Der fielen, rabauwen, oft der schalcken vocabulaer

Vanden Schwanfelderen, oft blicslaeren.

DAt .xij. capittel is vanden Schwanfelderen, oft blicslaren. Dese zijn bedeleers die haer clederen in die herberghen laten, ende beuen iammerlijcken voor die lieden, op datmen meynen soude dat si groote coude hadde, maer si hebben haer te voren geslaghen oft bestreken met netelen saet, ende met andere dingen also dat si daer af gheen coude en geuoelen. Sommige van

[fol. C1v]

dese seggen dat sy van quade menschen berooft zijn. Ende sommige andere van dese schalcken seggen, dat sy cranck gelegen hebben, ende dat alle haer cleederen verteert zijn, ende sommige andere seggen, dat haer cleederen haer gestolen zijn. Ende alle dese doen dit om dat die lieden haer cleederen geuen souden, ende als si die cleederen hebben soo vercoopen sy die, ende dat ghelt verboelen ende verspelen sy. Conclusio. Wacht v voor dese schwanfelderen, want het is boeuen werck, ende en geeft haer niet, het sy man oft vrouwe, ten waere dat ghy van dese goede kennisse hadt.