Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .iij. Capittel.

1

⁺MAer dat kint Samuel diende den Heere voor Heli, ende het woort des Heeren was costelijck in dien daghen, daer en was gheen openbaer visioen,

+ A

2

Aldus dan eest ghebuert op eenen dach als Heli lach op sijn bedtstede, ende sijn ooghen waren verduystert, ende hy en conste des Heeren lichtuat niet ghesien

3

voor dat wt ghinck, Maer Samuel sliep inden tempel des Heeren, daer Gods arcke was,

4

Ende die Heere riep Samuel, Die welcke antwoordende heeft gheseyt. Siet ick ben hier,

5

Ende hy liep tot by Heli, ende seyde. Siet ick ben hier, want ghy hebt my gheroepen, Ende hy seyde, ic en heb v niet gheroepen, keert wederom ende slaept, Ende hy is wech ghegaen, ende heeft gheslapen,

6

Ende die Heere heeft daertoe ten tweeden Samuel gheroepen, ⁺Ende Samuel opstaende is tot Heli ghegaen ende heeft gheseyt. Siet ick ben hier, want ghy hebt my gheroepen, Ende hy antwoorde. Ick en heb v niet gheroepen, mijn sone gaet wederom ende slaept

+ B

7

Maer Samuel en kende den Heere noch niet, ende het woort des Heeren en was hem noch niet gheopenbaert,

8

Ende die Heere deder noch toe, ende hi heeft Samuel noch gheroepen ten derden male, Die welcke opstaende is ghegaen tot Heli

9

ende seyde. Siet ick ben hier, want ghi hebt mi gheroepen. Aldus so heeft Heli verstaen dat die heere het kint riep, ende hi seyde tot Samuel. Gaet henen ende slaept, ende eest dat hy v noch eens roept, soo suldi segghen. Spreect Heere want v dienaer hoort, Aldus is Samuel wech ghegaen ende heeft gheslapen op sijn plaetse,

10

Ende die Heere is comen ende heeft ghestaen, ende gheroepen ghelijck hi hem ten tweeden gheroepen hadde, segghende. Samuel Samuel, Ende Samuel seyde. Spreect Heere want v dienaer hoort,

11

Ende die Heere seyde tot Samuel. ⁺Siet ick doen een woort in Israhel, dat (soo wie dat hoort) hem sullen beyde sijn ooren tuyten.

+ C

12

Op dien dach sal ick doen opstaen teghen Heli alle die dinghen die ick tseghen sijn huys ghesproken hebbe. Ic salt beghinnen ende volbrenghen,

13

Want ick hebt hem te voren gheseyt, dat ic ouer sijn huys recht doen soude inder eewicheyt om die boosheyt, want hy wel wiste dat sijn kinderen onweerdelijc deden, ende hy die niet en strafte.

14

Daerom heb ic den huyse van Heli ghesworen, dat die boosheyt van sijnen huyse niet en sal ghesuyuert worden, noch met slachofferanden noch met ghiften tot inder eewicheyt,

15

Ende Samuel sliep tot den morghenstont toe, ende hi dede die doren van des Heere huys open, Ende Samuel die vreesde dat visioen Heli te kennen te gheuen,

16

Hierom so heeft Heli Samuel gheroepen ende gheseyt. Samuel mijn sone, Ende hy antwoorde ende seyde. Ic ben hier,

17

⁺Ende hy vraechde hem. Welc is het woort dat die Heere tot v ghesproken heeft, Ic bidde v en wilt dat voor my niet verborghen, Godt moet v dese dinghen doen, ende die noch daer toe doen, eest sake dat ghy een woort voor my verborcht, van alle die woorden die v gheseyt sijn.

+ D

18

Aldus soo heeft hem Samuel alle die woorden te kennen ghegheuen, ende hy en heeft niet voor hem verborghen, Ende hy antwoorde. Hy is die Heere, hy doe dat goet id in sijn ooghen,

19

Maer Samuel is opghewassen ende die Heere was met hem. Ende daer en viel gheen van allen sijnen woorden op die aerde,

20

Ende gheheel Israhel van Dan aen tot Bersabee heeft ghekent, dat die ghetrouwe Samuel een propheet des Heeren was,

21

Ende die Heere deder noch toe, dat hi hem openbaerde te Silo, want die Heere was Samuel gheopenbaer te Silo, nae dat woort des Heeren. Ende Samuels woort is ghesciet voor alle die van Israhel.