Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxxiij. Capittel.

1

⁺ENde die Heere heeft tot Moyses ghesproken seggende. Gaet ende trect opwaerts van deser plaetsen, ghi ende v volck, welck ghy wt het landt van Egypten gheleydt hebt, int landt welck ick Abraham, Isaac, ende Iacob by eede be-

+ A

[p. *105]

loeft hebbe, segghende. Uwen sade sal ick dit gheuen,

2

ende ic sal v tot eenen voerlooper senden eenen enghel, om wt te worpen die Chananeen, ende Amorrheen, ende Hetheen, ende Phereseen, ende Heueen, ende Iebuseen,

3

ende dat ghi ingaen moecht int lant welc vloeyt van melck ende honich, want ic en sal met v niet gaen, want het es een hartneckich volc op dat ik v by auontueren onder weghen niet en verderue.

4

Ende als het volc deese seer quade tijdinghe hoorde, soe wast rouwich, ende niemant en dede zijn cierlijcke cleederen aen als hy pleech.

5

Ende die Heere heeft tot Moysen gheseyt. Segghet tot die kinderen van Israhel. Ghi sijt een hartneckich volc, Ic sal eens opcomen int midden van v lieden ende v vernielen. Legghet nv terstont v cieraet af, dat ic weten mach, wat ic v doen sal.

6

Dus hebben die kinderen van Israhel, haer cieraet nedergheleyt vanden berch Horeb.

7

⁺Ende Moyses nemende het tabernakel, heeft dat gheslaghen, verre buyten den heyrlegher Ende hy noemde dat, het tabernakel des verbonts, Ende alle dat volc dat eenighe gheschil hadde, ghinck tot het tabernakel des verbonts buyten den legher,

+ B

8

Ende als Moyses wtwaerts ghinc tot dat tabernakel, soe stont alle dat volc op, ende sij stonden in die doere van haerder tenten, ende saghen achter den rugghe van Moyses, tot dat hi int tabernakel ghegaen was,

9

Maer als hy int tabernakel des verbonts ghegaen was, soe quam die colomne der wolcken neder, ende sij stont by die doere, ende die Heere sprac tot Moysen,

10

dat sijt alle saghen, dat die colomne der wolcken stont bi die doere des tabernakels, Ende sij stonden ooc ende aenbaden doer die doeren van haren tabernakelen.

11

⁺Ende die Heere sprack tot Moysen, aensicht aen aensicht, ghelijc een mensch pleech teghen sijnen vrient te spreken.

Ende als hy wederkeerde tot den heyrlegher, soe en ghinc sijn dienaer Iosue Nuns sone dat kint, vanden tabernakel niet.

+ C

12

Ende Moyses heeft totten Heere gheseyt. Ghi ghebiedt my dat ick dit volc wtleyden soude, ende ghi en segghet mi niet, wien dat ghi met mi senden sult, besonder want ghi hebt gheseyt. Ick ken v wten naem, ende ghy hebt gratie voor my vonden,

13

Daerom heb ic gratie voor v aenschijn vonden, soe thoont mi v aensicht, dat ic v kennen mach, ende laet mi gratie vinden voor v ooghen, aensiet doch v volck, dese luyden,

14

Ende die Heere heeft gheseyt. Mijn aensicht sal voor v gaen, ende ick sal v ruste gheuen,

15

Ende Moyses seyde. Eest sake dat ghi selue niet voor en ghaet, soe en leydt ons van deser plaetsen niet,

16

Want waer aen sullen ick en dit volck moghen weten dat wi gratie voor v ooghen vonden hebben, ten sij dat ghi met ons wandelt, op dat wi moghen met eeren verheuen worden van allen volcke die op aertrijck woonen?

17

⁺Ende die Heere heeft tot Moysen gheseyt. Ick sal oock doen dit woort dat ghi gheseyt hebt, want ghi hebt gratie voer my vonden, ende ick heb v ghekent wt uwen name,

+ D

18

Ende Moyses seyde. Thoont mi v glorie,

19

Ende hi antwoorde. Ick sal v alle goet thoonen, ende ick sal inden naem Gods roepen voer v, ende ick sal bermherticheyt doen, dien ick wille, ende goedertieren wesen op den ghenen diet mi believen sal,

20

Ende wederom seyde hi. Ghi en moghet mijn aenscijn niet sien, want gheen mensche en sal my sien, ende leuen,

21

Ende wederom seyde hy. Siet daer es een plaetse by my, ende ghy sult opden steen staen

22

Ende als mijn glorie voer bi gaen sal, soe sal ic v stellen int gat vanden steene, ende ick sal v bedecken met mijn rechte hant tot dat ic voerby ghegaen ben,

23

ende dan sal ick mijn hant nemen, ende dan suldy mijn achterste sien want mijn aensicht en sudy niet moghen sien.

[afbeelding]