Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xv. Capittel.

1

⁺ALdus is het deel der kinderen van Iuda by haren maesscappen gheweest dit, Van die pale Edom tot aen die woestijne Sin teghen den suyden, ende tot aen dat wterste deel der suytsijden,

+ A

2

Sijn beghinsel was van dat wterste der alder soutster zee, ende van haer tonghe die suytwaerts siet

3

ende gaet wt teghen den opganc des scorpioens, ende gaet voorts dore tot in Sina, ende climt opwaerts in Cadesbarne ende coemt door tot in Esron, opgaende tot in Addar, ende gaende rontsomme Carcaa,

4

ende van daervoorts doorgaende in Asemona, ende comende tot aen die beke van Egipten, ende hen palen sullen sijn die groote zee, dit sal deynde wesen vander suytsijden,

5

Maer van den oosten sal tbeghinsel wesen van die alder soutste zee, tot aen die wterste der Iordanen ende tghene datter siet noortwaerts van die tonghe der zee tot den seluen vloet der Iordanen,

6

ende die pale gaet opwaerts in Bethhagla ende gaet door noortwaerts in Betharaba opclimmende tot den steen Boen des soons van Ruben,

7

⁺ende streckende voorts tot die palen van Debera van die valleye Achor, teghen den noorden siende teghen Galgala welck is teghen ouer den opganck Adommim van die suytsijde der beken, ende gaet door die wateren die ghenoemt worden der sonnen fonteyne ende sijn wtganghen sullen wesen totter fonteynen Rogel,

+ B

8

ende climt op door die valleye der kinderen van Ennom van die sijde der Iebuzeiters suytwaerts, dit is Ierusalem, ende van daer haer oprechtende tot opden tsop van den berghe die daer is teghen Geennom westwaerts in dat wterste der valleyen Raphaim noortwaerts,

9

ende gaet voorts dore van dopperste des berchs, tot aen die fonteyne des waters Nephthoa, ⁺ende coemt voorts tot aen die dorpen des berchs Ephron ende wort gheneycht in Baala, welck is Cariathiarim, dat is die stadt der bosscagien,

+ C

10

ende het gaet omme van Baala westwaerts totten berch Seir, ende gaet voorts dore neffens der sijden des berchs Iarim noortwaerts tot in Cheslon, ende daelt neder in Bethsames ende gaet voorts dore in Thamna,

11

ende coemt voorts teghen den noorden des deels van Accaron van besijden ende het wort gheneycht tot Sechrona ende gaet oner den berch Baala, ende coemt tot in Iebneel toe, ende wort metten eynde der grooter zee teghen dwesten besloten.

12

Dit sijn die palen der kinderen van Iuda, rontsomme in haren maesscappen,

13

Maer Caleb den sone van Iephone heeft hy een deel ghegheuen int midden der kinderen van Iuda, ghelijck hen die Heere gheboden hadde, Cariatharbe des vaders van Enac, dese is Hebron,

14

⁺Ende Caleb heeft daer wt verdreuen drije sonen van Enac, Sesai ende Ahiman ende Tholmai van Enacs gheslachte,

+ D

15

Ende van daer optreckende is hy ghecomen tot die bewoonders van Dabir, die welcke te voren ghenoemt worde Cariathsepher, dat is letteren stadt,

16

Ende Caleb heeft gheseyt. Soo wie Cariathsepher slaet, ende die inne neemt, dien sal ick Axam mijn dochter tot een huysurouwe gheuen,

17

Ende Othoniel die sone van Cenez Calebs ioncste broeder heeft die inghenomen, ende hy heeft hem Axam sijn dochter tot een huysvrouwe ghegheuen,

18

Die welcke als sij te samen reysden, soo is haer gheraden van haren man dat sij van haren vader soude begheren een ackerlant, Ende sij versuchte als si op den ezel sadt, Tot die welcke Caleb. Wat hebdy? (seyt hy)

19

Ende sij heeft gheantwoort. Gheeft my een benedictie, een zudich ende dorre lant hebdi my ghegheuen, gheeft daer toe ooc een versch lant, ⁺Hierom heeft haer Caleb ghegheuen dat ghewatert worde bouen ende beneden.

