Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .vi. Capittel.

1

⁺DIe sonen van Leui, Gerson, Caath, Merari,

+ A

2

Caaths sonen Amran, Isaar, Hebron, ende Oziel,

3

Amrams kinderen Aaron, Moyses, ende Maria. Aarons sonen Nadab, ende Abiu, Eleazar ende Ithamar,

4

Eleasar heeft ghewonnen Phinees, Ende Phinees heeft ghewonnen Abisue,

5

Maer Abisue heeft ghewonnen Bocci, Ende Bocci heeft ghewonnen Ozi,

6

Ozi heeft ghewonnen Zaraiam, Ende Zaraias heeft ghewonnen Meraioth,

7

Maer Meraioth heeft ghewonnen Amariam, Ende Amarias heeft ghewonnen Achitob,

8

Achitob heeft gewonnen Sadoc, Ende Sadoc heeft ghewonnen Achimaas,

9

Achimaas heeft ghewonnen Azariam, Azarias heeft ghewonnen Iohanan,

10

Iohanan heeft ghewonnen Azariam, dese is die ghene die tpriesterscap bedient heeft in thuys dat Salomon getimmert heeft in Ierusalem,

11

Maer Azarias heeft ghewonnen Amariam, ende Amarias heeft ghewonnen Achitob,

12

ende Achitob heeft ghewonnen Sadoc, ende Sadoc heeft ghewonnen Sellum,

13

Sellum heeft ghewonnen Helciam, ende Helcias heeft ghewonnen Azariam,

14

Azarias heeft ghewonnen Sariam, ende Sarias heeft ghewonnen Iosedec.

15

Voorts soo is Iosedec wtgheghaen doen die Heere Iudam ende Ierusalem wechuoerde door die hant van Nabugodonosor.

16

Aldus waren die sonen van Leui Gerson, ⁺Caath, ende Merari.

+ B

17

Ende dit sijn die namen van Gersons sonen, Lobni, ende Semei,

18

Caaths sonen waren Amram ende Isaar, ende Hebron, ende Oziel.

19

Die sonen van Merari Mooli ende Musi.

Ende dit sijn die gheslachten van Leui by haren familien,

20

Gerson, Lobni sijn sone, Iahat sijn sone, Zamma sijn sone,

21

Ioah sijn sone, Addo sijn sone, Zara sijn sone, Iethrai sijn sone.

22

Caaths sonen Aminadab sijn sone, Core sijn sone Asir sijn sone,

23

Elcana sijn sone, Abiasaph sijn sone, Asir sijn sone,

24

Thahath sijn sone, Vriel sijn sone, Ozias sijn sone, Saul sijn sone,

25

Die sonen van Elcana Amasai, ende Achimot,

26

ende Elcana die sone van Elcana Sophai sijn sone, Nahath sijn sone,

27

Eliab sijn sone, Ieroham sijn sone, Elcana sijn sone,

28

Samuels sonen, dierste gheboren was Vasseni, ende Abia.

29

Ende die sonen Merari waren Moholi, Lobni sijn sone, Semei sijn sone, Oza sijn sone,

30

Sammaa sijn sone, Haggia sijn sone, Asaia sijn sone,

31

dese sijn die gene die Dauid ghestelt heeft ouer die sanghers van des Heeren huys van den tijt dat die arcke ghestelt was

32

ende sij dienden voor dat tabernakel des ghetuyghenis singhende tot dat Salomon des Heeren huys timmerde in Ierusalem. ⁺Ende si stonden nae hen ordinancie in den dienst,

+ C

33

Maer dese sijn die met haren sonen hen bystonden van Caaths kinderen Heman die sangher Ioels sone, des soons Samuel,

34

des soons Elcana, des soons Ierohan, des soons Eliel, des soons Thon,

35

des soons Suph, des soons Elcana, des soons Mahath, des soons Amisai

36

des soons Elcana, des soons Ioel des soons Azarie, des soons Sophonie,

37

des soons Thahath, des soons Asir, des soons Abiasaph des soons Core,

38

des soons Isaar, des soons Caath, des soons Leui, des soons Israel.

39

Ende sijn broeder Asaph die te sijnder rechter sijden stont Asaph die sone Barachie, des soons Samaa,

40

des soons, Michael des soons Basaie, des soons Melchie,

41

des soons Athanai, des soons Zara, des soons Adaia,

42

des soons Ethan, des soons Zamma, des soons Semei,

43

des soons Ieth, des soons Gerson des soons Leui.

44

⁺Ende die sonen van Merari hen broeders, ter slincker sijden Ethan die sone van Chusi, des soons Abdi, des soons Maloch,

+ D

45

des soons Hasabie, des soons Amasie, des soons Helcie,

46

des soons Amasai, des soons Boni, des soons somer,

47

des soons Moholi, des soons Musi, des soons Merari, des soons Leui.

48

Ende hen broeders Leuiten die gheordineert waren tot alle den dienst des tabernakels van des Heeren huys.

