Die gheestelicke melody
(2000)–Anoniem Gheestelicke melody, Die–
Auteursrechtelijk beschermd[Des manendaechs: Verblijt u, lieve susterkijn]Verblijt u, lieve susterkijn.
Want die ziel nu wel ende mynlic ghetroest is van Jhesu Cristo ende die werlt vroemmelicken begheven heeft, so troest sy oec mede alle die ghene die Jhesu dienen ende der werrelts ghenuechten hebben begheven [10r] om dat loen dat sy cortelic sullen ontfaen ende die bitter pijn der hellen die sy sullen ontgaen. Als die heylighe propheet scrijft: Gaudete et exultate quoniam merces vestra copiosa est in celis.Ga naar margenoot3 Dat is in duytsche: ‘Verblijt u ende vervruecht u, want u loen groot is in den hemel.’ Des manendaechs
Verblijt u, lieve susterkijn,
Die tijt is cort, het sel doch sijn.
Een yghelic die sel ontfaen
Loen van dat hiGa naar margenoot4 heeft ghedaen.
5[regelnummer]
Mit recht so moechdi sijn verblijt
In Jhesum Cristum talre tijt,
Die u sijn gracy heeft verleent
Dat gi die [10v] werlt nijt en dient.
Die werrelt is verganckelic,
10[regelnummer]
Haer loen is altzeer wanckelic.
Wanneert haer dienre waent tontfaen,
So coemt die doot en spreect hem aen.
Och, hoe verveerlic ist verdriet
In hem dan als hijt oversiet
15[regelnummer]
Dat al sijn blijsscap is ghedaen
En ducht, hi moet ter hellen gaen,
Daer veel tormenten sijn bereyt
Hem die sijn leven heeft gheleyt
Al hier beneden op eertrijc
20[regelnummer]
In oncuysheyt hoveerdelic.
Och, die tormenten sijn so fel.
So wie daer is, die woude wel,
Als ic vermoey na mijn verstaen,
Dat hem die doot mocht comen aen.
25[regelnummer]
[11r] So wie daer is een oighopsclach,
Het dunct hem sijn so menighen dach,
Veel meer dan maken dusent jaer.
Dat doet die pijn, die helsche vaer.
Och, dus crijcht hi wanhoep, wantrou
30[regelnummer]
End voer sijn sonden gheen berou,
Want hi hem nijt en heeft ghedient
Die sijn dienres berou verlient.
O gi die hier begheert of vry
Te sijn int laetste, hoert na my.
35[regelnummer]
Ic ray dat gi die werrelt vliet,
So coem gi in dees vrese niet.
End dient Jhesu mit hart, mit syn,
Hi sel u geven goet ghewyn,
Dat beter sijn sel hondertfout
40[regelnummer]
Dan ghi verdient of wynschen sout.
[11v] Int eynd sel hi u doen ghetrou
End voer u sonden goet berou,
Daer gi die vrees me selt versclaen,
Wanneer sy ju coemt vechten aen.
45[regelnummer]
O, denct wat vruechde u sel sijn
Als gi ghedient hebt u termijn
Jhesu, coninc der werrelt wijt,
Die ju sel gheven hemmelrijc.
O, daer ist al so zuet, so schoen.
50[regelnummer]
Een yghelic draecht daer een croen,
Die clare blencket onghelijc
Dan son, sterren, nu ter tijt.
Der zielen brugom is schoen
End sit daer inden hoechsten troen.
55[regelnummer]
Die vruechde is onsprekelic
Daer hi sijn dienres me verblijt.
Sijn soet aenscouwen is so claer.
[12r] Wye bi hem is tien dusent jaer,
Het dunct hem sijn een cleyne tijt,
60[regelnummer]
Ja veel myn dan een oghenblijc.
Och, die mocht horen dat gheluyt
Dat daer een yghelic gheeft uut,
Hy soud wel liden alle pijn
Om een uyr in die vruechde tsijn.
65[regelnummer]
Nu laet ons hier om roepen aen
Jhesum Cristum, den suete naem,
En bidden dat hi ons verlien
Hem hier te dienen sonder vlien.
O Jhesu heer, der meechden croen,
70[regelnummer]
Marien uutvercoren soen,
Die suver bleeft na ju gheboert,
Van u begheer wi tsijn ghehoert.
O scepper hemels end eertrijc,
Wi bidden u oetmoedelijc,
75[regelnummer]
Wilt ons [12v] verlenen nu ter tijt
Ju hier te dienen mit jolijt.
End als ons tijt hier is ghedaen,
So wilt ons mit solaes ontfaen
Bi u boven in hemmelrijc,
Daer vruech end vreed is ewelijc. Amen.
|
|