Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .vij. Capittel.

1

⁺ENde die Heere heeft tot hem gheseyt, gaet ghy ende allen v huysghesin in die arcke, want ic heb v rechtuerdich voer my ghesien in dit gheslachte,

+ A

2

Van allen reynen dieren soe neemt met v seuen ende seuen, manneken ende wijfken,

3

maer vanden onreynen dieren twee ende twee, manneken ende wijfken, Ende vanden voghelen des hemels, oec seuen ende seuen, manneken ende wijfken, op dat het saet mach onderhouden wesen, op daenschijn vander gausscher eerden.

4

Want nv nae seuen daghen, salic opder eerden reghenen veertich daghen ende veertich nachten lanck, ende ic sal te niet doen vander eerden alle dat wesen heeft dat ic ghemaect hebbe.

5

Dus heeft Noe ghedaen alle dat hem God beuolen hadde,

6

Ende hy was ses hondert iaren out, als die wateren des oueruloets vloedden opder eerden.

7

⁺Ende Noe en sijn sonen, sijn huysvrouwe ende sijnder sonen huysvrouwen sijn met hem ghegaen in die arcke, om die wateren des oueruloets.

+ B

8

Ende vanden suyueren ende onsuyueren dieren ende vanden voghelen, ende van alle dat hem roert opder eerden,

9

sijn twee ende twee ghegaen binnen in die arcke tot Noe, manneken ende wijfken, alsoe die Heere Noe hadde gheboden.

10

Ende als die seuen daghen voerby waren, soe sijn die wateren des oueruloets ghecomen opder eerden,

11

In dat seshondertste iaer des leuens van Noe, in die tweede maent, den seuentiensten dach der maent, soe sijn geborsten alle die fonteyen des grooten afgronts, ende die sluysen des hemels sijn open ghedaen,

12

ende het heeft ghereghent opder eerden veertich daghen, ende veertich nachten,

13

⁺Effen in tbeghinsel des seluen daechs soe sijn Noe, ende Sem, ende Cham, ende Iaphet, sijn sonen, sijn huysvrouwe, ende sijnder sonen huysvrouwen met hem in die arcke ghegaen,

+ C

14

sij ende alle ghedierte elck nae sijn nature, ende alle dat vee na sijn nature, ende alle dat hem roert opder eerden, elc nae sijn nature, ende alle gheuoghelte, elck nae sijn nature, alle voghelen, ende alle vlieghende dieren,

15

sijn bi Noe in die arcke ghegaen, twee ende twee van allen vleesch daer eenen gheest des leuens in was.

16

Ende die daer in gheghaen sijn, die ghinghen daer in manneken ende wijfken, ghelijc hem Godt beuolen hadde, ende die Heere sloot hem van buyten daer inne.

17

Ende den ouervloet es gheweest op die eerde veertich daghen, ende die wateren sijn vermeerdert, ende hebben die arcke ghehauen in die hoechde bouen die eerde,

18

Want sij vloedden seer crachtelijck, ende sij ouerdecten alle dat ouerste der eerden, maer die arcke dreef bouen die wateren,

19

ende die wateren worden seer machtich op

[p. *47]

die aerde, ende alle die hooghe berghen sijn ouerdect onder den gheheelen hemel.

20

Ende het water was vijfthien cubitus hoogher bouen alle die berghen welcke sij bedecte.

21

⁺Ende alle vleesch dat hem opder eerden ruerde es vernielt, van voghelen, dieren, beesten, ende van allen cruypende ghedierte dat opder eerden cruypt.

+ D

22

Alle die menschen ende alle daer eenen leuenden adem in es, opder eerden, sijn ghestoruen.

23

Ende Godt heeft vernielt alle substantie die opder eerden was, vanden mensche totten beesten, soe wel het cruypende ghewormte, als dat gheuoghelte des hemels, ende sijn alle vergaen vander eerden, maer Noe es alleen ouerghebleuen ende die met hem inder arcken waren.

24

Ende die wateren hebben dat aertrijck ghehouden hondert ende vijftich daghen.