Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xvi. Capittel.

1

⁺ENde dat lot der kinderen van Ioseph is gheuallen, van die Iordane teghen Iericho aen sijn wateren vanden oosten, die woestijne die opclimt van Iericho totten berch van Bethel

+ A

2

ende gaet wt van Bethel tot Luzam, ende het gaet voorts door die pale Archi Ataroth,

3

ende daelt neder westwaets by die pale van Iephleti tot aen die palen van neder Bethhoron, ende Gazer, ende haer lantscappen eynden aen die groote zee,

4

⁺ende dit hebben beseten die kinderen van Ioseph, Manasses, ende Ephraim,

+ B

5

Ende die pale der kinderen van Ephraim is gheworden by haren maesschappen ende hen besittinghe is teghen den oosten van Atarothaddar, tot aen die ouerste Bethoron,

6

Ende die eynden ghaen wt in die zee, Maer Machmethath siet teghen noorden, ende tgaet omme die palen teghen den oosten in Thamathselo, ⁺ende tgaet dore vanden oosten tot Ianoe,

+ C

7

ende tgaet neder van Ianoe in Ataroth, ende Naaratha, ende tcoemt door tot in Iericho, ende tgaet wt tot aen die Iordane,

8

Van Taphua gaet dat voorts door teghen die zee in die riet valleye, ende sijn wtganghen sijn tot die alder soutste zee, Dit is die besittinghe van tgheslachte der kinderen van Ephraim by haren familien

9

⁺Ende daer sijn steden wtghesceyden den kinderen van Ephraim int midden van die besittinghe der kinderen van Manasse ende haer dorpen,

+ D

10

Ende die kinderen van Ephraim en hebben, die Chananiters niet ghedoodt die in Gazer woonden, ende die Chananiter heeft ghewoont int midden van Ephraim, tot op desen dach tribuyt gheuende.