Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xiij. Capittel.

1

⁺ENde die Heere heeft ghesproken tot Moysen ende Aaron segghende,

+ A

2

Een mensch in wiens vel ende vleesch opghestaen is verschey-

[p. *118]

den verwe, oft een puystken, oft iet dat claerlijc blinct dat is die siecte der lazerien, dien salmen brenghen tot Aaron den priester, oft tot iemant van sijnen sonen,

3

Die welcke als hy die lazerie ghesien sal hebben in die huyt, ende thair verandert in witte verwe, ende dat die ghedaente der lazerien neerder is dan dat ander vel oft vleesch, soo eest die siecte der lazerien, ende die sal nae des priesters ordeel ghescheyden worden

4

⁺Maer eest sake datter opt vel eenighe blinckende witticheyt ware, ende niet neerder dan datder vleesch ende die hairen van haren ierste verwe, soo sal hem die priester seuen daghen opsluyten,

+ B

5

ende den seuensten dach sal hijt besien, ende eest dat die lazerien niet voorts ghewassen en is, ende dat die int vel niet breeder en is gheworden dan die te voren was, soo sal hy hem weder seuen ander daghen opsluyten, ende ten seuensten daghe sal hy die besien, ende eest dat die lazerie niet voorts ghewassen en is, ende dat die int vel niet breeder en is gheworden dan die te voren was, soo sal hi hem weder seuen ander daghen opsluyten,

6

ende ten seuensten daghe sal hijt besien, ende eest dat die lazerie noch duysterder is, ende dat sij int vel niet voorder gewassen en is, so sal hy hem suyueren, want tes een scorftheyt ende die mensch sal sijn cleederen wasschen ende hy sal suyuer wesen.

7

Maer eest sake dat die lazerie noch ghewassen is nae dat hy vanden priester besien ende ghesuyuert is, soo salmen dien totten priester weder brenghen,

8

ende hy sal als onreyn verwesen worden.

9

Eest dat die plaghe der lazerien in eenen mensch is, soo salmen hem totten priester brenghen,

10

ende hy sal hem besien, Ende eest datter witte verwe in sijn huyt is, ende dat die ghedaente des hairs verandert is, ende dat het vleesch oock hem vertoont leuendich,

11

soo salmen dat veroordeelen voor een seer oude lazerie die int vel veroudert is. Hierom sal hem die priester onreyn maken, ende hy en sal hem niet opsluyten, want het is claer dat hy met onsuuerheyt besmet is,

12

⁺Maer eest datter eenighe bloetsel van een loopende lazerie in tvel comen is, ende dat die alle tvleesch bedect heeft, vanden hoofde tot die voeten, wat datmen metten ooghen sien mach,

+ C

13

so sal hem die priester wel besien, ende hy sal wijsen dat sulck met een seer suyuer lazarie beuanghen is, om dat alle tvleesch in blinckende witticheyt verkeert is, ende daerom sal die mensch suyuer wesen.

14

Maer als daer eenich leuende vleesch in hem ghesien wordt,

15

dan sal hy nae dat ordeel des priesters besmet worden, ende hy sal onder die onreyne gherekent worden, want het leuende vleesch alst met lazerie besprayt wordt, ist onsuyuer.

16

Maer eest sake dattet weder verkeert wordt in witticheyt, ende dattet den heelen mensche bedecket,

17

soo sal die priester hem alom besien, ende hy sal verclaren dat hy suyuer is.

18

Maer eenich vleesch oft vel, daer eenen sweer in ghewassen ende ghenesen is,

19

ende dat in die plaetse vanden sweer een wit oft rootachtich litteeken ghesien wordt, soo sal die mensch totten priester ghebracht worden,

20

die welck als hy die plaetse der lazerien siet neerder dan dat ander vleesch, ende thair verkeert in witticheyt, soo sal hy hem voor onreyn verwijsen, want die siecte der lazerien is inden sweer ghecomen.

21

Maer is dat hair van sijn eerste verwe, ende dat het litteeken donckerachtich is, ende dat oock niet neerder en is dan dat ander vleesch daer omtrent soo sal hy hem seuen daghen opsluyten,

22

ende eest sake dattet ghewassen is, soo sal hy hem voor lazerich verwijsen,

23

maer eest dat in sijn plaetse is staende bleuen, soo eest een litteeken van den sweer, ende die mensche sal suyuer wesen.

24

⁺Maer sulck vleesch oft vel welck vanden vier ghebrant is, ende dat ghenesen sijnde, daer nae heeft behouden een witte oft root litteeken,

+ D

25

soo sal die priester dat besien, ende siet, tis verkeert in witticheyt, ende sijn plaetse is neerder dan dander vel, so sal hi hem onreyn maken, want die plaghe der lazerien is in dat litteeken opghestaen.

26

Maer eest dat die verwe des hayrs niet verandert en is, noch oock niet neerder dan het ander vleesch, ende dat die selue ghedaente der lazerien donckerachtich is, soo sal hy hem seuen daghen opsluyten,

27

ende opden seuensten dach sal hy hem besien, eest sake dat die lazerie in die huyt ghewasschen is, soo sal hy hem onsuyuer maken,

28

maer eest dat die witticheyt op haer plaetse is blijuen staende, niet claer ghenoech, soo eest een teeken des brants ende daer om sal hy ghesuyuert worden, want het is een litteeken vanden brant.

