Den gheheelen Bybel, Inhoudende het oude ende nieuwe Testament (Leuvense bijbel 1548)

Dat xiiii. Capittel.

1

⁺VVeest kinderen des Heeren ws Gods, ghij en sult v niet snijden, nocht v voerhooft caluwe maken ouer eenen dooden,

+ A

2

want ghij sijt een heylich volck den Heere uwen Godt, ende v lieden heeft hij wtuercoren, dat ghij hem soudt wesen een eygen besonder volck wt allen den volcken die op aertrijck sijn,

3

En etet gheen dinghen die onreijn sijn.

4

Dit es tghedierte welck ghij eten sult, Eenen osse ende een scaep, ende een gheyte,

5

ende eenen hert ende een capret, eenen buffel, eenen bockhert, den eenhorn, eenen orix, den cameellupaert,

6

Alle dieren die in twee deelen haren clauw clieuen ende hercauwen, die suldi eten.

7

Maer van die ghene die hercauwen, maer den clauw niet en clieuen, soe en moet ghij dese niet eten, den kemel, den hase, dat conijncken, want die hercauwen maer haren clau niet en clieuen, soe sullen sij v lieden onreyn wesen.

8

Ende het verken, want dat sijnen clau clieft, maer niet en hercauwet, soe salt onsuyver wesen. Ghij en sult van deser vleesch niet eten, ende haer doode prijen en suldi niet ghenaken.

9

Dese dieren suldi eten van alle die int water woonen. Al wat vlimmekens ende scellen heeft dat suldi eten,

10

⁺maer die sonder vlimmekens ende scellen sijn, en suldi niet eten, want die sijn onsuyuer.

+ B

11

Alle suyuer voghelen etet,

12

Maer en eedt gheen onsuyuere, te weten den aernt, den griffoen, den zee arent,

13

den ixon ende den ghier ende den wouwe nae sijn versceyden natuer,

14

ende alle dat van der rauen natuer es,

15

den struijs voghel, den nachtuyl, ende den laer, ende den hauick nae sijn versceyden natuer,

16

den valck, den swaen, dat duijkerken,

17

den pellicaen, die nachtraue,

18

den eselscreyer, een ieghelijck nae sijn versceijden natuer, die hoppe oeck ende die vledermuijs.

[p. *169]

19

Ende alle dat cruypt ende vederkens heeft sal onsuyuer sijn ende men en sal dat niet eten.

20

Al dat suyuer es suldi eten.

21

Maer wat van selfs ghestoruen es, daer af en suldi niet eten. Den wtlander die binnen uwen poorten es, gheeft dat hy ete, oft vercoopet hem, want ghij sijt een heylich volck des Heeren ws Godts.

Ghy en sult een ionck boxken niet coken in sijns moeders melck.

22

Ghy sult dat thiende deel van allen uwen vruchten wtsceyden, die op der aerden wassen tallen iaren,

23

ende ghy sult die eten voer dat aenschijn des Heeren ws Godts, ter plaetsen die hy vercoren sal hebben, dat daer sijnen naem aengheroepen sal worden. Dat thiende deel van uwen coren, ende wijn, ende olie, ende die ierste gheboerten van uwen runderen ende scapen, op dat ghy moecht leeren den Heere uwen Godt vreesen, tot allen tijden.

24

Maer als den wech seer verre is, ende die platse welck die Heere uwe Godt sal vercoren hebben, ende dat hy v ghebenedijt sal hebben, ende ghy alle dese dinghen niet en cont tot hem ghedraghen,

25

⁺soe suldi die al vercoopen ende te ghelde maken, ende dat suldi draghen in v hant, ende reysen ter plaetsen, welck die Heere uwe Godt vercoren sal hebben,

+ D

26

ende ghy sult van dien ghelde coopen wat v belieft, tsy van den runderen oft van den scapen tsij ooc wijn, oft eenighen verhueghelijcken dranc ende alle daer v ziele lust toe heeft, ende ghy sult dat eten voer den Heere uwen God, ende blijdelijck maeltyt houden, ghy ende v huysghesin,

27

ende den leuijt die binnen uwe porten es, wacht dat ghy hem niet en verlaet, want hy en heeft anders gheen deel in v erffbesittinghe.

28

Ten derden iaere suldi een ander thiende wtsceyden wt alle die dinghen die v wassen op dien tyt, ende ghy sult die besijden legghen binnen uwe doeren.

29

Ende dan sal die leuijt comen die anders gheen deel off besittinghe met v en heeft, ende die wtlander, ende die weese, ende die weduwe, die binnen uwen poorten sijn, ende sij sullen eten, ende versaedt worden op dat die Heere v Godt v ghebenedijden mach, in alle die wercken uwer handen die ghy doen sult