Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxxiij. Capittel.

1

⁺DIt is die gebenedijnghe daer Moyses die man Godts die kinderen van Israhel mede ghebenedijde voor sijn doot.

+ A

2

Ende hy heeft gheseyt, Die Heere is van Sina ghecomen, ende van Seir is hy ons opghestaen, hy heeft hem vertoont vanden berch Pharan, ende met hem veel duysentich heylighen. In sijn rechte hant was een vierighe wet.

3

Hy heeft die volcken lief ghehadt, alle die heylighen sijn in sijn hant, ende die by sijn voeten comen, sullen van sijn leeringhe ontfanghen.

4

Moyses heeft ons die wet gheboden een erffelijcheyt der menichten van Iacob.

5

By den alder rechtsten sal een coninc wesen als die princen des volcs metten gheslachten van Israhel sullen vergadert wesen.

6

Leuen moet Ruben, ende niet steruen, ende laet hem cleyn van ghetale wesen.

7

Dit is Iudas benedictie, Heere hoort die stemme van Iudas, ende brengt hem tot sijnen volcke, sijn handen sullen voor hem strijden, ende sijn hulper sal teghen sijn vianden sijn.

8

⁺Ende tot Leui heeft hy gheseyt, V volmaectheyt ende v gheleertheyt is uwen heylighen man, den welcken ghy in die becoringhe gheproeft hebt, ende gheordeelt aen die kijfwateren,

+ B

9

Die sijnen vader ende moeder gheseyt heeft, Ick en ken v niet, ende sijnen broeders, Ick en kense niet, ende die haer kinderen niet ghekent en hebben. Dese hebben v woorden bewaert, ende v verbont onderhouden,

10

V rechten o Iacob, ende v wet o Israhel, sij sullen welriekenden offer stellen in v gramscappe, ende brantoffer op uwen outaer,

11

Ghebenedijt Heere sijn stercheyt, ende ontfanct die wercken sijnder handen. Slaet die rugghen van sijnen vianden, ende die hem haten en laet niet opstaen.

12

Ende tot Beniamin heeft hy gheseyt, Die alderliefste des Heeren sal in hem met betrouwen woonen, ende daer blijuen als in een slaepcamer alle den dach, ende tusschen sijn scouderen sal hy rusten.

13

Ende tot Ioseph heeft hy ooc gheseyt, Van des Heeren benedictie is sijn lant, vanden appelen des hemels, ende vanden dauwe, ende vanden afgront die daer onder leyt,

14

Van die appelen der vruchten der sonnen ende der manen,

15

⁺Van die toppen der ouder berghen, ende van die appelen der eewigher hueuelen,

+ C

16

ende van die vruchten der aerden ende van haer volheyt. Die benedictie vanden ghenen die inden doorne openbaerde moet comen op Iosephs hooft, ende opden tsop van den Nazareus onder sijn broeders,

17

Sijn schoonheyt is ghelijck dierste gheboren vanden stiere, sijn hornen sijn ghelijck die hornen vanden eenhoren, met dien sal hy die heydenen verstroyen tot die wterste eynden der aerden, dit sijn die menichten van Ephraim, ende die dusenden van Manasse.

18

Ende tot Zabulon heeft hy gheseyt, Verblijt v Zabulon in uwen wtganck, ende Issachar in v tabernakelen,

19

Sij sullen die volcken totten berch roepen, daer sullen sij offeren die slachofferanden der rechtuerdicheyt. Die den oueruloet der zee sullen suyghen als melck, ende die verborghen scatten des sants.

20

Ende tot Gad heeft hy gheseyt, Ghebenedijt is Gad in die breetheyt als eenen leeuw heeft hy gherust, ende hy heeft ghenomen den arm, ende den top des hoofts.

21

Ende hy heeft sijn heerlijcheyt ghesien, dat in sijn deel die leeraer ghestelt was, die daer was met die hooftluyden des volcs, ende hy heeft die rechtuerdicheden des Heeren gedaen, ende sijn ordeel met Israel.

22

Tot Dan heeft hy oock gheseyt, Dan is een ionc welpen van eenen leeuw, ⁺hy sal mildelijck van Basan vloeden.

+ D

23

Ende tot Nephthali heeft hy gheseyt, Nephthali sal die oueruloedicheyt ghebruycken, ende vol wesen van des Heeren benedictien, hy sal die zee, ende die zuytsijde besitten.

24

Ende tot Aser heeeft hy ooc gheseyt, Ghebenedijt is in die kinderen Aser, laet hem sijnen broeders behaechlijck sijn, ende sijnen voet in die olie doppen,

25

Iser ende metael is sijnen schoen, Ghelijck die daghen der ioncheyt, alsoo sal ooc v ouderdom wesen.

26

Daer en is gheen ander Godt ghelijck den Godt des alder rechtsten, die opclimmer des hemels is v hulper, Door sijn heerlijcheyt drijuen die wolcken,

27

sijn woonstadt is bouen, ende beneden die eewighe armen, hy sal den viant van uwen aensicht verdrijuen, ende segghen, Weest vernielt,

28

Israhel sal met betrouwen woonen, ende alleen, Iacobs ooghe is in dlant van tarwe, ende wijn, ende die hemelen sullen vanden dauwe doncker wesen.

29

Salich sijdi Israhel, wie is ws ghelijck ghy volck die door den Heere behouden wort? die daer is den scilt van uwer helpen, ende dat swaert van uwer glorien, v vianden sullen v versaken, ende ghy sult hen halsen met voeten treden.