Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxvi. Capittel.

1

⁺MAer dit waren die deylinghen der doerwaerders, vanden Coriten Meselemia, die sone van Core, van Asaphs kinderen

+ A

2

die sonen van Meselemias, Zacharias dierste gheboren Iadihel die tweede, Zabadias die derde Iathanael die vierde,

3

Elam die vijfste, Iohanan die seste Elioenai die seuenste.

4

Ende die sonen van Obededom Semeias dierste gheboren, Iozabad die tweede Ioaha die derde, Sachar die vierde, Nathanael die vijfste

5

Ammiel die seste, Issachar die seuenste, Phollathi die achtste, want die Heere hadde hem ghebenedijt,

6

Maer Semeie sijnen sone sijn oock sonen gheboren ouerste van haren familien, want sij waren seer stercke mannen.

7

Aldus waren die sonen van Semeias, Othni, ende Raphael, ende Obed, Elzabab ende sijn broeders seer stercke mannen, Eliu oock, ende Samachias,

8

alle dese van Obededoms sonen, sij ende hen sonen, ende broeders seer sterck om te dienen tweentsestich van Obededom.

9

Maer die sonen van Meselemie ende hen broeders seer stercke mannen achtien.

10

Ende van Hosa, ⁺dat es van die sonen van Merari Semri die prince (want hy en hadde ghenen ierste gheboren, ende daer om hadde hem sijn vader ghestelt tot eenen prince

+ B

11

Helcias die tweede Tabelias die derde, Zacharias die vierde, alle dese sonen ende broederen van Hosa waren derthien.

12

Dese sijn ghedeelt in doorwachters, dat sij altijts als princen der bewaringhen ghelijck hen broeders dienen souden in des Heeren huys.

13

Hier om sijn die loten ghelijckelijck gheworpen, den cleynen ende den grooten by haren familien, tot elcke poorte.

14

Aldus eest dlot vanden oosten gheuallen Selemie. Maer Zacharie

[p. *326]

sijnen sone den seer wijsen ende gheleerden man, es by loterie gheuallen die noortsijde.

15

Ende Obedom met sijnen sonen, aen tsuyden, in welcke deel des huys was den raet der ouders.

16

Sephim ende Hosa aen den westen, by die poorte de leyt nae den wech des op gancs, een bewaringhe teghen die bewaringhe.

17

Maer aen den oosten ses Leuiten, ende aen den noorden vier sdaechs, ende aenden suyden desghelijcs in den dach viere, ende daer den raet was twee ende twee.

18

Ende in der doerwachters camerkens aen den westen vier inden wech, twee in elcke van die camerkens.

19

⁺Dit sijn die deylinghen der doerwachters der sonen van Core ende Merari.

+ C

20

Maer Achas was ouer die tresoiren van dat huys des Heeren ende ouer die ghereetscap der heyligher plaetsen.

21

Ende die sonen van Ledan, die sonen van Gersonni, van Ledan waren princen der familien, Ledan ende Gersonni Ieheli

22

die sonen van Ieheli Zathan ende Ioel sijn broeders ouer die scatten van des Heeren huys,

23

den Amramiten, ende Isaariten, ende Hebroniten, ende Ozieheliten.

24

Maer Subael die sone van Gersom Moyses sone was die ouerste ghestelt vanden tresoiren.

25

Ende sijn broeder Eliezer wiens sone was Rahabia, ende die sone van desen Isaias, ende dees sone Ioram, ende dees sone was oock Zechri, ende dees sone Selemith,

26

hy selue Selemith ende sijn broeders waren ouer die scatten der gheheylichden, welc die coninck Dauid gheheylicht heeft, ende die princen der familien, ende die duysentste mannen ende die honderste mannen ende die capeteynen des heyrs

27

vanden orloghen ende roouen der strijden, welc sij gheheylicht hadden tot vermakinghe ende huysraet van des Heeren tempel.

28

⁺Ende alle dese dinghen heeft Samuel die siender gheheylicht, ende Saul die sone van Cis, ende Abner die sone van Ner, ende Ioab die sone Saruie, ende alle die hadden dese dinghen gheheylicht door die hant Selemiths ende sijnder broederen.

+ D

29

Maer ouer die Isaariten was Chonenias, ende sijn sonen waren tot die wercken van buyten ouer Israel om die te leeren ende te vonnissen.

30

Maer vanden Hebroniten Hasabias ende sijn broeders seer stercke mannen duysent ende seuen hondert waren ouer Israel ouer die Iordane teghen den westen, in alle die wercken des Heeren, ende tot des conincs dienst.

31

Maer die prince vanden Hebroniten was Ieria nae hen familien ende gheslachten, Int veertichste iaer van Dauids conincrijck, sijn sij ghetelt, ende sijn gheuonden seer stercke mannen, in Iazer Galaad,

32

ende sijn broeders van stercker ouderdom twee duysent seuen hondert princen der familien. Ende die coninck Dauid heeftse ghestelt ouer die Rubeniten, ende Gaditen, ende die helicht van Manasses gheslachte, tot allen Gods ende des conincs diensten.