Logo DBNL
Het esbatement van den appelboom (1965)

Het esbatement van den appelboom

(1965)–Anoniem Esbatement van den appelboom, Het–rechtenstatus Auteursrechtelijk beschermd

Vorige Volgende
tekstkritische noten

[Het esbatement van den appelboom]

+ Hier begint een fraij esbatement

van den Appelboom genaempt.

Volgen de personages daer van.

 

1Goet Ront, een man schamel gecleet.
2Deuchdlijck Betrouwen, twijff.
3Ons* Heer God.
4Donversaedige, een meersman.
5Ongereet Leven, een jongelinck.
6Jonge Lustige, een joffvrou
7De Doot.
8Die Duvel.
tekstkritische noten

goet ront [eerst]
 
Ou Deuchdlijck Betrouwen.
deuchdlijck betrouwen
 
Wadt segdij Goet Rondt?
goet ront
 
Compt voort, mij en was noijt so wee te moe.
deuchdlijck betrouwen
 
Weest niet vervaert, ick come [terstont].
goet ront
 
Ou* Deuchdlijck Betrouwen.
deuchdlijck betrouwen
 
Wadt seght ghij Goet Rondt?
goet ront
5
Tis al rampspoet // dat Godt ons doet // en jont.
deuchdlijck betrouwen
 
Jae lieff man hoe?
goet ront
 
Ou Deuchdlijck Betrouwen.
deuchdlijck betrouwen
 
Wadt segdij Goet Rondt?
goet ront
 
Antwoort, mij en was noijt* so wee te moe.
deuchdlijck betrouwen
 
Wadt let u, lieff man?
goet ront
 
Al dat ick doe
10
gaet mij voorwaerts so gelucken schrapt
 
+ alst in droeffheden. Wadt baetet geclapt?
 
Mij dunckt mij den moet geheel ontsoncken // is.
deuchdlijck betrouwen
 
Wacharmen, waerom?
goet ront
 
Om dat ons geijttgen verdroncken // is
 
Lief wijff, ick wel [mach] claegen en carmen.
deuchdlijck betrouwen
15
Verdroncken segdij?
goet ront
 
Jae lacen wacharmen,
 
sij is verdroncken met onse jonge kalve
 
inde gracht int velt.
deuchdlijck betrouwen
 
Ons harten salve
 
is dan verdroncken en ter neder geworpen.
 
Eijlaecij, men en vandt in geenen dorpen
20
sulck melcxken als ons geijttgen brochte.
goet ront
 
Eij geijtken, u melcxken wast datmen sochte.
 
Ghij sult so beclaecht sijn.
deuchdlijck betrouwen
 
Dats goet om weeten.
goet ront
 
Ende* Wuijtken met de belle is oock gegetenaant.
 
vanden wolff, ick en was noijt dus ontstelt.
deuchdlijck betrouwen
25
Is Wuijtken gegeten?
goet ront
 
Jae hij.
deuchdlijck betrouwen
 
Eijlacij, mijn hert dat smelt.
 
Ick en hoor[d]e noijt van sulcken abuse.
goet ront
 
Jae, en ons ganse is in een vadt met gruse
 
versmoort, dus ben ick halff tenden* rade.
deuchdlijck betrouwen
 
Godt segen ons! Eijlacij, dats groote schaede.
30
Is Aelken versmoort? ghij sout mij verlenen.aant.
 
En Wuijtken verbeten? daer moet ick om wenen
 
dat ons beesten dus verliesen tlijff.
 
Ochharmen, ocharmen.
goet ront
 
Och verkooren wijff,
 
wij sijn pladt tot ongeluck geboren.
deuchdlijck betrouwen
35
Wij moeten verduldich sijn.
goet ront
 
+ Tis al verloren.
 
Wij moeten eeuwichlijck van deuren tot deuren
 
om ons broot gaen.
deuchdlijck betrouwen
 
Eij wilt niet treuren,
 
wij hebben noch goets genoch te wensche.
goet ront
 
Wij sijnt al bijster.
deuchdlijck betrouwen
 
Ke swijcht, arm mensche,
40
Godt en sal sijn vriendenkens niet vergeten.
goet ront
 
Maer wadt sullen ons kindekens eeten
 
als Metken doot is die dat soet melckxken gaff?aant.
 
