Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xvij. Capittel.

1

⁺ENde die Heere heeft tot Moysen ghesproken, segghende.

+ A

2

Spreect tot die kinderen van Israhel, ende neemt van hemlieden sonderlinghe roeden, nae haren gheslachten, van allen die princen der gheslachten twaelf roeden, ende ghi sult eens yeghelijcs naem scrijuen op sijn roede,

3

ende Aarons naem sal wesen int gheslachte van Leui, ende een roede sal allen haren familien tsamen begrijpen,

4

ende ghy sult die stellen in dat tabernakel des verbonts, ⁺Ivoor dat ghetuyghenis daer sal ick tot v spreken,

+ B

5

den welcken ick van desen verkiesen sal, diens roede sal groeyen, ende ick sal die clachten der kinderen uau srahel van my keeren, daer mede sij teghen v murmureren.

6

Ende Moyses heeft ghesproken tot die kinderen van Israhel, ende alle die princen hebben hem roeden ghegheuen, by elcken gheslachten, ende daer waren twaelf roeden, sonder Aarons roede,

7

Ende als Moyses dese gheset hadde voor den Heere in dat tabernakel des ghetuyghenis,

8

⁺Des ander daechs weder comen sijnde, heeft hy gheuonden dat Aarons roede gegroeyt was int huys van Leui, ende met opgheswollen botten waren daer bloemen wtgheborsten, die welcke met verbreydde bladerkens in amandelen ghespeent waren

+ C

9

Hierom heeft Moyses alle die roeden ghebracht van dat aenschijn des Heeren, tot alle die kinderen van Israhel, ende sij hebbent ghesien, ende hebben elck haer roeden weder ontfanghen,

10

⁺Ende die Heere heeft tot Moysen gheseyt. Draecht Aarons roede wederom in dat tabernakel des ghetuyghenis, op dat sij daer mach bewaert worden tot een teeken der wederspannigher kinderen van Israhel, ende dat hen clachten van mi moghen rusten, op dat sij niet en steruen,

+ D

11

Ende Moyses heeft ghedaen alsoo hem die Heere gheboden hadde,

12

Ende die kinderen van Israhel hebben tot Moysen gheseyt. Siet wij zijn te niet ghegaen, wij sullen alle gader verloren gaen,

13

wie dat aen dat tabernakel des Heeren ghenaect, die sterft, Sullen wij dan alle vernielt worden, totten lesten mensche toe.