Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .ix. Capittel.

1

⁺HOort Israhel, Ghy sult heden ouer die Iordane gaen dat ghi besitten soudt seer groote natien van volck, ende veel stercker dan ghy, groote steden ende totten hemel toe bemuert,

+ A

2

een groot ende lanck volck, Enacims kinderen die ghy selue ghesien ende ghehoort hebt, den welcken niemant en can wederstaen,

3

Daerom suldi heden weten dat die Heere uwe Godt seluer voor v gaen sal, ten verslindende ende verteerende vier, diese bederuen sal ende vernielen, ende verstroyen voor v aensicht seer haestelijck, ghelijck hy v gheseyt heeft,

4

en segt niet in v herte (als die Heere v Godt die sal vernielt hebben voor v aensicht) Om mijn rechtueerdicheyt heeft die Heere mi gebracht in dit lant dat ict besitten soude, daer dese gheslachten vernielt sijn om haerlieder boosheden wille.

5

Want ghy en sult in hen lant niet comen ende dat besitten, om uwer rechtuerdicheden, oft om die gherechticheyt ws herten, maer want sij ongoddelijck ghedaen hebben, ⁺daerom sijn sij vernielt als ghy daer in quaemt, om dat die Heere sijn woordt soude volbrenghen dwelc hy by eede ghesworen heeft uwen vaderen Abraham Isaac ende Iacob.

+ B

6

Daerom weet dat die Heere uwe Godt dit seer goet lant v niet en heeft ghegheuen tot een besittinghe om uwe rechtuerdicheden, aenghesien dat ghy een seer hartneckich volck sijt.

7

Ghedenct ende en verghetes niet, hoe dat ghy den Heere uwen Godt tot gramschap verwect hebt, in die woestijne, van dien daghe voerts dat ghy wt Egipten ghegaen sijt, tot op deser plaetsen toe hebdi altoos tseghen den Heere ghekeuen.

8

Want te Horeb hebdi hem gecreyt, ende hy wilde v wt gramscappen vernielen,

9

doen ick opden berch clam, om dat ic ontfanghen soude die steenen tafelen des verbonts, dwelck Godt met v lieden vast ghemaect heeft, ende ick bleef opden berch veertich daghen ende nachten, gheen broot etende noch water drinckende.

10

Ende die Heere heeft my twee steenen tafelen ghegheuen bescreuen met Godts vingher, inhoudende alle die woorden die hy v gheseyt heeft opden berch, wt het midden des viers, als die ghemeynte des volcs verghadert was.

11

Ende als die veertich daghen ende soo veel nachten ouerleden waren, soo gaf my die Heere die twee steenen tafelen, die tafelen des verbonts,

12

ende hi heeft tot my gheseyt, Staet op ende ghaet haestelijck van hier nederwaerts, want v volck dat ghy wt Egipten gheleyt hebt, die hebben seer haest verlaten den wech die ghy hen gheleert hebt, ende hebben voor hen een ghegoten beelt gemaect.

13

⁺Ende die Heere seyde wederomme tot my, Ick sien wel dat dit volck hartnackich is,

+ C

14

ghedoocht dat ickse mach verderuen, ende haren naem te niet brenghen van onder den hemel, ende ick sal v maken ouerste van een volck dat meerder ende stercker sal wesen dan dit is.

15

Ende als ick vanden berrenden berch comen was, ende die twee tafelen des verbonts met mijn beyde handen hiel,

16

ende ghesien hadde dat ghy teghen den Heere uwen Godt hadt ghesondicht, ende ghemaect een ghegoten calf, ende seer haestelijck verlaten den wech die hy v ghewesen hadde,

17

soo wierp ick die tafelen wt mijnen handen, ende bracse voor v ooghen.

18

Ende ick heb nedergheuallen voor den Heere ghelijck ick te voren ghedaen hadde, veertich daghen ende veertich nachten lanck gheen broot etende, noch gheen water drinckende, om alle uwe sonden, die ghy teghen den Heere ghedaen hadt ende hem tot gramschap verwect,

19

want ick vreesde sijn verbolghentheyt ende sijn gramschap, waer mede hy tseghen v lieden verwect was, ende wilde v verderuen. Ende die Heere heeft my dese reyse oock verhoort.

20

Ende hy was oock teghen Aaron soo seer ghestoort, dat hy hem wilde verderuen, ende voor dien heb ick desghelijcs oock ghebeden.

21

Maer v sonde die ghy ghedaen hadt (dat is tcalf) heb ick ghegrepen ende int vier verbrant, ende dat al in stucken brekende, ende heel te puluer brenghende, heb ic ghestroyt in die beke die vanden berch af coemt.

22

⁺Oock inden brant, ende in die temptacie, ende aen die grauen der quaetlusticheyt hebdi den Heere ghecreyt,

+ D

23

ende als hy v sandt van Cadesbarne, segghende, Trect opwaerts ende besidt dat lant dwelck ick v ghegheuen hebbe, ende ghy hebt dat ghebodt van uwen Heere Godt versmaet ende en hebt hem niet ghelooft, noch sijn stemme willen hooren,

24

maer ghy hebt altijt wederspannich gheweest, van dien dach dat ick v heb beghonst te kennen.

25

Ende ick heb voor den Heere gheleghen veertich daghen ende veertich nachten, in die welcke ick hem ootmoedelijck badt, dat hy v niet en soude te niet doen, ghelijck hy ghedreycht hadde,

26

ende biddende heb ick gheseyt, O Heere Godt en wilt v volck niet heel verderuen, ende v erffelijcheyt, welck ghy verlost hebt door v grootheyt, die ghy wt Egipten gheleyt hebt, met gheweldigher hant.

27

Wilt ghedencken op v dienaers Abraham, Isaac ende Iacob, En wilt niet aensien die hartheyt van desen volcke, ende hen boosheyt ende sonde,

28

dat by auontueren die bewoonders des lants daer wij wtgheleyt sijn niet en seggen. Die Heere en

[p. *166]

mocht hen niet brenghen int lant dat hy hen beloeft hadde, ende hy haettese, ende daerom heeft hijse wtgheleyt, dat hijse verslaen soude in die woestijne,

29

die welcke v volck ende v erfdeel sijn, die ghi wtgheleyt hebt door v groote macht ende uwen wtgestreckten arm.