+ E

20

Dit is die besittinghe des gheslachts der kinderen van Iuda, by haren maesscappen,

21

Ende die steden van die wterste sijden der kinderen van Iuda waren by die palen van Edom vanden zuijden, Cabseel ende Eder ende Iagur,

22

ende Cina ende Dimona, ende Adada,

23

ende Cedes, ende Ador, ende Iethman,

24

Ziph ende Telem ende Baloth,

25

Nieu Azor ende Carioth, Hesron, dit is Asor,

26

Amam, Sama, ende Molada,

27

ende Asergadda, ende Hassemon, ende Bethphelet,

28

ende Hasersual, ende Bersabee, ende Baziothia,

29

ende Baala, ende Im, ende Esem,

30

ende Eltholad ende Cesil, ende Harma,

31

ende Siceleg, ende Medemena, ende Sensenna,

32

Lebaoth, ende Selim, ende Aen, ende Remon alle die steden waren neghen ende twintich, ende haer dorpen.

33

⁺Maer in die veltachtighe landen Estaol ende Sarea, ende Asena,

+ F

34

ende Zanoe, ende Engannim, ende Taphua, ende Enaim,

35

ende Ierimoth, ende Adullam, Socho, ende Azecha,

36

ende Saraim, ende Adithaim, ende Gedera, ende Gederothaim, veerthien steden ende haer dorpen,

37

Sanan, ende Hadassa, ende Magdalgad,

38

Delean, ende Masepha, ende Iethel,

39

Lachis, ende Baschath, ende Eglon,

40

Chebbon, ende Leheman, ende Cethlis,

41

ende Gideroth, ende Bethdagon, ende Naama ende Maceda, sesthien steden ende haer dorpen,

42

Labana, ende Ether, ende Asan,

43

Iephtha, ende Esna, ende Nesib,

44

ende Ceila, ende Achzib, ende Maresa, neghen steden ende haer dorpen,

45

Accaron met sijnen vrijheden ende dorpkens,

46

Van Accaron totter zee alle datter strect nae Azoten ende haer dorpkens,

47

Azotes met sijnen vryheden ende dorpkens, Gaza met sijnen vryheden ende

[p. *194]

dorpkens, tot aen die beke van Egipten, ende die groote zee is sijn pale,

48

Ende inden berch Samir ende Gether, ende Sochot,

49

ende Danna, ende Chariathsenna Dit is Dabir,

50

Anab ende Istemo ende Anim,

51

Gosen, ende Olon, ende Gilo, elf steden ende haer dorpen,

52

⁺Arab, ende Ruma, ende Esaan,

+ G

53

ende Iamim ende Bethtaphua, ende Apheca,

54

Athmatha, ende Cariatharbe, dit is Hebron, ende Sior neghen steden ende haer dorpen

55

Maon, ende Charmel, ende Ziph, ende Iota,

56

Iezrael, ende Iucadam, ende Zanoe,

57

Accain, Gabaa, ende Thamna, Thien steden ende haer dorpen,

58

Halhul, ende Bethsur, ende Gedor,

59

Mareth, ende Bethanoth, ende Elthecon, ses steden ende haer dorpen,

60

Cariathbaal, dit is Cariathiarim die stadt der bosschagien, ende Arebba twee steden ende haer dorpen,

61

In die woestijne Betharaba Meddin ende Sachacha,

62

ende Nebsan, ende die stadt des souts, ende Engaddi, ses steden ende haer dorpen,

63

Ende die kinderen van Israhel en hebben die Iebuzeiters die inwoonders van Ierusalem niet connen vernielen, ende die Iebuzeiters hebben ghewoont met die kinderen van Iuda in Ierusalem tot opden dach van heden toe.