Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxxiij. Capittel.

1

⁺DIt sijn die woonsteden der kinderen van Israhel, die wt Egypten ghetrocken sijn by haren hoopen, door die hant van Moyses ende Aaron,

+ A

2

welck Moyses bescreuen heeft, nae die plaetsen der legheren, welck sij nae des Heeren ghebodt verstelden.

3

Aldus sijn sij wech ghereyst van Ramesse, op dierste maent, op den vijfthiensten dach der ierster maent dwelck sij ghedaen hebben des anderen daechs nae Phase door een hooghe hant, dat alle die Egyptenaren saghen,

4

ende hen ierste gheborenen begroeuen, welc die Heere verslaghen hadde (want ouer haer goden hadde hy ooc wraec ghedaen)

5

soo hebben sij haren legher ghemaect te Sochot.

6

Ende van Sochot sijn sij ghecomen tot Etham, welck is in die wterste palen der wildernissen.

7

Ende als sij van daer vertrocken waren, soo sijn sij ghecomen teghen Phihahiroth, welc is tseghen ouer Beelsephon, ende si hebben haren legher ghemaect voor Magdalum.

8

⁺Ende als sij ghetrocken waren van Phihahiroth, sijn sij ghepasseert door dat midden der zee tot in die woestijne, ende drij daghen wandelende door die woestijne van Etham hebben sij haren legher ghemaect te Mara.

+ B

9

Ende van Mara reysende sijn sij comen in Elim, daer twaelf water fonteynen waren, ende tseuentich palmboomen ende daer hebben sij haren legher ghemaect.

10

Maer van daer sijn sij oock ghetrocken, ende hebben haer tenten gheslagen aen die roode zee. Ende vander rooder zee ghegaen sijnde,

11

soo hebben sij haren legher ghemaect in die woestijne Sin.

12

Ende als sij van daer ghetrocken waren, soo sijn sij comen te Daphca.

13

Ende van Daphca ghereyst

[p. *156]

sijnde, hebben sij haren legher ghemaect te Alus.

14

Ende als sij van Alus ghetrocken sijn, hebben sij haer tenten gheslaghen te Raphidim, daer ghebrack den volcke water om te drincken.

15

Ende als sij ghereyst waren van Raphidim, hebben sij haren legher ghemaect in die woestijne te Sinai.

16

⁺Maer als sij ooc wt die woestijne van Sinai ghereyst waren, soo sijn sij comen tot die grauen der begheerlijcheyt.

+ C

17

Ende als sij van die grauen der begheerlijcheyt gereyst waren soo hebben sij haren legher ghemaect te Haseroth.

18

Ende van Haseroth sijn sij comen te Rethma.

19

Ende als sij van Rethma ghereyst sijn, soo hebben sij haren legher ghemaect te Remmonphares.

20

Ende als sij van daer ghereyst waren, soo sijn sij comen te Lebna.

21

Ende van Lebna hebben sij haren legher ghemaect te Ressa.

22

Ende wtghegaen sijnde van Ressa, sijn sij comen te Ceelatha.

23

Ende van daer ghegaen sijnde, hebben sij haren legher ghemaect op den berch Sepher.

24

Ende als sij vertrocken waren van den berch Sepher, so sijn sij comen te Harada.

25

Ende van daer eysende, hebben sij haren legher gemaect te Maceloth.

26

Ende ghereyst sijnde van Maceloth, sijn sij comen te Thahath.

27

Van Thahath hebben sij haren legher gemaect te Thare.

28

Ende als sij van daer ghereyst waren, soo hebben sij haer tenten gheslaghen te Methca.

29

⁺Ende van Methca, hebben sij haren legher ghemaect te Hesmona.

+ D

30

Ende als sij vertrocken waren van Hesmona, so sijn sij comen te Moseroth.

31

Ende van Moseroth, hebben sij haren legher ghemaect te Beneiaacan.

32

Ende vertrocken sijnde van Beneiaacan sijn sij comen totten berch Gadgad.

33

Ende van daer reysende, hebben sij haren legher ghemaect te Ietebatha.

34

Ende van Ietebatha, sijn sij comen te Hebrona.

35

Ende wtghegaen sijnde van Hebrona, so hebben sij haren legher ghemaect te Asiongaber.

36

Ende van daer ghereyst sijnde, sijn sij comen in die woestijne Sin, dat is Cades.

37

Ende als sij vertrocken waren van Cades, so hebben sij haren legher ghemaect opden berch Hor, in die wterste palen des lants van Edom.

38

Ende Aaron die ouerste priester is op den berch Hor gheclommen nae Gods beuel, ende hy is daer ghestoruen op dat veertichste iaer dat die kinderen van Israhel wt Egipten gheghaen waren, ⁺op die vijfste maent opden iersten dach der maent,

+ E

39

als hy was hondert ende drijentwintich iaren out.

40

Ende Arad een Coninck der Chananiters, die ten suyden woonde, int lant van Chanaan, heeft gehoort dat die kinderen van Israhel comen waren.

41

Ende ghereyst sijnde vanden berch Hor, hebben sij haren legher ghemaect te Salmona.

42

Ende als sij van daer ghegaen waren, sijn sij ghecomen te Phunon.

43

Ende van Phunon reysende, hebben sij haren legher ghemaect te Oboth.

44

Ende van Oboth sijn sij ghecomen te Ieabarim, welck is in die palen der Moabiters.

45

⁺Ende van Ieabarim reysende, hebben sij haer tenten gheslaghen te Dibongad.

+ F

46

Ende van daer wtghegaen sijnde, hebben sij haren legher ghemaect, te Helmon deblathaim.

47

Ende als sij wtghegaen waren van Helmon deblathaim, sijn sij gecomen aent gheberchte van Abarim teghen ouer Nabo.

48

Ende als sij wt dat gheberchte van Abarim gereyst waren, soo sijn sij door ghereyst tot dat plat lant van Moab, by die Iordane, teghen ouer Iericho.

49

Ende daer hebben sij haren legher ghemaect, van Bethsimeth tot Abelsatim, op die effenste plaetsen der Moabiters

50

daer heeft Godt tot Moysen ghesproken,

51

Ghebiedt den kinderen van Israhel ende segghet tot hen, Als ghy ouer die Iordane sult ghepasseert sijn, comende int lant van Chanaan,

52

so verderft alle die inghesetenen des lants, breect hen tijtelen, ⁺ende vernielt der afgoden beelden, ende bederft allen hen hoochden,

+ G

53

suyuerende dlant, ende woonende daer in, want ic heb v dat ghegheuen tot een erue te besitten

54

dat welcke ghy metten lote deylen sult. Der meeste menichten suldi het breetste lant gheuen, ende der minste menichten dat engste, Eenen yeghelijcken nae dat dlot vallen sal, also sal die erffenisse ghegheuen worden. Die erue sal wtghedeylt worden nae die geslachten ende familien.

55

Maer eest sake dat ghy die inghesetene des lants niet en wilt verslaen, die daer ouerblijuen sullen, die sullen v lieden wesen, als naghelen in v ooghen, ende als speeren in v sijden, ende sullen v teghen wesen int lant uwer wooninghen,

56

ende al dat ic ghedacht hadde hen te doen, dat sal ic v lieden doen.