Sij sterven van hongere.
deuchdlijck betrouwen
 
Ja wadt segdij hier aff?
 
Godt en maeckte noijt mont hij en gaffer //aes* // toeaant.
45
en verleent Godt broot hij verleenter kaes // toe.
 
Dit moetmen vast in uwer herte houwen.
goet ront
 
Ick ben Goet Rondt.
deuchdlijck betrouwen
 
Ende ick Deuchdelijck Betrouwen.
 
Al mocht u quade fortuijne in strick // hebben,
 
daer ick ben en suldij geen gebreck // hebben.
50
Godt salt al beteren, slaet dies wel goom.
 
Wij hebben noch eenen schoonen appelboom,
 
die schoonste die verre off naer // is,
 
met appelen gelaeden.
goet ront
 
Ick kenne dattet waer // is.
 
Tgemacht elcker een luste diet siet,
55
de schoonheijt des booms.
deuchdlijck betrouwen
 
En treurt doch niet.
 
Onsen boom sal ons de cost wel waert // sijn,
 
want sijn* appelen van elckeen begaert // sijn
 
om dat sij soo deuchdlijck sijn van smaecke.
 
Hij sal ons rijck maecken.
goet ront
 
Maer een saecke
60
meshaecht mij, daer ick druck in vaete,
 
dat onsen appelboom hangt over straete.
 
Dan comen die lieden die achter wegen gaen
 
als sij* die appelen daer op sien staen
 
en climmen op ten boomen heel onzedelijck
65
en nemen die appelen*.
deuchdlijck betrouwen
 
Dat is onredelijck.
goet ront
 
+ Sij breecken onsen tuijn geheel en al
 
ende schudden den appelboom.
deuchdlijck betrouwen
 
Dats groot ongeval*.
goet ront
 
Dan comen die verckens diet al doorlopen
 
ende eeten ons appelen met grooten hopen
70
die ons kinderkens wel eeten souwen.
deuchdlijck betrouwen
 
Sijt verduldich Goet Ront.
goet ront
 
Jae Deuchdlijck Betrouwen,
 
ist dat goet om lijden.
deuchdlijck betrouwen
 
Ghij sult genoch behouwen.
 
Troost u an Godts redene.
goet ront
 
Troost op, troost nedere!
 
Daer mee en crijch ick mijn appelen niet wedere
75
dat sij mij steelen met grooter sommen.
 
Daer was* lestent* een trawant op geclommen
 
en had sijn maele vol appelen gesteecken.
 
Met dat hijder op sadt quam ick gestreecken
 
ten angangen, ende als hij mijns werde gewaere
80
so vil hij vanden boom van vaere
 
en sijn wijff riep deerlijck door dese noot,
 
als die beschaemde: mijn man is doot.
 
Doen liep ick wech en was oock beschaempt
 
en liet hem dappelen. Al ben ick vergraempt,
85
ist wonder? Tis al ongeluck
 
dat ons ancompt.
deuchdlijck betrouwen
 
Leeft sonder druck
 
[ende volherdt] in pacientie als van desen.
goet ront
 
Eij appelboom, eij appelboom.
deuchdlijck betrouwen
 
Wilt danckbaer wesen
 
den Heere almachtich int eeuwich leven.
90
Verliessdij een appel, hij salder u weer thien geven.
 
Hebt* goet gelove.
goet ront
 
Thien appelen voor eenen?
deuchdlijck betrouwen
 
Jae Goet Rondt.
goet ront
 
Woude Godt die verlenen,
 
ick soude pacient [sijn] in allen saecken.
deuchdlijck betrouwen
 
+ Jae hij, certeijnlijck, off wijt so maecken
95
dat onsen appelboom schoon int behaegen
 
winter en somer mochte* vruchten draegen,
 
wadt souder aff seggen?
goet ront
 
Dat waer een vreucht
 
mochtet alsoo geschien.
deuchdlijck betrouwen
 
U selven verheucht!
 
