Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxvi. Capittel.

1

⁺NAe dat der misdadigher bloet ghestort was, soo heeft die Heere gheseyt tot Moysen ende Eleazar Aarons sone den priester.

+ A

2

Telt alle die somme der kinderen van Israhel, van twintich iaren ende daer bouen, by haer huysen ende gheslachten, alle die ter orloghen trecken moghen.

3

Aldus soo hebben Moyses ende Eleazar die priester ghesproken in die platte landen van Moab in die Iordane teghen ouer Iericho,

4

tot die ghene die van twintich iaren waren ende daer ouer, ghelijck die Heere beuolen hadde, waer af dit tgetal es

5

Ruben deerste gheboren van Israhel, wiens sone was Henoch, waer af comen es die familie der Henochiters, ende Phallu, waer af es comen die familie der Phalluiters

6

ende Hesron, waer af es comen die familie der Hesroniters, ende Charmi, waer af es comen die familie der Charmiters,

7

dit sijn die familien van Rubens gheslachte, waer af het ghetal is gheuonden drijenveertich duysent, seuen hondert ende dertich

8

Die sone van Phallu was Eliab,

9

ende sijn kinderen waren Namuel ende Dathan ende Abiron. Dit sijn Dathan ende Abiron, die princen des volcs, die teghen Moysen ende Aaron opstonden, inden oploop van Core als sij teghen den Heere opstonden,

10

⁺ende die aerde dede haren muyl open ende verslonde Core, doender seer veel storuen, als dat vier verbrande twee hondert ende vijftich mannen. Ende daer is een groot myrakel gheschiet,

+ B

11

dat doen Core verghinc, sijn kinderen niet vernielt en worden.

12

Die kinderen van Symeon by haren gheslachten waren Namuel, waer af is comen die familie der Namueliters ende Iamin daer af is comen die familie der Iaminiters, Iachin waer af is comen die familie der Iachiniters,

13

Zare waer af is comen die familie der Zareiters, Saul waer is comen die familie der Sauliters.

14

Dit sijn die familien van Symeons gheslachte. Waer af alle tghetal was tweentwintich duysent ende twee hondert.

15

Die kinderen van Gad bi haren gheslachten waren Sephon, van desen is die familie der Sephoniters, Aggi waer af is comen die familie der Aggiters, Suni waer af is die familie der Suniters,

16

Ozni waer af is comen die familie der Ozniters, Her waer af is die familie der Heriters,

17

Arod, waer af is die familie der Aroditers, Ariel waer af is die familie der Arieliters.

18

Dit sijn Gads familien, waer af alle tghetal was veertich duysent, ende vijfhondert.

19

Die kinderen van Iuda Her ende Onan die beyde ghestoruen sijn int lant van Chanaan,

20

Ende die kinderen van Iuda by haren gheslachten waren Sela waer af is tgheslachte vanden Selaiters, Phares waer af is die familie der Pharesiters, Zare waer af is die familie der Zareiters.

21

⁺Voorts waren die kinderen van Phares Hesron, waer af is die familie der Hesroniters, ende Hamul, waer af die familie der Hamuliters.

+ C

22

Dit sijn Iudas familien, waer af alle tghetal was, sesentseuentich duysent ende vijfhondert.

23

Die kinderen van Issachar by haren gheslachten Thola, waer af is die familie vanden Tholaiters, Phua waer af is die familie der Phuaiters,

24

Iasub waer af die familie der Iasubiters, Semran waer af is die familie der Semraniters.

25

Dit sijn die gheslachten van Issachar waer af tghetal was vierentsestich duysent, ende drij hondert.

26

Zabulons kinderen by haren gheslachten Sared, waer af is die familie der Sarediters, Elon waer af is die familie der Eloniters, Ialel waer af is comen die familie der Ialeliters.

27

Dit sijn die gheslachten van Sabulon, waer af tghetal was tsestich duysent ende vijfhondert.

28

Iosephs kinderen by haren gheslachten waren Manasse ende Ephraim.

29

Van Manasse is gheboren Machir, waer af is die familie der Machiriters, ⁺Machir heeft Galaad ghewonnen, waer af is comen die familie der Galaaditers,

+ D

30

Galaad hadde sonen Iezer waer af is die familie der Iezeriters, ende Helec waer af is die familie der Heleciters,

31

ende Asriel, waer af is die familie der Asrieliters, Ende Sechem waer af is comen die familie der Sechemiters,

32

ende Semida waer af is die familie der Semidaiters, ende Hepher, waer af is die familie der Hepheriters,

33

Ende Hepher was Salphaadts vader die gheen sonen en hadde maer alleen dochters, waer af dit die namen sijn, Maala ende Roa, ende Hegla ende Melcha, ende Thersa.

