Gheestelijcke Harmonie

Van veel-der-leye en uyt-gelesen, soo Oude als Nieuwe, Catholijcke kerckelijcke Lof-sanghen, Leysenen, ende Liedekens op die principaelste Feesten ende Getijden des Jaers, die men in't Vorstendom Cleven by den Catechismus singht

C I V. Een Geestelijcke Liedeken van 't Ave Maria.

Ave Maria, Godts liefste lief ydone,
Der maeghden kroone, Maria weest ghegroet,
Gratia plena, klaer als die Sonne schoone,
In's Hemels troone, Vat vol genaden soet,
Der deughden volle vloet: En suyver hert ootmoet,
Hebt ghy gebaert, Godts Soon ons hoogste goet.

Dominus tecum, Die Heer sy met u eene:

Suvyer Fonteene, Vrou alder werelt wijt,
Benedicta tu in mulieribus, alleene:
Al waert ghy kleene, Ghy zijt gebenedijt,
Gheen vrou te geender tijt, Soo saligh als ghy zijt,

[p. 157]

 

[Noch] so verheven, Van Godt tot vyant spijt.

 

Et benedictus, gedanckt, ghelooft, gepresen,

 

[Moet] ghy altijt wesen, dat hooghweerdigh pant.

 

[Fructus] ventris tui dijn vrucht reyn uytghelesen

 

[Vyt] Jesse geresen, Jesus Christus playsant

 

[Die] als Heer valjant, Ons brack der hellen bant

 

Ende die ghevanghen brocht, In haer Vaders lant.

 

Sancta Maria Princes verheven kroone

 

Edel gheboren, Van Koninck Davidts zaet:

 

Ora pro nobis, bidt voor ons die te vooren

 

Waren verlooren, Verdoemt door sonden quaet

 

Tot dat ons quam te baet, Jesus ons Advocaet,

 

Van u geboren, O schoone dageraet.