Ghij sulter off winter en somer appelen eeten.
goet ront
100
Winter en somer?
deuchdlijck betrouwen
 
Ja, ick wils mijn vermeten.
 
Die Godt betrout, hij ons is gejonstich
 
ende ock almachtich.
goet ront
 
Is hij so constich
 
dat hij winters en somers doet appelen wasschen,
 
so is hij seer abile.
deuchdlijck betrouwen
 
Hij soude veel meer bij een passen.
105
Hij soude van twee wanten van cleender waerden
 
wel maecken twee jonckers* rijende te paerden,
 
ende van een melcktest gescheurt van buijten
 
een joffer te waegen met lange tuijten,
 
ende dat appeltaertgens soude regenen
110
al daer wij gaen souwen.
goet ront
 
Godt moet mij segenen!
 
Is Godt al machtich sulcken dinck te doen
 
so sal hij winter en somer eeven groen
 
met sijnder gratien den appelboom houwen.
deuchdlijck betrouwen
 
Dat is waerachtich.
goet ront
 
Deuchdelijck Betrouwen,
115
ghij maeckt mij recht verheucht van geeste.
deuchdlijck betrouwen
 
Hoort Goet Ront, dit is noch tmeeste.
 
Daermen van Gode vermaent uuijt deuchden,
 
daer is hij selve.
goet ront
 
Noijt meerder vreuchden!
 
En off [wij] vermaenden van Godt sinlijck
120
zou hij bij ons comen?
deuchdlijck betrouwen
 
Jae hij also minlijck
 
als die vader bij sijnen kinderen doet.
goet ront
 
+ Wel moet hij vaeren rasch met der spoet.
 
Ick wil hier een stoeltgen gaen setten.
deuchdlijck betrouwen
 
So doet, Goet Rondt.
goet ront
 
Nu rasch sonder letten,
125
wilt hem daer een cussen in leggen.
deuchdlijck betrouwen
 
Godt en geert geen cussen.
goet ront
 
Neen, laet u seggen,
 
leght hem een cussen een voor al.
 
Sou Godt sonder cussen sitten? Neen, hij en sal,
 
hij is waerdich dat hij geeert // is.
deuchdlijck betrouwen
130
Hij is daer alle salicheijt vermeert // is
 
ende daer menschen en beesten bij leven.
 
Men mach hem wel minnen.
goet ront
 
Wilt hij slechs appelen geven,
 
ick sal hem lieff hebben over zeere.
ons heer godt
 
Wel wadt begeeren de kinderen?
goet ront
 
Wellecom lieve Heere,
135
ghij sijt doch aller eeren waerdich.
deuchdlijck betrouwen
 
O Godt genaedich.
goet ront
 
Ghij en sijt niet hoovaerdich,
 
ghij sijt minsaem also men siet.
deuchdlijck betrouwen
 
Ghij en schaempt u der armen lieden niet,
 
die dickwils lijden druck en pijne.
goet ront
140
Dat gelooff ick wel, hij plach oock arm te sijnne.
 
Te beter kent hij der armen lieden staet.
deuchdlijck betrouwen
 
O goedertieren Godt.
goet ront
 
O toeverlaet,
 
wij roepen op uwe genadicheijt.
deuchdlijck betrouwen
 
Aensiet ons mensche[n] sonder versmaedicheijt.
goet ront
145
Wij bidden u om een bede met gebogen knien.
godt
 
+ Bidt dat ghij wilt, het sal u geschien.
goet ront
 
Loff Heer almachtich van uwer gracijen.
 
So bid ick u nu minlijck tot deser spacijen
 
dat ick bij uwer genaden ontfaen // mach
150
dat mijnen appelboom schoon staen // mach
 
winters en somers met appelen geladen,
 
ende wije dat op compt en climt tot mijnder schaeden
 
dat hij opten appelboom blijven sitten // sal
 
tot mijn selffs seggen.
godt
 
Ick consenteert sonder listen // al
155
door u deuchdlijck betrouwen, dus zijt blije.
deuchdlijck betrouwen
 
Loff Heer der gracien.
goet ront
 
Noijt meerder melodije.
 
