Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .vij. Capittel.

1

⁺MAer Issachars sonen waren Thola, ende Phua, Iasub ende Simeron, die viere.

+ A

2

Die sonen van Thola, Ozi, ende Raphaia ende Ieriel, ende Iemai, ende Iebsem, ende Samuel, princen onder die huysen van haren gheslachten. Van dat gheslachte van Thola sijn seer stercke mannen ghetelt in Dauids tijden tweentwintich duysent ende seshondert.

3

Die sonen van Ozi Izrahia, daer af dat gheboren sijn Michael, ende Obadia, ende Ioel, ende Iesia die vijue, alle princen.

4

Ende met hen onder haer familien ende volcken, omgort ten strijde waren seer stercke mannen sessendertich duysent, want sij hadden veel huysvrouwen, ende sonen.

5

Ende hen broeders, door alle Issachars gheslachte seer vroom om te strijden, sijn seuen ende tachtentich dusent ghetelt.

6

⁺Die sonen van Beniamin, Bela, ende Bechor, ende Iadihel die drije.

+ B

7

Die sonen van Bela Esbon, ende Ozi, ende Oziel ende Ierimoth, ende Vrai, vijf princen der familien, ende seer vroem om te strijden, ende hen ghetal was tweentwintich duysent ende vierendertich.

8

Maer Bechors sonen, Zamira ende Ioas, ende Eliezer ende Elioenai, ende Amri, ende Ierimoth, ende Abia, ende Anathoth, ende Almath alle dese waren Bechors sonen,

9

Ende waren gherekent by hare familien, princen van haren gheslachten seer sterck ten strijde, twintich duysent ende tweehondert.

10

Maer die sonen van Iadihel Balan, Ende Balans sonen waren Iehus, ende Beniamin ende Aod, ende Chanaana, ende Zetham, ende Tharsis, Ahisahar,

11

alle dese waren Iadihels sonen, princen van haren gheslachten, ⁺seer vrome mannen, seuenthien duysent ende twee hondert ten strijde treckende.

+ C

12

Ende ooc Sepham die sonen van Hir ende Hasim Ahers kinderen.

13

Ende die sonen van Nephthali, waren Iasiel, ende Guni ende Ieser, ende sellum die sonen van Bala.

14

Maer Mannasses sone Esriel, ende sijn concubine Syra heeft ghebaert Machir Galaads vader.

15

Ende Machir heeft voor sijn sonen huysvrouwen ghenomen Haphim ende Sapham, ende hy hadde een suster ghenaemt Maacha, ende den naem vanden tweeden Salphaad, ende Salphaad sijn dochteren gheboren,

16

ende Maacha Machirs huysvrouwe heeft eenen sone ghebaert, ende sij heeft sijnen naem ghenoemt Phares, Ende sijns broeders naem was Sares, ende sijn sonen waren Vlam ende Recem,

17

Ende Vlams sone Badan, ⁺dit sijn Galaads sonen, des soens Machir, des soens Mannasse.

+ D

18

Ende sijn suster Regma heeft ghebaert eenen schoonen man ende Abiezer, ende mohola.

19

Ende die sonen van Semida waren Ahin, ende Sechem, ende Leci, ende Aniam,

20

Maer Ephraims sonen waren Surhala, Bared sijn sone, Thahath sijn sone, Elada sijn sone, Thahath sijn sone,

21

ende den sone van desen Zabad, ende diens sone Suthala, ende diens sone Ezer, ende Elad. Ende die mannen van Geth ingheboren des

[p. *315]

lants hebbense doot gheslaghen, Want sij waren nederwaerts comen, ⁺om hen besittinghen met macht in te nemen,

+ E

22

Hier om heeft Ephraim hen vader rouwich gheweest veel daghen ende sijn broeders sijn ghecomen om hem te vertroosten,

23

Ende hy es met sijn huysvrouwe versaemt, die welcke heeft ontfanghen ende ghebaert eenen sone ende hy heeft sijnen naem ghenaemt Beria, om dat hy in die quaden van sijnen huyse gheboren was.

24

Maer sijn dochter was Sara, die welcke heeft opghetimmert hooch ende neder Bethoron, ende Ozensara.

25

Ende sijn sone was Rapha, ende Reseph ende Thale, daer af dat gheboren es Thaan,

26

die welcke heeft ghewonnen Laaban ende diens sone was Ammiud, die welcke heeft ghewonnen Elizama,

27

daer af dat gheboren es Nun, ⁺die hadde eenen sone Iosue.

+ F

28

Ende hen besittinghe ende wooninghe was Bethel met sijnen dochteren. Ende teghen den oosten Noran, ende die westsijde van Gazer ende sijn dochteren, Sichem oock met sijnen dochteren, tot Asa toe met sijnen dochteren.

29

Ende by Manasses sonen Bethsan ende haer dochteren, Thanach ende haer dochteren, Mageddo ende haer dochteren, Dor ende haer dochteren, in dese hebben ghewoont die sonen van Ioseph Israels sone.

30

Die sonen van Aser waren Iemna ende Iesua, ende Iessui, ende Baria, ende Sara hen sustere.

31

Ende die sonen van Baria Heber, ende Melchiel, hy is die vader van Barsaith.

32

Maer Heber heeft ghewonnen Iephlat, ende somer, ende Hotham, ende Suaa hen suster,

33

Iephlats sonen waren Phosech, ende Chamaal, ende Asoth, dit waren Iephlats sonen.

34

⁺Maer Somers sonen, Ahi ende Roaga ende Haba, ende Aram.

+ G

35

Ende die sonen van Helem sijn broeder Supha ende Iemna, ende Selles, ende Amal.

36

Die sonen van Supha, Sue, Harnapher, ende Sual, ende Beri, ende Iamra,

37

Bosor ende Hod, ende Samma, ende Salusa, ende Iethran, ende Bera.

38

Iethers sonen Iephonne, ende Phaspha, ende Ara.

39

Ende die sonen van Olla waren Aree, ende Haniel, ende Resia.

40

Alle dese waren Asers sonen, princen der gheslachten, wt ghecoren ende dalder stercste vorsten der vorsten, ende hen ghetal der ouderdom die bequaem was ten strijde, was sessentwintich duysent.