Der fielen, rabauwen, oft der schalcken vocabulaer

Vanden sonden Wegheren.

DAt .xvj. capittel is vanden sonden Wegheren. Dese zijn Stercke Knech-

[fol. C3v]

ten, die in die landen omloopen met lange messen oft sweerden, ende spreken dat sy eenen nootweer gedaen hebben, om haer lijf te beschudden, ende dese noemen dan een somme gelts die si hebben moeten, ende mogen si dat gelt niet te wege brengen, soo salmen haer dat hooft af slaen.

Sommige van dese hebben hier toe onder haer eenen knecht, die met haer gaet in yseren banden ende ketenen, met ringen ende met duym yseren besloten, Ende dese spreect dan voor die lieden, dat hy is borge gebleuen om zijn somme gelts ende dan noemt hy een groote somme ende en hebben sy dat ghelt op die tijt niet, soo moeten wy beyde verderuen, oft steruen.