Nu naeckt ons alle geluck en zegen.
deuchdlijck betrouwen
 
Waer is Ons Heer?
goet ront
 
Hij is van de wegen
 
sonder oorloff, men vanttet noijt beschreven.
deuchdlijck betrouwen
160
Dats quaelijck bedreven.
 
Had hem toch eens te drincken gegeven,
 
den Heer almachtich, uuijten vollen bekere.
goet ront
 
Jae dats waer, seeckere.
 
Hij hadde so goeden bueraensicht, ick belijt.
165
Maer wij sullent verbeteren tot op een ander tijt,
 
dat nu versuijmpt is.
deuchdlijck betrouwen
 
Dat moet oock wesen.
goet ront
 
Laetse nu comen die dappelen lesen
 
van mijnen boom. Al swijch ick stille,
 
sij en sullender niet aff coomen tot haeren wille
170
al consten sij noch so schoone practijcke.
deuchdlijck betrouwen
 
Tis also onse.
goet ront
 
Wij sijn eeuwelijck rijcke.
 
Gaen wij eeten en drinken, solaes vueren seeren!
 
Tis geneuchgelijck solacelijck te bancketeeren.
donversadige [als een marsman met een marsche om den hals]
 
Aij mij, hoe moede ben ick van slaven.
175
Tis grooten arbeijt achter lande te draven.
 
+ Ick hadde liever te laven* // mijn stort // gadt.
 
Onder weech heb ick menigen hort // gehadt.
 
Hij is* gecort // wadt //. Aen mij noijt meer leets,
 
so gae ick geladen. Wadt sweet ick al sweets!
180
Dese marse weecht medallen swaer.
 
Wadt, ou wadt schoonder appelen staen // daer!
 
Ick wil mij pijnen opten boom te* gaen //
 
en eeten van dappelen om den dorst te verslaen.
 
Daar stel ick mijn marse, ick wil terstont
185
opten boom, mij[n] buijcxken eeten al ront,
 
want dese appelen, wed ick, wel smaecken.
goet ront
 
So, ghij en sult niet aff geraecken
 
off ghij en sult mijn appelkens wel betaelen.
deuchdlijck betrouwen
 
Men sal hem leeren appelkens haelen.
190
Laeten wij eeten van onsen gewasse.
goet ront
 
Den baes is inden casse!
 
Hier neemick zijnen maers voor mijn schaede.
donversadige
 
Wadt leckerder appelen! Heer God, genaede!
 
ick slocke dat mij die tanden croocken.
195
Daer heefter wel vijftich den hals gebroocken
 
vanden appelen. Mijn buijck die rommelt.
 
Ick heb oock mijn boesem vol gestommelt.
 
Tis best dat ick nu mijnen bijser gae steecken.
 
Ontbeijt, ick en mach niet aff, wat mach mijn gebreecken?
200
Hoe sidt ick dus, noch noijt so verlagelt.
 
Wat, ben ick aen desen boom genagelt?
 
Mijn dunckt ja ick! ick blijff hier voort van gelt.
goet ront
 
Is hij nu niet wel bestelt?
 
Ick wets, hij sal een ander liedeken singen,
205
eer hij van mijnen boom sal springen.
ongereet leven [een jongelinck]
 
Ou Jonge Lustighe.
jonge lustige [een joffrouw]
 
Ou Ongereet Leven.
ongereet leven
 
Ou siet, wadt schoonder appelen staen daer!
jonge lustige
 
Heer God, wie mocht ons appelen geven?
ongereet leven
 
Ou Jonge Lustige.
jonge lustige
 
Jae Ongereet Leven.
ongereet leven
210
Noijt schoonder appelen.
jonge lustige
 
+ Mijn hert moet sneven
 
van luste der schoonder appelen voor waer.
ongereet leven
 
Ou Jonge Lustige.
jonge lustige
 
Jae Ongereet Leven.
ongereet leven
 
Ou siet toch wadt schoonder appelen staen daer.
jonge lustige
 
Wij moeten daer aff hebben.
ongereet leven
 
Dat toocht hem claer.
215
Wij moeten van dees appelen eeten.
jonge lustige
 
Ou siet, daer is een marsman op geseten.
 
