Geestelijcke harmonie

van veelderley ende uytghelesene soo oude als nieuwe Catholijcke Kerckelijcke Lofsanghen, Leysenen ende Liedekens, op die principaelste Feesten en getijden des Iaers, die men in’t Vorstendom Cleve by den Catechismus singht

LXXXIII. Een Gheestelijck Liedeken vant Ave Maria.

Ave Maria, Godts liefste lief ydone
Der Maechden croone // Maria weest gegroet,
Gratia plena, claer als die Sonne schoone
In s’Hemels troone // vat vol genaden soet
Der deuchden volle vloet // een suyver hert ootmoet
Hebt ghy gebaert // Gods Soon ons hoochste goet.

Dominus tecum, die Heer sy met u eene

Suyver Fonteene // Vrou alder werelt wijt
Benedicta tu in mulieribus, alleene
Al waert ghy cleene, ghy sijt gebenedijt,
Gheen vrou te geender tijt // so salich als ghy sijt

[p. 119]

 

Noch soo verheven, van Godt tot vyants spijt.

 

Et benedictus, gedanckt, gelooft, gepresen,

 

Moet ghy altijt wesen // dat hoochweerdich pant

 

Fructus ventris tui, dijn vrucht reyn wtgelesen

 

Wt Iesse geresen, Iesus Christus playsant

 

Die als een Heer valiant // ons brack der hellen bant

 

Ende die gevangen brocht // in haers Vaders lant.

 

Sancta Maria Princes verheven croone

 

Edel geboren // van Koningh Davids saet

 

Ora pro nobis, bidt voor ons die te vooren,

 

Waren verloren, verdoemt door sonden quaet

 

Tot dat ons quam te baet, Iesus ons Advocaet,

 

Van u geboren // o schoone dageraet.