49

Maer Aaron ende sijn sonen ontstaken den

[p. *314]

welriekenden offer opten outaer des heelbrantoffers, ende opten outaer vanden welriekenden offer, tot alle wercke van die alderheylichste plaetse, ende om dat sij voer Israel bidden souden, ghelijck dat al beuolen hadde Moyses Gods dienaer.

50

Maer dit sijn Aarons sonen, Eleazar sijn sone, Phinees sijn sone, Abisue sijn sone,

51

Bocci sijn sone, Ozi sijn sone, Zarahia sijn sone,

52

Meraioth sijn sone, Amarias sijn sone, Achitob sijn sone,

53

Sadoch sijn sone, Achimaas sijn sone.

54

Ende dit sijn hen wooninghen by haren cleynen dorpen ende haren biligghende palen, te weten der sonen van Aaron, nae die gheslachten der Chaathiten, ⁺Want dien waren sij te lote gheuallen.

+ E

55

Hierom hebben sij hen ghegheuen Hebron int lant van Iuda ende sijn voersteden rontsomme.

56

Maer die ackerlanden der stadt ende die lanthuysen hebben sij Caleb Iephones sone ghegeuen.

57

Maer sij hebben Aarons sonen ghegeuen die vrije steden om daer toe te vlieden Hebron ende Lobna, ende haer voorsteden,

58

Iether ooc ende Esthemo met haren voorsteden, Ende ook Helon ende Dabir met haren voorsteden.

59

Asan ooc ende Bethsemes, ende haer voorsteden.

60

Van Beniamins gheslachte, Gabee, ende sijn voorsteden ende Almath met sijnen voorsteden, Anathoth ooc met sijnen voorsteden, alle die steden derthien by haren gheslachten.

61

Ende den sonen van Caath die ouerbleuen waren van haren gheslachte hebben sij ghegeuen wt die helicht van Manasses gheslachte tot een besittinge thien steden.

62

Maer Gersons sonen by haren gheslachten hebben sij ghegeuen van Issachars gheslachte ende van Asers gheslachte, ende van Nephthalis gheslachte, ende van Manasses gheslachte in Basan, derthien steden.

63

Ende den sonen van Merari, by haren maescappen, ⁺hebben sij van Rubens gheslachte ende van Gads gheslachte, ende van Zabulons gheslachte, by lote ghegeuen twaelf steden.

+ F

64

Ende die kinderen van Israel hebben den Leuiten ooc steden ghegeuen, ende haer voorsteden.

65

Ende sij hebben metten lote ghegeuen wt der kinderen van Iuda gheslachte, ende wt den gheslachte van Simeons kinderen, ende wten gheslachte van Beniamins kinderen, dese steden die sij ghenoemt hebben, met haren namen,

66

ende den ghenen die wt Caaths sonen gheslachten waren, ende die steden waren in hen palen van Ephraims gheslachte.

67

Aldus hebben sij hen steden om daer toe te vlieden ghegeuen Sichem met sijnen voorsteden int gheberchte van Ephraim, ende Gazer met sijnen voorsteden,

68

Iecmaan ooc met sijnen voorsteden ende Betheron desghelijcs,

69

ende ooc Helon met sijnen voorsteden, ende Geth Remmon, ende die selue maniere.

70

Maer wt dat half gheslachte van Manasses, Aner ende sijn voorsteden, Balaan ende sijn voorsteden, te weten desen die daer noch ouerbleuen waren van tgheslachte der kinderen van Caath.

71

Ende Gersons sonen wt dat maecschap van thalf Manasses gheslachte Gaulon in Basan ende sijn voorsteden, ende Astaroth met sijnen voorsteden.

72

⁺Van Issachars gheslachte, Cedes ende sijn voorsteden, ende Dabereth met sijnen voorsteden,

+ G

73

Ramoth ooc ende sijn voorsteden, ende Anem met sijnen voorsteden.

74

Maer van Asers gheslachte, Masal met sijnen voorsteden, ende Abdon desghelijcs,

75

Asach ooc, ende sijn voorsteden, ende Roob met sijnen voorsteden,

76

Maer van Nephthalis gheslachte gauen sij Cedes in Galileen ende sijn voorsteden, Hamon met sijn voorsteden, ende Cariathaim ende sijn voorsteden.

77

Ende den sonen van Merari die daer ouerbleuen waren, van Zabulons gheslachte Remmono ende sijn voorsteden, ende Thaber met sijnen voorsteden,

78

ouer die Iordane ooc teghen ouer Iericho teghen dat oosten der Iordanen van Rubens gheslachte Bosor in die woestijne met sijnen voorsteden, ende Iaffa met sijnen voorsteden,

79

Cademoth ooc ende sijn voorsteden, ende Mephaath met sijnen voorsteden.

80

Ende oock van Gads gheslachte Ramoth in Galaad, ende sijn voorsteden ende Manaim met sijnen voorsteden.

81

Ende ooc Hesebon met sijnen voorsteden, ende Iezer met sijnen voorsteden.