Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xix. Capittel.

1

⁺ENde het tweede lot is wtcomen der kinderen van Simeon nae haren maesscappen ende hen erfdeel was

+ A

2

int midden van die besittinghe der kinderen van Iuda, Bersabee, ende Sabee ende Molada,

3

ende Hasersual, Bala, ende Asem,

4

ende Eltholad, Bethul ende Harma,

5

ende Siceleg, ende Bethmarchaboth, ende Hasersusa,

6

ende Bethlebaoth, ende Sarohen, derthien steden ende haer dorpen,

7

Ain, ende Remmon, ende Athar, ende Asan, vier steden ende haer dorpen,

8

alle die dorpkens die rontsomme dese steden ligghen tot Baalath toe, Beer Ramaath teghen die suytsijde. Dit is die erffelijcheyt van Simeons kinderen nae haren maesscappen,

9

in die besittinghe ende coordeken der kinderen van Iuda, om dat die grooter was ende daerom hebben Simeons kinderen beseten int midden van hen erfdeel.

10

Ende dat derde lot der kinderen van Zabulon na haren gheslachten is gheuallen, Ende die pale van hen besittinghe is gheworden tot Sarid,

11

ende het climt opwaerts vander zee, ende van Medalaa, ende coemt voorts door tot Debbaseth totter beken welc teghen ouer Ieconam is,

12

Ende het keert wederom van Sarid teghen den oosten tot aen dat eynde van Cheselethtabor, ende tgaet wt tot Dabereth, ende het climt opwaerts teghen Iaphie,

13

⁺Ende van daer gaet dat voorts door die oostsijde van Gethhepher, ende Tacasin, ende tcoemt wt tot Remmon, Amthar, ende Noa

+ B

14

Ende het ghaet omme tot die noortsijde van Hanathon, ende sijn wtganghen sijn die valleye Iephtahel,

15

ende Caleth, ende Naalol, ende Semeron, ende Iedala, ende Bethlehem, twaelf steden ende haer dorpen.

16

Dit is het erfdeel van dat gheslachte der kinderen van Zabulon, nae haren familien hen steden ende dorpen.

17

Issachar is dat vierde lot wtcomen by sijnen familien,

18

ende sijn erfdeel was Iezrahel, ende Casaloth, ende Sunem,

19

ende Hapharaim, ende Seon, ende Anaharath

20

ende Rabboth, ende Cesion, Abes, ende

21

Rameth, ende Engannim, ende Enhadda, ende Bethpheses,

22

Ende sijn pale coemt door tot Thabor, ende Sehesima, ende Bethsemes, ende sijn wtganghen sullen sijn die Ior-

[p. *196]

dane, sesthien steden ende haer dorpen,

23

Dit is die besittinghe der kinderen van Issachar nae haren maesscappen, hen steden ende dorpen.

24

Ende het vijfste lot is gheuallen den gheslachte der kinderen van Aser, by haren familien,

25

ende hen pale was Halcath, ende Chali, ende Beten Axaph,

26

ende Elmelech, ende Amaad, ende Messal ende coemt door totten Carmelus der zee, ende tot Sihor, ende Labanath,

27

Ende het keert wederom teghen den oosten van Bethdagon, ende tgaet dore voorts tot Zabulon toe, ende tot dat dal van Iephtael, teghen den noorden, te Bethemec, ende Nehiel, ⁺Ende het ghaet voorts wt ter slincker sijde van Cabul,

+ C

28

ende Abran, ende Rohob, ende Hamon, ende Cana, tot groot Sidon toe,

29

ende het keert wederomme nae horma, tot die alder vaste stadt Tyrus, ende tot Hosa toe, ende haer wtganghen sullen wesen tot die zee van dat coordeken Achziba,

30

ende Amma, ende Aphec, ende Rohob, tweentwintich steden ende haer dorpen.

31

Dit is dat erfdeel der kinderen van Aser nae haren maesscappen ende hen steden ende dorpkens.

32

Dat seste lot viel der kinderen van Nephtali nae haren familien,

33

ende hen pale begonste van Heleph ende Elon tot Saananim, ende Adami, welc is Neceb, ende Iebnae, tot Lecam toe, ende haer wtganghen sijn tot die Iordane,

34

ende die pale keert daer omme teghen den westen tot Azanoththabor, ende van daer gaet die voort wt tot Hucuca, ende ghaet voorts door te Zabulon teghen den suyden, ende in Azer teghen den westen, ende tot Iuda aen die Iordane teghen den opganck der sonnen,

35

seer vaste steden Assedim, Ser, ende Emath, ende Reccath, ende Cenereth,

36

ende Edema, ende Arama, Asor,

37

ende Cedes, ende Edrai, Enhasor,

38

ende Ieron, ende Magdalel, Horem ende Bethanath, ende Bethsames, neghenthien steden ende haer dorpen,

39

Dit is die besittinghe vanden gheslachte der kinderen Nephtali, nae haren familien, haer steden ende dorpkens.

40

⁺Den gheslachte der kinderen van Dan by haren familien is wtcomen het seuenste lot,

+ D

41

ende die pale van hen besittinghe was Saraa, ende Estaol ende Hirsemes, dat is der sonnen stadt,

42

Selebin, ende Aialon ende Iethela,

43

Elon, ende Themna, ende Acron,

44

Elthece, Gebbethon, ende Balath,

45

ende Iud, ende Bane, ende Barac, ende Gethremmon,

46

ende Meaiarcon, ende Arecon met diepale die teghen Ioppe siet,

47

ende met dat eynde wort besloten, Ende die kinderen Dan sijn opghetrocken ende hebben ghestreden tseghen Hesem, ende sij hebben die stadt inghenomen, ende met dat scerp vanden swaerde verslaghen, ende sij hebben die beseten, ende daer in ghewoont noemende haren naem Lesemdan, vanden naem Dan, haers vaders.

48

Dit is die besittinghe vanden gheslachte der kinderen van Dan, by haren maesscappen haer steden ende dorpkens.

49

Ende als Iosue al voldaen hadde ende elcken nae haren gheslachte het lant metten lote ghedeylt, soo hebben die kinderen van Israhel Iosue Nuns sone een besittinghe ghegheuen, int midden van haerlieden,

50

nae dat ghebodt des Heeren, die stadt die hy begheert heeft Thamnathsaraa int gheberchte van Ephraim, ende hy betimmerde die stadt, ende heeft daer in ghewoont.

51

Dit sijn die besittinghen welck metten lote ghedeylt hebben Eleazar dien priestere ende Iosue Nuns sone, ende die princen der familien ende gheslachten der kinderen van Israhel, te Silo voor den Heere, aen die dore van dat tabernakel des ghetuyghenis, ende sij hebben het lant ghedeylt.