Hij slockt al waer hij uuten velle.
ongereet leven
 
Ou marsman, ou.
jonge lustige
 
Wadt ou, dats een geselle.
 
Suldij d'appelen op eeten tot inden top?
ongereet leven
220
Deijlt ons oock wadt.
onversadige
 
Climpt op, climpt op,
 
ende eet appelen sonder quellagie.*
ongereet leven
 
Siet daer mijnen tabbaert.
jonge lustige
 
Siet daer mijn faelgie.
 
Ick moet appelen eeten, dats verloren.
ongereet leven
 
Climpt op de ledere.
jonge lustige
 
Neen, climpt ghij vooren,
225
ick sal u wel volgen opten voet.
ongereet leven
 
Wadt leckerder appelen!
jonge lustige
 
Sij sijn seer soet,
 
beter dan soeteneven oft niuschirlingen.
ongereet leven
 
Ja, oft claptaertgens oft pippingen.
 
Ick en proeffde* mijn dagen noijt beter sap.
jonge lustige
230
Slock in, slock in!
ongereet leven
 
Hout uwen clap!
 
Tis mijnder herten een medecijne.
goet ront
 
Slockt vast, den tabbart is mijnne,
 
en die falgie* blijft voort gelach.
ongereet leven
 
+ Eet vromelijck, lieff.
jonge lustige
 
Ick en mach,
235
mij dunckt dat mij den pen[s]sack schoort.
goet ront
 
Ontbeijt gesellen, ist goet al verbeurt
 
dat ghij mijn appelen aldus schent?
deuchdlijck betrouwen
 
Aij appeldieven!
goet ront
 
Ghij sijt hier qualijck belent,
 
het sal u noch berouwen hier naer.
jonge lustige
240
Eijlacij, wacharmen! die man is daer
 
die desen appelboom toebehoort.
 
Laat ons wech loopen.
ongereet leven
 
Ick en can niet voort.
 
Ick moet betovert sijn, vaet mij[n] orconden.
jonge lustige
 
Al waer ick aen desen boom gebonden,
245
so stae ick, ick en can mij niet verroeren.
ongereet leven
 
Wij moeten daer blijven.
jonge lustige
 
Noijt quaeder cueren!
 
Wij blijven gevangen binnen den stricke.
onversadige
 
Mij waer leet voer hij beter dan icke.
 
Ick en can huppelen noch gestooten.
ongereet leven
250
Wij sijn al met eenen sope overgooten.
 
Hij en weetet dan diet hier thans prooft // snel.
onversadige
 
Dats waer, ick gelooft // wel.


illustratie
Bereijt u, Goet Ront, ghij moet sterven (vs. 267)


 
Ick en darff niet vragen, want ick gevoelt // wel.
 
Maer niet te min, gemenen rou coelt // wel.aant.
255
Wij sijnder inne, wij moeten der deure.
 
Nae voorspoet compt dikwils een* quae* aventeure.
goet ront
 
Aij mij, wadt sieckten! Heer Godt genade!
 
Mijn leden faelgeren, mijn hert dat beeft.
 
Den wellust verkeert nu heel int quade.
260
A[ij] mij, wadt sieckten! Heer Godt genade!
 
Ick bin pladts tonder en tenden rade
 
als mij den moet mijnder jeucht begeeft.
 
Aij mij, wadt sieckten! Heer Godt genade!
 
Mijn leden faelgeren, mijn hert dat beeft.
265
Tlichaem verflaut dat nu leeft.
 
Tsal, ducht ick, van deser sieckten bederven.
+ de doot
 
Bereijt u, Goet Ront, ghij moet sterven.
goet ront
 
Sterven, eijlacij, noijt sulcken dangier.
doot
 
Jae sterven, want uwen tijt is hier.
270
Haest u ende vreest u voor den slach.
goet ront
 
Ontbeijt noch, lieff Doot.
doot
 
Neen, ick en mach.
 
