen der peerden poorte hebben ghetimmert die priesters een ieghelijc teghen sijn huys,

29

Nae hen heeft ghetimmert Sadoc Emmers sone teghen sijn huys, Ende nae hem heeft ghetimmert Semaia die sone Sechenie die bewaerder vander oostpoorten,

30

Ende nae hem heeft ghetimmert Hanania die sone Selemie, ende Hanun Selephs sone die seste, die tweede mate, Nae hem heeft ghetimmert Mosollam die sone Barachie teghenouer sijn scatcamer, Nae hem heeft ghetimmert Melchias een goutsmits sone, tot aen der Nathineen huys ende der gheender die schilden vercochten teghen die rechters poorte ende tot aen die eedtcamer des hoecks,

31

Ende tusschen die eedtcamer des hoecs in die poorte der cudden hebben ghetimmert die ambachts luyden ende die coopluyden.