Den gheheelen Bybel, Inhoudende het oude ende nieuwe Testament (Leuvense bijbel 1548)

(2008)–Anoniem Leuvens bijbel 1548– rechtenstatus



Dat .xxvij. Capittel.
1 Ga naar margenoot+ENde die kinderen van Israel nae hen ghetal waren princen der familien, hooftmannen ouer duysent, ende ouer hondert ende ouersten die den coninck dienden nae hen scaren ingaende ende wtgaende tot elcker maent besonder int iaer, een ieghelijck was ouerste ouer vierentwintich duysent mannen.
2 Der ierster scaren in dierste maent was die ouerste Iesboam Zabdiels sone, ende onder hem vierentwintich duysent.
3 Van Phares sonen een Prince van alle den princen int heyr in dierste maent.
4 Der tweeder maent scare hadde Dudia den Ahohiter, ende nae hem een ander by name Macelloth die welcke regeerde een deel des heyrs vanden vierentwintich duysenden.
5 Ende die hooftman vander derder scaren in die derde maent, was Banaias Ioiadas sone die priester ende in sijn deylinghe waren vierentwintich duysent.
6 Dit es Banaias die alder stercste onder die dertich, ende bouen die dertich ende ouer sijn scare was Amizabad sijn sone.
7 Die vierde in die vierde maent Azahel Ioabs broeder ende Zabadias sijn sone nae hem, ende in sijn schare vierentwintich duysent.
8 Die vijfste in die vijfste maent die Prince Samaoth die Iezeriter, Ga naar margenoot+ende in sijn schare vierentwintich duysent.
9 Die seste in die seste maent, Hira Acces sone een Thecuiter, ende in sijn schare vierentwintich duysent.
10 Die seuenste in die seuenste maent, Helles die Phalloniter van Ephraims kinderen, ende in sijn schare vierentwintich duysent.
11 Die achtste in die achtste maent, Sobochai die Husathiter van tgheslachte van Zarahi, ende in sijn scare vierentwintich duysent.
12 Die neghenste in die neghenste maent, Abiezer die Anatothiter van die kinderen Iemini, ende in sijn schare vierentwintich duysent.
13 Die thienste in die thienste maent Marai ende hy was een Netophathiter van tgheslachte Zarahi, ende in sijn gheslachte vierentwintich duysent.
14 Die elfste in die elfste maent, Banaias die Pharathoniter van Ephraims kinderen ende in sijn schare vierentwintich duysent.
15 Die twaelfste in die twaelfste maent, Holdai die Netophathiter van Gothoniels gheslachte, ende in sijn schare vierentwintich duysent.
16 Maer ouer die gheslachten in Israel waren dese, Ga naar margenoot+Ouer die Rubeniten was die hooftman Eliezer die sone van Zechri. Ouer die Symeoniten was die hooftman Saphatias die sone Maacha.
17 Ouer die Leuiten Hasabias Camuels sone. Ouer die Aaroniten Sadoc.
18 Ouer Iuda, Eliu Dauids broeder. Ouer Issachar, Amri Michaels sone.
19 Ouer die Zabuloniten Iesmaias die sone van Abdias. Ouer die Nephtaliten, Ierimoth die sone van Ozriel.
20 Ouer die kinderen van Ephraim Osee die sone Ozaziu. Ouer die helicht van Manasses, Ioel die sone Phadaie.
21 Ende ouer die helicht van Manasses gheslachte in Galaad Iaddo die sone Zacharie. Maer ouer Beniamin Iasiel die sone van Abner.
22 Ende ouer Dan was Ezriel Ierohams sone. Dit waren die Princen der kinderen van Israel.
23 Ende Dauid en heeftse niet willen tellen van twintich iaren nederwaerts, want die Heere hadde gheseyt dat hy Israel vermenichfuldighen soude ghelijck die sterren des hemels,
24 Ioab die sone Saruie haddese begonst te tellen ende hy en heuet niet voldaen, want daer om was die gramscap op Israel gheuallen ende daer om en es tghetal der gheender die ghetelt waren niet ouerghestelt in die iaerlijcke cronijcken des conincs Dauid.
25 Ga naar margenoot+Ende ouer des conincs tresoiren, was Asmoth Adiels sone. Maer ouer die scatten welck in die steden waren ende in die dorpen ende in die torren was Ionathan die sone Ozie.
26 Ende ouer dat lantwerck ende die acker luyden die het lant bouden was ouerste Ezri die sone Chelub,
27 ende ouer die wijngaerdeniers was Semeias die Romathiter, ende ouer die wijnkelderen was Zabdias die Aphoniter.
28 Ende ouer die olijfgaerden ende vijch gaerden welck in die platte velden waren was Balanan die Gederiter. Maer ouer die olie kelders was Ioas.
29 Ende ouer dat groot vee, die welcke weydden te Saron was ouerste Setrai die Saroniter.
[pagina *327]
Ende ouer die ossen in die valleyen, was Saphat die sone van Adli,
30 maer ouer die kemels was Vbil die Ismaheliter, ende ouer die ezelen was Iadias die Meronathiter,
31 ende ouer die scapen Iaziz een Agarenus man. Alle dese waren princen ouer des conincs Dauids rijcdom.
32 Maer Ionathan Dauids oom was raetsman, een voorsienich man ende gheleert hy ende Iahiel Hachamonis sone waren met des conincs sonen,
33 ende Achitophel was ooc des conincs raetsman. Ende Chusai die Arachiter was des conincs vrient.
34 Nae Achitophel was Ioiada die sone Banaie, ende Abiathar, Maer die Prince van des conincs heyr was Ioab.	margenoot+ A margenoot+ B margenoot+ C margenoot+ D

Vorige Volgende

Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxvij. Capittel.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

Over het gehele werk

auteurs