Ghij [sult] op daerde u schult betaelen.
goet ront
 
Om Gods wil, wilt mij doch eerst haelen*
 
een appel, tis hertelijck mijn begeeren,
275
op mijnen appelboom.
doot
 
Ghij moet mij deeren,
 
dus sal ick u gaen haelen den appel blijelijck.
goet ront
 
Ick storve anders met quader herten vrijelijck.
 
Gaet darwaerts met haesten, wilt u versnellen.
doot
 
Ick most oock appelen eeten met die gesellen.
280
Weest onvertsaecht, het is nu noot.
onversadige
 
Wel wie compt daer?
jonge lustige
 
Lacen, tis de Doot!
 
Die cracht Godes wil ons allen beschermen*.
ongereet leven
 
Ick sterff van vaeren, eijlacen wachermen,
 
ick wildick saete int gadt van Trismaroen.aant.
jonge lustige
285
Wadt nu ten raede?
ongereet leven
 
Ick en weet wadt doen.
 
Mijn hert crimpt gelijck een slecke.
jonge lustige
 
Mijnen pols slaet mij inden necke,
 
dat mij van pijnen die ogen staeren.
doot
 
Ick heb eenen appel, nu wil ick verhaeren
290
tot den sulcken dier mij bevel aff gaff.
 
Ontbeijt, wadt sal dit sijn? ick en can niet aff.
 
Ick ben bedrogen, dit machmen wel schrijven.
goet ront
 
Ghevangen visch, goet vis, ghij moeter blijven.
 
Ten baet niet dat ghij veel sprinckt oft hapert.
doot
295
Noij[t] sulck bedroch!
goet ront
 
Tis verloren getapert.
 
Ghij moet mij nu subjeckt wesen.
deuchdlijck betrouwen
 
+ Ghij blijfter, appeldieff.
goet ront
 
Ick ben al genesen
 
dat ick der doot dus ben ontgaen.
doot
 
Laet mij toch aff!
deuchdlijck betrouwen
 
Neen, dats gedaen,
300
ghij en sult noch ons claerlijck niet ontspringen.
goet ront
 
Ghij en sult niemant ter doot meer bringen.
 
Wij sullen eeuwelijck leven voortan.
doot
 
Laet mij aff om Goods wille!
goet ront
 
Neen, ick en can.
 
Blijft daer opten boom, ghij zijter wel.
305
Wij willen gaen maecken jolijt en spel.
die duvel
 
Borra, waer mach die doot // sijn?
 
Na haer moet mijn verlangen groot // sijn.
 
Mach sij vander alven op gesopen // sijn,
 
off in een muijsenhol gecropen // sijn,
310
datter geen menschen ter werrelt en sterven?
 
Luijcefer* sal van toorne bederven
 
blindt volck, levende in allen hoecken.
 
Dus wil ick die doot al omme gaen soecken.
 
Waer sal ickse vinden, help Luijcefers sweet!
315
Ick doorkijck all omme verre ende breet
 
al dat hier staet als Modecex* droom.aant.


illustratie
Borra, waer mach die doot sijn? (vs. 306)


 
Ontbeijt, wadt sie ick inden appelboom?
 
Het is die Doot, dat merck ick claer.
 
Ou Doot, wadt duijvel maecktij daer?
320
Wildij gaen leeren fruijtieren?
doot
 
Laet mij met vreden.
duyvel
 
Suldijt dus bestieren
 
om die menschen ontlijvich te maecken?
doot
 
Ick en sie vanden boom niet te geraecken.
duyvel
 
Ick sal u wel affhaelen, ick weet die treecken,
325
en al dier op sitten sal ick den hals breecken.
doot
 
Dat en mach niet wesen, vermaeledijt geest.
onversadige
 
Noijt so verschrickt!
ongereet leven
 
Noijt so bevreest!
 
Wij moeten sterven door dat dangier.
jonge lustige
 
+ O God, vertroost ons.
onversadige
 
Eijlacij, die vijant is hier.
330
Ick sal bij na mijns sinnen gemissen.
ongereet leven
 
Veni Creator.
jonge lustige
 
Ick sal mij bepissen
 
van vare die mij die leden doorbluwelt.
onversadige
 
Mijn hert beswijckt mij.
ongereet leven
 
Noijt so vergruwelt!
 
