Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xlvi. Capittel.

1

⁺ENde Israhel reysende met allen dat hy hadde, es ghecomen by den put des eedts, ende als hy daer offeranden gheslaghen ende gheoffert hadde sijns vaders Isaacs Godt,

+ A

2

soe heeft hy hem ghehoort doer een visioen des nachts roepende ende segghende tot hem, Iacob Iacob? Ende hi heeft hem gheantwoert, Siet ic ben hier.

3

Ende Godt heeft tot hem gheseyt, Ic ben die alderstercste Godt ws vaders, en wilt niet vreesen, gaet nederwaerts in Egipten, want ic sal v daer maken tot een groot volc,

4

Ic sal met v af trecken derwaerts, ende ic sal v van daer wederom leyden als ghy weder sult keeren. Ende Ioseph sal sijn handen oeck op v ooghen legghen.

5

Ende Iacob es opghestaen vanden put des eedts, ende sijn kinderen hebben hem wech gheuoert, met haren cleynen kinderen ende huysvrouwen op die waghenen die Pharao ghesonden hadde, om den ouden man te vueren,

6

met alle sijn goet dat hy beseten hadde int lant van Chanaan. Ende hy es in Egipteu comen met alle sijnen sade,

7

sijn sonen, ende sijnder sonen kinderen, sijn dochteren, ende alle sijn gheslachte tsamen.

8

⁺Ende dit sijn die namen der kinderen van Israhel die in Egypten ghereyst sijn, hy met alle sijn kinderen Dierste gheborene Ruben.

+ B

9

Die kinderen van Ruben waren Henoch, ende Phallu, ende Hesron, ende Charmi.

10

Die kinderen van Simeon, Iamuel, ende Iamin, ende Ahod, ende Iachin, ende Sohar, ende Saul, die sone vander Chananeusscher vrouwen.

11

Die kinderen van Leui, Gerson, ende Chaath, ende Merari.

12

Die kinderen van Iudas, Her, ende Onan, ende Sela, ende Phares, ende Zara, maer Her ende Onan sijn ghestoruen int lant van Chanaan.

Ende Phares sijn kinderen gheboren, Hesron ende Hamul.

13

Die kinderen uan Issachar, Thola, ende Phua, ende Iob, ende Simeon.

14

Die kinderen van Zabulon, Sared ende Elon, ende Iahelel.

15

Dit waren die kinderen van Lia, die welck sij gebaert hadde te Mesopotamien int lant van Syrien, met Dina haer dochter. Alle die zielen van haren sonen, ende dochteren waren drijendertich.

16

Die kinderen van Gad, Sephon ende Aggi, ende Esebon, ende Suni, ende Heri, ende Arodi, ende Areli.

17

Die kinderen van Aser, Iamna ende Iesua, ende Iessui, ende Beria, ende Sara haerlieder suster.

Die kinderen van Beria, Heber, ende Melchiel

18

Dit waren die kinderen van Zelpha, die welcke Laban Lia sijnder dochter gaf, ende dese sesthien zielen heeft Iacob ghewonnen.

19

⁺Die kinderen van Rachel Iacobs huysvrouwe Ioseph ende Beniamin.

+ C

20

Ende Ioseph sijn kinderen gheboren int lant van Egipten, die welcke hem ghebaert heeft Aseneth die dochter van Putiphar, des priesters van Heliopolis, Manasses ende Ephraim

21

Die kinderen van Beniamin, Bela, ende Bechor, ende Asbel, ende Gera, ende Naaman, ende Echi, ende Ros, ende Mophim, ende Ophim, ende Ared.

22

Dit waren die kinderen van Rachel, welck Iacob ghewonnen heeft, alle te samen veerthien zielen.

23

Die kinderen van Dan, Husun.

24

Die kinderen van Nephtali, Iahel, ende Gumi, ende Ieser, ende Sallem,

25

dit waren die kinderen van Bale, die welcke Laban sijnder dochter Rachel gaf ende dese heeft Iacob ghewonnen al te samen seuen zielen,

26

Ende alle die zielen die met Iacob in Egypten ghegaen sijn, ende dye wt sijnder dgyen ghecomen sijn, wtgenomen sijnder kinderen huysvrouwen waren tsamen sesentsestich zielen.

27

Maer Iosephs sonen dye hem in dlant van Egypten gheboren sijn waren twee zielen. Alle die zielen van Iacobs huys die in Egypten ghegaen sijn waren tseuentich.

28

Maer hy heeft Iudam voor hem ghesonden tot Ioseph, dat hi hem segghen soude dat hi hem te ghemoete comen soude int landt van Gessen,

29

Ende als hy daer comen was, soe heeft Ioseph sinen wagen doen in spannen, ende hy es opwaerts ghetrocken sijnen vader te gemoete ter seluer plaetsen, ⁺Ende als hy hem sach soe viel hi op sinen hals, ende int omhelsen weende hy,

+ D

30

Ende die vader seyde tot Ioseph. Nv sal ick blijdelijck steruen, om dat ick v aensicht ghesien hebbe, ende dat ick v leuende nae my laten sal.

31

Maer hy heeft gheseyt tot sinen broeders, ende tot alle sijns vaders huysgesin. Ic sal optrecken, ende gheuen Pharao dit te kennen, ende ick sal hem segghen Mijn broeders ende alle mijns vaders huysghesin die in dlant van Chanaan waren zijn tot my comen

32

ende het zijn mans die scapen voeden, ende si gheneren hen met vee te voeden, haer cleyn vee, ende haer groot vee, ende alle dat si hebben mochten, hebben si met hem bracht,

33

Ende als hy v roepen sal ende seggen wat es v hanteringhe?

34

soe suldy antwoorden, Wij v

[p. *76]

dienaers sijn mannen die schapen voeden van onser ioncheyt aen, tot desen dach toe, beyde wi ende onse vaders mede. Dit suldi segghen, op dat ghy moecht v wooninghe crijghen int lant van Gessen, want die Egiptenaren versmaden alle schaepherders.