Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxi. Capittel.

1

⁺ENde die princen vanden familien der Leuiten sijn ghegaen tot Eleazar den priester, ende tot Iosue Nuns sone, ende tot die hooftmannen vanden maesscappen ouer elck gheslachte der kinderen van Israhel,

+ A

2

ende hebben tot hem ghesproken te Silo int lant van Chanaan wende gheseyt. Die Heere heeft gheboden door die hant van Moyses, datmen ons steden gheuen soude, om te woonen, ende haer voorsteden om beesten te voeden,

3

Ende die kinderen van Israhel hebben van haren besittinghen steden ghegheuen met haren voorsteden, nae des Heeren ghebodt.

4

Ende dat lot is wtcomen voor die familie van Caath Aarons des priesters kinderen, wt Iuda ende Simeon ende Beniamins gheslachte, derthien steden,

5

Ende den anderen kinderen van Caath dat is den Leuiten die daer noch ouerbleuen waren, vielen te lote, wt die gheslachten van Ephraim, Dan, ende des haluen gheslachts van Manasse, thien steden.

6

Voorts den kinderen van Gerson is het lot wtcomen dat si souden nemen wt die gheslachten van Issachar, ende Aser, ende Nephthali, ende van dat half gheslachte van Manasse, int lant van Basan, derthien steden in ghetale.

7

⁺Ende den kinderen van Merari nae haren familien sijn gheuallen wt die gheslachten van Ruben, ende

+ B

[p. *197]

Gad, ende Zabulon, twaelf steden.

8

Aldus hebben die kinderen van Israhel den Leuiten steden ende voorsteden ghegheuen, ghelijck die Heere beuolen hadde, door die hant van Moyses, eenen yeghelijcken die metten lote gheuende,

9

Vanden gheslachten der kinderen van Iuda ende Simeon heeft Iosue steden ghegheuen der welcker namen sijn dese

10

voor Aaraons kinderen na die familien van Caath, vander Leuiten gheslachte, (Want het ierste lot is hen wtcomen)

11

Cariatharbe, die Enacs vader was, die welcke ghenaemt is Hebron, op dat gheberchte van Iuda, met haren voorsteden rontsomme,

12

Maer die ackerlanden ende haer dorphuysen hadde hy ghegheuen Caleb Iephones sone, om te besitten,

13

Hierom heeft hy Aarons des priesters sonen ghegheuen Hebron die vluchtstede, met haren voorsteden ende Lobnam met haren voorsteden

14

ende Iether, ende Esthemo,

15

ende Holon, ende Dabir,

16

ende Ain, ende Ieta, ende Bethsames met haren voorsteden, neghen steden, van die twee gheslachten (alst vooseyt is)

17

Maer van dat gheslachte der kinderen van Beniamin, gaf hy Gabaon, ende Gabae,

18

ende Anatoth, ende Almon vier steden met haren voorsteden

19

Alle die steden tsamen van Aaron des priesters kinderen, waren derthien met haren voorsteden,

20

Maer den anderen nae die familien van Caaths kinderen, van der Leuiten gheslachten is dese besittinghe ghegheuen,

21

Van Ephraims geslachte die vlucht steden Sichem met sijnen voorsteden int gheberchte van Ephraim, ende Gazer

22

ende ⁺Cibsaim, ende Bethhoron met haren voorsteden vier steden,

+ C

23

Ende van Dans gheslachte Eltheco, ende Gabathon,

24

ende Aialon ende Gethremmon, met haren voorsteden vier steden,

25

Maer van dat half gheslachte van Manasse, Thanach ende Gethremmon, met haren voorsteden twee steden.

26

Alle die thien steden ende haer voorsteden sijn ghegheuen Caaths kinderen die van nederen graet waren.

27

Ende den kinderen van Gerson vander Leuiten gheslachte heeft hy wt dat half gheslachte van Manasses ghegheuen die toeuluchtsteden Gaulon in Basan, ende Borsam met haren voorsteden, twee steden,

28

Maer wt dat gheslachte van Issachar, heeft hy ghegheuen Cesion, ende Dabereth,

29

ende Iaramoth, ende Engannim met haren voorsteden, vier steden,

30

Maer van Asers gheslachte Masal, ende Abdon,

31

ende Helcath ende Rohob met haren voorsteden, vier steden,

32

Ende wt dat gheslachte van Nephtali heeft hy ghegheuen die toeuluchtsteden Cedes in Galilea, ende Hammothdor, ende Carthan, drij steden met haren voorsteden.

33

Alle die steden der familien van Gerson, waren derthien met haren voorsteden,

34

Maer den kinderen van Merari den Leuiten die van nederen graet waren, na haren familien is ghegheuen wt dat gheslachte van Zabulon, Iecnam, ende Cartha,

35

ende Damna, ende Naalol, vier steden met haren voorsteden.

36[37]

⁺Van Gads gheslachte die toeuluchtsteden, Ramoth in Galaad, ende Manaim, ende Hesebon, ende Iazer, vier steden, met haren voorsteden,

+ D

37[36]

Van Rubens gheslachte ouer die iordane teghen ouer Iericho sijn ghegheuen die toeuluchtsteden Bosor in die woestijne Misor, ende Iazer ende Iechson, ende Mephaath vier steden met haren voorsteden,

38

Alle die steden der kinderen van Merari bi haren familien, ende maesscappen, waren twaelue.

39

Aldus alle die steden der Leuiten int midden der besittinghen der kinderen van Israhel waren achtenveertich

40

met haren voorsteden, Die welcke al besonder waren ghedeelt nae die familien.

41

Ende die Heere Godt heeft Israhel ghegheuen alle dat lant dat hy haren vaderen ghesworen hadde, dat hi hen dat gheuen soude, ende si hebben dat beseten, ende daer in ghewoont,

42

ende daer is van hen pays ghegheuen in alle die natien rontsomme, ende niemant vanden vianden en heeft hen dorren wederstaen, maer sij sijn alle gader onder hen heerscappie comen,

43

Daer en was niet een woort te vergheefs van alle tghene dat hy hen belooft hadde te gheuen, maer this al metten wercken volbracht gheweest.