Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xii. Capittel.

1

⁺DIt sijn die gheboden ende rechte ordeelen die ghy doen moet int lant dat die Heere uwer vaderen Godt v lieden gheuen sal, dat ghijt soudt besitten alle die daghen in die welcke ghy op daertrijck gaen sult.

+ A

2

Worpt omme alle die plaetsen daer die heydenen (die ghy besitten sult) haerlieden goden ghedient hebben op die hooghe berghen ende hueuelen, ende onder alle loouerachtighe boomen,

3

Werpt omme hen outaren, ende breect hen staende beelden, haer bosschelkens verbernt metten viere, ende haer afgoden breect al in stucken, ende doet te niete haerlieder namen van dien plaetsen.

4

Ghy en sult den Heere uwen Godt alsoo niet doen

5

maer ghy sult comen ter plaetsen welck die Heere uwe Godt verkiesen sal wt allen uwen gheslachten om sijnen naem daer te stellen, ende daer in te woonen,

6

ende ghy sult op die plaetse offeren v brantofferanden ende v slachofferanden, die thienden ende ierste vruchten van uwen handen, ende v gheloften, ende willighe ghiften, dierste gheborene vanden ossen ende schapen,

7

ende ghy sult daer eten, voor dat aenschijn des Heeren ws Godts, ende v verblijden in alle die dinghen daer ghy v handen aen steken sult, ghy ende v huysghesin, in die welcke die Heere v Godt v ghebenedijt sal hebben.

8

Ghy en sult daer niet doen dat wij hier heden doen een yeghelijck dat hem recht dunct,

9

Want ghy en sijt tot op desen tijt noch niet comen ter rusten, ende tot die besittinghe, welck die Heere uwe Godt v gheuen sal.

10

⁺Ghy sult ouer die Iordane gaen ende woonen int dlant welc die Heere uwe Godt v gheuen sal, om te rusten van allen uwen vianden al rontsomme, ende dat ghij sonder eenighe vreese moecht woonen

+ B

11

op die plaetse welc die Heere uwe Godt verkiesen sal, dat sijnen naem daer in sal wesen. Derwaerts suldi al draeghen dat ic ghebiede brantofferanden, ende slach offeranden, ende thienden, ende dierste vruchten van uwen handen, ende alle dat tbeste es onder die ghiften die ghij den Heere gheloeft hebt.

12

Daer suldi vrolijcke maeltijden houden voer den Heere uwen Godt, ghij ende v sonen ende dochteren, knechten ende dienstvrouwen, ende die Leuiten die in uwe stede woonen, want die en heeft anders gheen deel ende besittinghe onder v lieden.

13

Wacht v dat ghij uwe brantofferanden niet en offert op allen plaetsen die ghij sien sult,

14

maer in die plaetse welc die Heere vercosen sal hebben, in een van uwen gheslachten suldi die slach offeranden offeren, ende doen alle dat ic v beuele.

15

Maer eest sake dat ghij eten wilt, ende lust hebt in vleesch te eten, soe slaet doot, ende eedt nae die benedijnghe des Heeren ws Gods, die hij v ghegheuen heeft in uwe steden, tsij oft dat onsuyuer es, dat es besmet oft cranck, tsij oft suyuer es, dat es gansch ende sonder smette, datmen offeren mach, ghelijc een capret oft hert suldijt eten,

16

sonder alleene dat bloet te eten, dwelck ghij op die aerde storten sult ghelijc water

17

⁺Ghij en sult niet moeghen eten in v steden die thiende van uwen coren ende wijn ende van uwe olie, dierste gheboren van uwen runderen ende cleynen vee, ende alle dat ghij beloeft hebt, ende dat ghij vrijwillichlijck offeren wilt, ende dierste vruchten van uwen handen,

+ C

18

maer ghij sult die eten voor den Heere uwen Godt, ter plaetsen welck die Heere uwe Godt sal vercoren hebben, ghy, ende uwe sone, ende uwe dochter, ende v knecht, ende dienstvrouwe, ende die Leuijt die in uwe steden woont, ende ghy sult vrolijck sijn, ende ghespijst worden voor den Heere uwen Godt, in alle die dinghen daer toe ghy v hant wtsteken sult.

19

Wacht v dat ghy den Leuijt niet en verlaet, alle den tijt dat ghy op deerde verkeeren sult.

20

Als die Heere v Godt uwe palen sal verbreyt hebben, ghelijck hy v gheseyt heeft, ende dat ghy sult willen vleesch eten, daer v ziele lust toe heeft,

21

ende eest dat die plaetse welck die Heere v Godt vercoren heeft, dat sijnen naem daer sijn soude, verre is, so suldi van den runderen ende cleynen vee dootslaen die ghy hebt ghelijck ick v beuolen hebbe, ende die eten in uwe steden, alsoot v belieft,

22

Ghelijckmen een wilt boxken oft hert etet, alsoo suldi dese eten, ende die suyuer is, ende die onsuyuer is, sullen daer tsamen af eten.

23

Maer wacht dat alleen dat ghy gheen bloet en etet, want hen bloet es voer die ziele, ende daerom en moechdi die ziele metten vleesch niet eten,

24

Maer

[p. *168]

ghy sullet op die aerde storten ghelijck water,

25

dat v welsij, ende uwen kinderen nae v, als ghy doet tghene dat behaeghelijck es voer dat aenschijn des Heeren,

26

⁺Maer sulcke dinghen die ghij gheheylicht hebt ende den Heere beloeft, suldi nemen ende comen ter plaetsen welc die Heere vercoren sal hebben,

+ D

27

ende daer suldi v offeranden offeren, vleesch ende bloet opden outaer des Heeren ws Gods, Het bloet van den ghedooden offeranden suldi opden outaer storten, maer het vleesch suldi selue eten.

28

Neemt waer ende hoort alle dese dinghen die ic v beuele, op dat v wel sij ende uwen kinderen nae v inder eewicheyt als ghij ghedaen hebt dat goet ende behaghelijck es voer dat aenschijn des Heeren ws Godts.

29

Als die Heere v Godt voer v aensicht sal verdoruen hebben die heydenen daer ghij ingaet om die te besitten, ende ghij die sult beseten hebben, ende in haer lant ghewoont,

30

wacht v dat ghij hen niet en volcht, nae dat sij tot uwer incoemst sullen verdoruen sijn, ende dat ghij haer ceremonien niet en begheert te weten, seggende, Ghelijc dit volck haer goden ghedient hebben, alsoe sal ic die oock dienen.

31

Ghij en sult desghelijcs den Heere uwen Godt niet doen, want alle die affgrijselijcheden, die den Heere teghen sijn, hebben sij haeren goden ghedaen, offerende hen sonen ende dochteren, verbrandende die metten vier.

32

Dat ic v ghebiede, doet dat alleen den Heere, en doet daer niet toe, noch en minderet niet.