Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .v. Capittel.

1

⁺DIt es den boec van Adams ghebuerte, In den dach als Godt den mensche geschapen heeft, soe heeft hy hem gemaect na Gods ghelijckenisse.

+ A

2

Ende hi heeftse geschapen een man ende een vrouwe, ende hy heeftse gebenedijt ende heeft haren naem ghenoemt Mensch op den dach dat si ghescapen waren.

3

Ende Adam heeft gheleeft hondert ende dertich iaren, ende heeft gewonnen eenen sone nae sijnen beelde ende ghelijckenisse, ende hy heeft hem ghenoemt Seth.

4

Ende die daghen van Adam (nae dat hy Seth ghewonnen hadde) sijn gheworden achthondert iaren, ende hy heeft sonen ende dochteren ghewonnen.

5

Ende allen den tijt die Adam gheleeft heeft, es gheworden, neghenhondert ende dertich iaren, ende hy es ghestoruen.

6

Ende Seth heeft gheleeft hondert ende vijf iaren, ende hy heeft Enos ghewonnen.

7

Ende Seth heeft gheleeft nae dat hy Enos hadde ghewonnen, achthondert ende seuen iaren, ende hy heeft sonen ende dochteren gewonnen,

8

Ende alle die daghen van Seth sijn gheworden, neghenhondert ende twaelf iaren, ende hy es ghestoruen.

9

⁺Ende Enos heeft neghentich iaren gheleeft, ende heeft gewonnen Cainan,

+ B

10

nae wiens geboorte heeft hy gheleeft achthondert ende vijfthien iaren, ende heeft sonen ende dochteren ghewonnen.

11

Ende alle die daghen van Enos sijn gheworden neghenhondert ende vijf iaren, ende hy es ghestoruen.

12

Ende Cainan heeft gheleeft tseuentich iaren, ende hy heeft ghewonnen Malaleel,

13

ende Cainan heeft geleeft nae dat hy Malaleel ghewonnen heeft achthondert ende veertich iaren, ende heeft sonen ende dochteren ghewonnen,

14

Ende alle die dagen van Cainan sijn gheworden neghenhondert ende thien iaren ende hy es ghestoruen.

15

Ende Malaleel heeft gheleeft vijf ende tsestich iaren, ende heeft ghewonnen Iared.

16

Ende Malaleel heeft gheleeft, nae dat hy Iared gewonnen hadde, achthondert ende dertich iaren, ende heeft sonen ende dochteren ghewonnen.

17

Ende alle die daghen van Malaleel sijn geworden achthondert vijf ende neghentich iaren ende hy es ghestoruen.

18

⁺Ende Iared heeft gheleeft hondert twee ende tsestich iaren, ende hy heeft ghewonnen Henoch.

+ C

19

Ende Iared heeft gheleeft nae dat hi Henoch gewonnen hadde achthondert iaren ende heeft sonen ende dochteren ghewonnen,

20

Ende alle die dagen van Iared sijn geworden negenhondert twee ende tsestich iaren ende hi es gestoruen.

21

Ende Henoch heeft gheleeft vijf ende tsestich iaren ende hy heeft gewonnen Mathusalam,

22

Ende Henoch heeft met Gode gewandelt. Ende Henoch heeft gheleeft nae dat hy Mathusalam gewonnen hadde, drijhondert iaren ende hy heeft sonen ende dochteren ghewonnen,

23

ende alle die dagen van Henoch sijn gheworden drijhondert vijf ende tsestich iaren,

24

ende hi heeft met gode ghewandelt ende hy en es niet meer gesien gheweest, want Godt heeft hem ghehaelt.

25

Ende Mathusala heeft geleeft hondert seuen ende tachtentich iaren ende hy heeft ghewonnen Lamech,

26

ende Mathusala heeft geleeft na dat hy Lamech hadde ghewonnen, seuen hondert twee ende tachtentich iaren ende hi heeft sonen ende dochteren ghewonnen,

27

⁺Ende alle die daghen van Mathusala sijn gheworden negen hondert negen ende tsestich iaren, ende hi es gestoruen

+ D

28

Ende Lamech heeft gheleeft hondert twee ende tachtentich iaren, ende hy heeft eenen sone ghewonnen

29

ende hem ghenaemt Noe, segghende, Dese sal ons vertroosten van die wercken ende arbeyden onser handen op die eerde welc Godt vermalendijt heeft

30

Ende Lamech heeft gheleeft na dat hy Noe gewonnen hadde, vijfhondert vijf ende neghentich iaren, ende hy heeft sonen ende dochteren gewonnen.

31

Ende alle die daghen van Lamech sijn gheworden seuenhondert seuen ende tseuentich iaren ende hy es ghestoruen.

Ende Noe als hy vijfhondert iaren out was soe heeft hy ghewonnen Sem Cham ende Iapheth.