34

Dit sijn Manasses familien ende tghetal van haerlieder, tweenvijftichduysent en seuenhondert.

35

Maer Ephraims kinderen by haren gheslachten waren dese Suthala, waer af is die familie der Suthalaiters, Becher waer af is die familie der Becheriters, Thehen waer af is comen die familie der Theheniters.

36

Voorts was een sone van Suthala Heran waer af is die familie der Heraniters.

37

Dit sijn die gheslachten van Ephraims kinderen, waer af tghetal was tweendertich duysent ende vijf hondert.

38

Dit zijn Iosephs kinderen by haren familien.

⁺Die kinderen van Beniamin, in haren gheslachten Bela, waer af die familie der Belaiters, Asbel waer af die familie der Asbeliters, Achiram waer die familie der Achiramiters,

+ E

39

Supham waer af die familie der Suphamiters, Hupham waer af die famile der Huphamiters,

40

Die kinderen van Bela Hered, ende Noeman, Van Hered die familie der Herediters, Van Noeman die familie der Noemaniters.

[p. *151]

41

Dit sijn Beniamins sonen, by haren gheslachten, waer af het ghetal was vijfenveertich duysent ses hondert.

42

Dans kinderen bi haren gheslachten, Suham waer af die familie der Suhamiters. Dit zijn Dans gheslachten bi haren familien

43

si waren alle Suhamiten. Waer af tghetal was vierentsestich duysent, ende vier hondert.

44

Asers kinderen by haren gheslachten, Iemna, daer af die familie der Iemnaiters, Iessui, daer af is die familie der Iessuiters, Brie, daer af is comen die familie der Brieiters,

45

Die sonen van Brie Heber, waer af die familie der Heberiters, Melchiel, daer af die familie der Melchieliters,

46

Ende den naem van Asers dochter was Sara.

47

Dit sijn die maescappen van Asers kinderen, waer af het ghetal was drijenvijftich duysent, ende vier hondert.

48

⁺Die kinderen van Nephtali, by haren gheslachten waren Iesiel waer af die familie der Iesieliters, Gumi, waer af die familie der Gumiters,

+ F

49

Ieser, waer af die familie der Ieseriters Sellem waer af die familie der Sellemiters.

50

Dit sijn die gheslachten der kinderen van Nephtali, by haren familien, waer af het ghetal was vijfenveertich duysent, ende vier hondert.

51

Dit is die somme der kinderen van Israhel, die ouertelt sijn ses hondert duysent ende een duysent seuen hondert ende dertich.

52

Ende die Heere heeft tot Moysen ghesproken, segghende.

53

Desen salmen dlant wtdeylen, nae dat ghetal der namen tot haerder besittinghe.

54

Den meesten van ghetale suldi meerder deel gheuen, ende die minder sijn een minder. Elcken salmen haer besittinghe gheuen ghelijck sij nv ghetelt sijn.

55

Alsoo nochtans dat het lot dlant wt deyle den gheslachten ende den familien.

56

Wat datter met lote vallen sal, dat sullen die meerdere oft die mindere van ghetale nemen.

57

Dit is ooc tghetal der kinderen van Leui, nae haren familien, Gerson waer af is die familie der Gersoniters, Caath, waer af is die familie der Caathiters, Merari waer af is die familie der Merariters.

58

Dit sijn die familien van Leui.

⁺Die familie van Lobni. Die familie van Hebroni Die familie Moholi, Die familie van Musi, Die familie van Core, Maer Caath heeft Amram ghewonnen,

+ G

59

die welcke hadde tot eender huysvrouwen Iochabed, die dochter van Leui die hem in Egypten gheboren is. Dese heeft haren man Amram kinderen voortbracht Aaron ende Moysen, ende Mariam hen suster,

60

Van Aaron sijn gheboren Nadab ende Abiu, ende Eleazar, ende Ithamar,

61

Waer af dat Nadab ende Abiu ghestoruen sijn, doen sij vreemt vier voor den Heere gheoffert hadden.

62

Ende waren alle die daer ghetelt sijn, drijentwintich duysent van mans persoonen van eender maent out ende daer ouer, die niet ghetelt en sijn onder die kinderen van Israhel, ende hen en is gheen besittinghe ghegheuen metten anderen.

63

Dit is tghetal der kinderen van Israhel, die bescreuen sijn van Moysen, ende Eleazar den priester in die platte landen van Moab, op die iordane teghen ouer Iericho,

64

waer onder dat niemant en was vanden ghenen die te voren van Moyses ende Aaron ghetelt waren in die woestijne Sinai,

65

Want Godt haddet te voren gheseyt dat sij alle steruen souden in die woestijne, Ende daer en is van dien niemant ouerbleuen dan Caleb Iephones sone, ende Iosue Nuns sone.