Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xviij. Capittel.

1

⁺ENde die Heere heeft tot Aaron gheseyt. Ghi ende v sonen ende ws vaders huys met v sult die onrechtuerdicheyt der heyliger plaetsen draghen, ende ghi ende v sonen sult tsamen die sonden ws priesterscaps draghen,

+ A

2

Ende v broeders oock van dat gheslachte van Leui, ende den scepter ws vaders neemt met v, ende laet die altijt by v wesen, ende v dienen, maer ghi ende v sonen sult dienen in dat tabernakel des ghetuyghenis,

3

Ende die Leuiten sullen die wake houden tot uwen gheboden, ende tot alle die wercken des tabernakels, alsoo nochtans dat sij aen die ghereetschappen der heyligher plaetsen, ende tot den outaer niet en comen, op dat sij oock niet en steruen, ende dat ghi ooc niet mede en vergaet,

4

Maer laetse by v wesen, ende laetse waken in die bewarighen des tabernakels, ende in allen sijn ceremonien, Een vreemdelinc en sal hem met v lieden niet menghen,

5

Houdt die wake in die hoede der heyligher plaetsen, ende in den dienst des outaers, op datter gheeu gramscap op en rijse ouer die kinderen van Israhel.

6

Ick heb v lieden ghegheuen die Leuiten v broeders wt dat midden van die kinderen van Israhel, ende ick hebse den Heere voor een gaue ghegheuen, dat sij in die diensten van sijnen tabernakel dienen souden,

7

Maer ghy ende v sonen bewaert v priesterscap, ende alle dat tot den dienst des outaers behoort, ende binnen dat voorhancsel is, die sullen by die priesters bedient worden, Eest dat iemants vreemts daer aen gaet, die sal doot gheslaghen worden.

8

⁺Ende die Heere heeft tot Aaron gheseyt. Siet ick heb v ghegheuen die bewaringhe van mijn ierste vruchten. Alle dinghen die vanden kinderen van Israhel gheheylicht worden, heb ick v ende uwen sonen ghegheuen, voor dat priesterlijcken officie, tot een eewich wettich recht.

+ B

9

Hierom suldi dese dinghen ontfanghen van dat gheheylicht wort, ende den Heere geoffert, Alle offerande ende sacrificie ende wat voor die sonde oft versuemenisse mi ghegheuen wort, ende dat den heylich der heylighen ten deele valt, dat sal uwe zijn, ende uwer kinderen,

10

Ghi sult dat eten in die heylighe plaetse, die mans persoonen sullen alleen daer af eten, want het is voor v gheheylicht,

11

Maer die ierste vruchten welck die kinderen van Israhel ghelouen ende offeren, die heb ick v ghegheuen ende uwen sonen ende uwen dochteren, tot een eewich recht, soo wie dat in v huys suyuer is, die sal daer af eten,

12

Alle dat merch der oliën ende vanden wijn, ende vander terwen, wat ierste vruchten si den Heere offeren, die heb ic v ghegheuen.

13

Alle dierste vruchten welc die aerde voortbringhet, ende den Heere ghebracht worden, die sullen tot uwen ghebruycke comen, soo wie suyuer is in v huys die sal daer af eten,

14

Alle dat die kinderen van Israhel van gheloften betalen, dat sal uwe wesen,

15

Soo wat ierst mael coemt wt moeders lichaem van allen vleesch, dat sij den Heere offeren, tsij oft is vanden menschen oft vanden beesten, dat sal v recht zijn, ⁺Alsoo nochtans dat ghi voor dierste gheboren van eenen mensch sult prijs nemen, ende alle beeste die onreyn is suldy doen lossen,

+ C

16

waer af die lossinghe wesen sal nae een maent met vijf siclen siluers, nae dat ghewicht der heyliger plaetsen, Eenen sicle hout twintich hellinghen,

17

Maer dierste gheboorte van eenen osse ende scaep ende gheyte en suldi niet doen lossen, want si zijn den Heere gheheylicht, Maer ghy sult alleen haer bloet opden outaer storten, ende dat vet des inghewants suldy ontsteken tot eenen aldersuetsten rueck den Heere,

18

Maer dat vleesch sal comen tot uwen ghebruycke, ghelijck dat gheheylicht borstken ende die rechte scoudere, sullen uwe sijn,

19

Alle dierste vruchten der heyligher plaetsen, welck die kinderen van Israhel den Heere offeren, die heb ick v ghegheuen ende uwe sonen ende uwe dochteren tot een eewich recht, Het verbont des souts is eewich voor den Heere, v ende uwen sonen.

20

Ende die Heere heeft tot Aaron gheseyt. In hen lant en suldi niet besitten, noch ghy en sult gheen deel onder hen lieden hebben, Ic ben v deel ende v erfdom int midden der kinderen van Israhel.

21

Maer den kinderen van Leui heb ick alle die thienden van Israhel ghegheuen tot een besittinghe voor den dienst die sij mi dienen in dat tabernakel des verbonts,

22

⁺op dat die kinderen van Israhel voortaen niet meer comen en souden tot dat tabernakel, ende dat sij

+ D

[p. *145]

gheen dootsonde doen en souden,

23

maer alleen den kinderen van Leui die my in dat tabernakel dienen ende die sonden des volcs draghen, dit sal een eewighe wettelijcke ghewoonte wesen in uwen gheslachten. Sij en sullen anders niet besitten,

24

te vreden wesende met die offeranden der thienden, die ic tot haren ghebruycken ende nootelicheden wtghescheiden hebbe.

25

Ende die Heere heeft tot Moysen ghesproken, segghende.

26

Ghebiedt den Leuiten ende vercondicht hen. Als ghi vanden kinderen van Israhel ontfanghen sult hebben die thienden welck ick v ghegheuen hebbe, soo suldi daer af dierste vruchten den Heere offeren, dat is het thiende deel der thienden,

27

op dat v lieden mach gherekent worden voor die offeranden der ierstervruchten, soo wel wt die schueren als vanden perssen,

28

ende van allen dinghen daer ghi ierste vruchten af ontfanct, offert den Heere, ende gheeft die Aaron den priester,

29

Alle dat ghi vanden thienden offeren sult, ende dat ghy tot Gods gauen wtscheyden sult, dat sullen wesen alle die beste ende wtghelesen dinghen,

30

Ende ghi sult tot hen segghen. Eest sake dat ghi die schoonste ende beste dinghen van uwen thienden offert, dat sal v gherekent worden als oft ghi van uwen dorschvloeren ende van uwen perssen die ierste vruchten ghegheuen hadt,

31

ende ghy sult die eten in allen uwe plaetsen, soo wel ghy als uwe huysghesinnen, Want het is den loon, voor den dienst die ghi dient int tabaernakel des ghetuyghenissen,

32

ende en besondicht v daer niet aen, te weten behoudende die beste ende vetste voor v seluen op dat ghi die offeranden der kinderen van Israhel niet en besmet ende sterft.