29

Een man oft een vrouwe op wiens hooft oft baert die lazerie ghegroeyt is, dien sal die priester besien.

30

Ende eest dat die plaetse neerder is dan het ander vleesch, ende dat het hayr gheel ende veel dunder is dan dat pleech te sijne, soo sal hy dien onsuyuer ordeelen, want het is die lazerie des hoofts ende des baerts.

31

Maer siet hy die plaetse vander smetten effen ende ghelijck dat ander vleesch daer by, ende thayr swert, soo sal hi dien opsluyten seuen daghen,

32

ende ten seuensten daghe sal hijse besien. ⁺Eest dat die vlecke niet meerder gheworden en is, ende dat het hayr sijn verwe behouden heeft, ende dat die plaetse der plaghen ghelijck effen is met dat ander vleesch,

+ E

33

soo salmen den mensch scheren, sonder die plaetse der vlecken, ende men sal hem noch seuen ander daghen besluyten.

34

Ende eest by alsoo datmen die ten seuensten daghe siet dat die schorftheyt is blijuen staende op haer plaetse, ende dat sij niet ueerder gheworden en is dan het ander vleesch, soo sal hy dien suyuer maken, ende als hy sijn cleederen ghewasschen heeft, soo sal hy suyuer wesen.

35

Maer eest sake dat nae die suyueringhe die smette int vel weder wast,

36

soo en sal hy niet meer ondersoecken oft dat hayr in gheel verwe verandert is, want hy is openlijck onsuyuer.

37

Maer eest sake dat die vlecke is blijuen staende, ende dat die hayren swert sijn, soo sal hy weten dat die mensch ghenesen is, ende hy sal van dien cloeckelijck wtsegghen dat hy suyuer is.

38

Een man oft een vrouwe in wiens huyt eenich blinckende witticheyt ghesien wordt,

39

dese sal die priester besien, ende eest sake dat hy beuint datter een donckerachtighe witticheyt blinct in die huyt, soo moet hy weten dat gheen lazerie en is, maer een smette van witter verwen, ende die mensch es suyuer.

40

Een man wiens hayr van sijnen hoofde rijst, die is calu ende suyuer,

41

⁺ende eest dat sijn hayr van sijn voorhooft wtrijst, soo is hy voor calu ende suyuer,

+ F

42

maer eest dat in die caluheyt oft in die voorcaluheyt, eenighe witte oft roode verwe opghestaen is,

43

ende dat die priester dat siet, soo sal hy hem verwijsen van een ontwijfelijcke lazerie, die welcke in sijn caluheyt opghestaen is.

44

Hierom soe wie met lazerien besmet is, ende nae dat wtwijsen des priesters ghescheyden is,

45

die sal ontnayde cleederen hebben, sijn hooft bloot, sijnen mont met een cleedt bedect, ende hy sal van hemseluen

[p. *119]

wtroepen dat hy besmet ende vuyl is.

46

Alle den tijt dat hy lazerich ende onsuyuer sijn sal, soo sal hy alleen woonen buyten den heyrlegher.

47

Een wullen oft lijnen cleedt dwelck lazerie heeft

48

inden wtslach oft inden inslach, Oft seker een vel, oft wat van vellen ghemaect is,

49

eest datter een witte oft roode plecke in is, so sal dat ghehouden worden voor besmet van die lazerie.

50

Ende men sal dat den priester toonen, die welck dat sal opsluyten seuen daghen,

51

ende wederom opden seuensten dach dat besiende, beuint hy dat die smette voerts verbreyt is, so eest een geduerighe lazerie, hy salt cleedt ontsuyuer ordeelen, ende alle daert in gheuonden is,

52

ende daerom salmen dat met die vlamme verbernen,

53

⁺Maer eest dat hy siet dat die lazerie niet ghewassen en is,

+ G

54

soo sal hy beuelen, ende sij sullen wasschen daer die lazerie in is, ende dan sal hy dat seuen ander daghen opsluyten.

55

Ende als hy siet dat die eerste ghedaente niet wedercomen en is, maer dat die lazerie nochtans niet ghewassen en is, soe sal hy wtwijsen dat dit onreyn is, ende hy salt int vier verbernen, om dat die lazerie int ouerste van den cleede oft ouer al ghespraeyt is.

56

Maer eest dat die plaetse vander lazerien donckerder is gheworden nae dat het cleedt ghewasschen is, soo sal hy die plecke afschoeren, ende vanden gheheelen scheyden.

57

Maer eest sake dat daer voorts ghesien wordt, in die plaetsen die te voren onbesmet waren, een vlieghende onghestadighe lazerie, soo moet dat verbrant wesen int vier,

58

maer eest dat ophoudt, so sal hy noch eens met water wasschen die stucken die suyuer sijn, ende soo sullen die suyuer wesen.

59

Dit is die wet vander lazerien der wullen ende lijnen cleederen, des inslachts ende wtslachts, ende alderhande cleederen van vellen ghemaect, hoe datmen die moet suyueren oft onreyn maken.