Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xij. Capittel.

1

⁺ENde Samuel heeft gheseyt tot alle die van Israel, Siet ic heb v stemme verhoort, nae alle dat ghy my gheseyt hebt, ende ic heb ouer v lieden eenen coninck ghestelt.

+ A

2

Ende nv gaet die coninck voor v lieden, maer ic ben out ende grijs gheworden, voorts soo sijn mijn sonen oock by v lieden. Aldus ick heb voor v lieden verkeert van mijnder ioncheyt af tot op desen dach toe, ende siet ick ben hier teghenwoordich,

3

Spreect van my voor den Heere, ende voor sijnen ghesalfden, Oft ick iemants osse oft ezel ghenomen hebbe, oft ic ooc iemant onder schijn van recht onrecht ghedaen hebbe, oft ic iemant verdruct hebbe, oft ic van iemants hant eenighe ghifte ontfanghen hebbe, ende ic sal die heden versmaden, ende v wederom gheuen.

4

Ende sij seyden, Ghy en hebt ons gheen onrecht onder schijn van recht ghedaen, noch verdruct, noch yet ontfanghen van iemants hant.

5

Ende hy seyde tot haerlieden, Die Heere is een ghetuyghe teghen v lieden, ende sijn ghesalfde is oock ghetuyghe op desen dach, dat ghy in mijn handt niet vonden en hebt. Ende sij seyden, Hy is ghetuyghe.

6

Ende Samuel seyde totten volcke, Die Heere die Moysen ende Aaron ghemaect heeft, ende ons vaders wt dat lant van Egipten gheleyt heeft, is hier teghenwoordich.

7

⁺Daerom soo staet nv, dat ick met rechte teghen v claghen mach voor den Heere, van allen des Heeren barmherticheden, die hy met v lieden ghedaen heeft, ende met uwen vaderen,

+ B

8

hoe dat Iacob in Egipten ghegaen is, ende hoe v vaderen gheroepen hebben totten Heere, ende hoe die Heere Moysen ende Aaron ghesonden heeft, ende uwe vaderen wt Egipten gheleyt, ende ghestelt op dese plaetse,

9

Die welcke den Heere haren Godt vergheten hebben, ende hy heeftse gheleuert in die hant van Sisara, ouercapeteyn van Hasor, ende inder Philistinen hant, ende in die hant van der Moabiten coninck, ende sij hebben teghen hen ghestreden.

10

Maer daer nae hebben sij totten Heere gheroepen ende gheseyt, Wij hebben ghesondicht dat wij den Heere verlaten hebben, ende ghedient Baalim ende Astaroth. Hier om verlost ons nv wt onser vianden hant, ende wij sullen v dienen.

11

Ende die Heere heeft ghesonden Ierobaal, ende Badan, ende Samson, ende Barac, ende Iephte, ende Samuel, ende hy heeft v verlost wt die hant uwer vianden rontsomme, ende ghy hebt ghewoont sonder vreese.

12

Maer siende dat Naas die coninck van Ammons kinderen teghen v lieden ghecomen was, ⁺soo hebdi my gheseyt, Gheensins, maer een coninck sal regiment ouer ons hebben, Als nochtans die Heere v lieder Godt heerscappie ouer v hadde.

+ C

13

Hier om soo is v coninck nv hier teghenwoordich, den welcken ghy ghecoren ende begheert hebt. Siet die Heere heeft v eenen coninck ghegheuen,

14

Eest sake dat ghy den Heere vreest, ende hem dient, ende sijn stemme hoort, ende dat ghy des Heeren mont niet en verbittert, soo suldi beyde ghi ende die coninc die ghebodt ouer v heeft, den Heere uwen

[p. *229]

Godt volghen.

15

Maer eest sake dat ghy die stemme des Heeren niet en hoort, ende dat ghy sijn woorden verbittert, soo sal des Heeren hant op v lieden ende op uwe vaders sijn.

16

Maer blijft nv oock staende, ende siet dit groot dinck, dwelc Godt doen sal voor v aen schijn,

17

En eest heden niet den tarwen oochst? Ick sal den Heere aenroepen, ende hy sal gheuen donderen ende reghenen, ende ghy sult weten ende sien, dat ghy v seluen een groot quaet ghedaen hebt voor des Heeren aenscouwen, eysschende ouer v eenen coninck.

18

Ende Samuel heeft totten Heere gheroepen, Ende die Heere heeft op dien dach donderen ende reghenen ghegheuen.

19

⁺Ende alle dat volck heeft bouen maten seer den Heere ende Samuel gheureest. Ende alle dat volck heeft tot Samuel gheseyt, Bidt voor v dienaers aen den Heere uwen Godt, dat wij niet en steruen, want wij hebben tot allen onsen sonden noch dit quaet ghedaen, dat wij voor ons eenen coninck begheert hebben.

+ D

20

Maer Samuel heeft totten volcke gheseyt, En wilt niet vreesen, ghy hebt alle dit quaet ghedaen, Nochtans en wilt niet afkeeren achter des Heeren rugghe, maer dient den Heere met allen v herte,

21

Ende en wilt niet afkeeren nae die ydel dinghen, die v niet baten en sullen, ende v ooc niet verlossen en sullen, want sij ydel sijn.

22

Ende die Heere en sal sijn volck niet verlaten, om sijnen grooten naem, want die Heere heeft ghesworen dat hy van v sijn volc maken soude.

23

Verre moet van my wesen dit misdaet teghen den Heere, dat ic soude ophouden voor v te bidden, ende ick sal v ooc leeren den goeden ende rechten wech.

24

Aldus dan vreest den Heere, ende dient hem inder waerheyt ende wt uwen gheheelen herte, want ghy hebt die grootdadighe wercken ghesien, die hy onder v lieden ghedaen heeft,

25

Maer eest sake dat ghy in v quaetheyt volherdet, so suldi beyde ghy ende v coninck vergaen.