Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxi. Capittel.

1

⁺DOen quam Dauid te Nobe tot Achi-melech den priester, ende Achi-melech verwonderde hem seer, om dat Dauid daer comen was. Ende hy seyde tot hem, Waer om sijdi alleene ende niemant met v?

+ A

2

Ende Dauid seyde tot Achi-melech den priester, Die coninck heeft my een woordt beuolen ende gheseyt, En laet niemant dese sake weten waerom dat ghy van my ghesonden sijt, ende wat gheboden dat ick v beuolen hebbe, want ic heb die knechten bestelt te sijne tot die ende die plaetse,

3

Daerom hebdi nv iet byder hant, tsij vijf brooden, gheeft my die, oft iet dat ghy vindt.

4

Ende die priester antwoordende seyde tot Dauid, Ick en hebbe gheen broot vooor ghemeyn menschen byder hant, maer alleen heylich broot, eest sake dat die knechten suyuer sijn, besonder van vrouwen.

5

⁺Ende Dauid antwoorde den priester, ende seyde tot hem, Aengaende die vrouwen eest datmen daer op lettet, wij hebben ons daer af onthouden van ghisteren ende eerghisteren als wij wt ghinghen, ende die vaten der kinderen waren heylich, maer desen wech is besmet, maer die sal oock heden gheheylicht worden door die vaten.

+ B

6

Aldus so heeft hem die priester gheheylicht broot ghegheuen, want daer en was gheen broot dan alleene die brooden der voorlegghinghen, die van dat aenschijn des Heeren afghedraghen waren, om dat men daer werme brooden voor legghen soude.

7

Ende daer was een van Sauls knechten op dien dach binnen in des Heeren tabernakel, ⁺ende sijnen naem was Doeg een Edumiter, die alder machtichste van Sauls herders.

+ C

8

Ende Dauid seyde tot Achi-melech, Hebdi hier byder hant eenighe lancie oft sweert? want ick en heb mijn sweert ende mijn wapenen met my niet ghebrocht, Want des conincs woordt was haestich.

9

Ende die priester seyde, Siet hier is dat sweert Goliath des Philistijns, den welcken ghy verslaghen hebt in die valleye der Therebinten, het is ghedect met eenen mantel achter den Ephod, wildi dit met v draghen, so neemt dat wech, want hier en is gheen ander sonder dit.

Ende Dauid seyde, Daer en is gheen ander dies ghelijck, gheeft my dat.

10

Aldus is Dauid opghestaen ende gheuvlucht wt Sauls aensicht op dien dach, ende hy is ghecomen tot Achis den coninc van Geth,

11

Ende Achis knechten seyden tot hem als sij Dauid saghen, ⁺En is dit niet Dauid die coninck des lants? En songhen sij niet door die dansen segghende, Saul heefterduysent ver-

+ D

[p. *238]

slaghen, maer Dauid thien duysent?

12

Maer Dauid stelde dese woorden in sijn herte, ende hy vreesde seere voor dat aenschijn van Achis des conincks van Geth.

13

Ende hy veranderde sijnen mont voor hemlieden, ende hy viel onder haer handen, ende hy stiet aen die duere vander poorten, ende sijn seeuer vloeyde hem neder op sijnen baert.

14

Ende Achis seyde tot sijn knechten, Ghy hebt ghesien desen man rasende, waerom hebdi dien tot my ghebracht?

15

Ghebreken ons rasende menschen? dat ghy desen man hier binnen ghebrocht hebt, om dat hy voor my soude rasen? Sal dese dan in mijn huys comen?