Geestelijcke harmonie

van veelderley ende uytghelesene soo oude als nieuwe Catholijcke Kerckelijcke Lofsanghen, Leysenen ende Liedekens, op die principaelste Feesten en getijden des Iaers, die men in’t Vorstendom Cleve by den Catechismus singht

LXXXII. Van onse lieve Vrouwe.

Glorieuse violette // Koninginn’ van Hemelrijck,
Suyver vat vry sonder smette // Inden geur aromatijck,
Soeticheyt sonder ghelijck,
Sulck een vreucht ghy sijt // die vermeucht altijt

[p. 118]

 

Smert en leet te scheuren,

 

Met vreucht, jolijt // verheucht, verblijt

 

Ons weemoedich trueren.

 

Precieus Paleys van trooste // blinckend’ als den dagheraet,

 

Sterre lichtend’ uyt den ooste, als de Sonne claer opgaet,

 

Uwen lof elck metter daet

 

Hondertsout verclaert // als een goe bewaert

 

Iun der Hemels throone:

 

Benaut, vervaert // verstaut, beswaert

 

Is nu elck persoone.

 

Alderheylichste Princesse // Maria Gods Moeder reyn,

 

Ons aller Advocatersse // Siet ons in dit droevich pleyn,

 

Tot u roepen wy ghemeyn:

 

Voor u dienaers doet // der genaeden vloet

 

Vwen Soon ghedencken,

 

Dat hy ons ‘tgoet // sijns rijcke soet

 

Will’ hier naemaels schencken. Amen.