Ave, credo, salus, mach ick wel callen.
335
Mijn hert sal mij inden brouck ontvallen.
 
Noijt en geschiedde mij meer ongevals.
duvel
 
Haer doot hangt hier aen mijnen hals.
 
Ick sal u aff draegen, wient is lieff off leet.
 
Wadt sal dit worden? helpe Modecax sweet!
340
Ick en can verhuppelen noch verharen
 
van desen boom.
doot
 
Ick heb oock so gevaeren,
 
helsche vijant. Ten baet cracht noch viertuijt.
goet ront
 
Ou Deuchdlijck Betrouwen.
deuchdlijck betrouwen
 
Jae Goet Ront?
goed ront
 
Kijckt uuijt, kijckt uuijt,
 
daer is noch een radt boven den valle.
deuchdlijck betrouwen
345
Ist wadt proffijtlijckx?
goet ront
 
Jaet meed alle,
 
tis den vijant, compt, ghij en saecht noijt sulck abuijs.
deuchdlijck betrouwen
 
Ick vervare mij, lacen.
goet ront
 
Maeckt dan een cruijs
 
voor u, so en mach u niet misschien.
deuchdlijck betrouwen
 
Helsch geest, wadt mach dit bedien?
350
Wadt hebdij op onssen boom verloren
 
dat ghij er dort op comen?
duyvel
 
Eij, wilt u niet stooren,
 
heer waert, laet mij gaen henen schadden.
doot
 
Laet mij doch aff om Gods willen.
goet ront
 
Neen, dat zijn cladden.
 
Ghij Doot, hoe* lange suldij mij spaeren
355
op daerde levende?
doot
 
+ Vrient, XL jaeren
 
moechdij leven noch vrij onbevreest,
 
wildij mij afflaeten.
goet ront
 
Ende ghij, vermalendijt geest,
 
tot wadt saecken wildij u verweren?
duyvel
 
Ick en sal u niet meer tot sonden tempteren*.
360
Laet mij vervliegen te mijndre straeten.
goet ront
 
En ghij maersman?
onversadige
 
Ick wil u geernne laeten
 
mijn maersse, lost [ghij] mij uuijt de travaelge.
ongereet leven
 
Ende ick mijnen tabbaert.
jonge lustige
 
Ende ick mijn faelge.
 
Lieff heer waert, wilt mij oorloff geven.
365
Ick ben halff doot.
ongereet leven
 
Mijn leden beven.
 
Ick en was noijt in so groot verdriet.
allegaer gelijck
 
Laet ons aff, lieve vrient!


illustratie
Danck hebt heer waert! Borra, hach, hach, ha, ick steecke mij deure (vs. 373-374)


goet ront
 
Off ick u aff liet,
 
soudij u beloften wel houwen
 
die ghij belooft hebt?
alle gader
 
Jae wij, trouwen.
onversadige
370
Lieve heer waert wilt ons in genaed ontfaen.
goet ront
 
Ick geve u oorloff, ghij wel moocht gaen
 
tot allen plaetsen daer ghij begaert,
 
maer quijt u belofte.
duyvel
 
Danck hebt heer waert!
 
Borra, hach, hach, ha, ick steecke mij deure.
doot
375
Ick danck Gode der aventeure
 
dat ick vanden boom dus ben geraeckt.
jonge lustige
 
Al ist dat ick verschrickt ben en missmaeckt,
 
ick belooffs mij dat ick behouwen hebbe tleven.
 
Maer immers isser mijn faelge gebleven.
380
Ramp heb den appelboom!
ongereet leven
 
+ Amen in trouwen.
 
Hij heeft mijnen tabbaert behouwen
 
voort lucrijgelt, twelck ick mij wel beclagen mach.
onversadige
 
Mijn maersse blijft oock voort gelach.
jonge lustige
 
Die onredelijcke leven nacht en dach,
385
sijn wercken comen tot quaden loon.
ongereet leven
 
Al schijnt somtijts int beginsel schoon,
 
het strijckt wel naemaels sijnen staert.
onversadige
 
Het blijck[t] bij ons lijen, wij sijnt wel waert.
 
Tis een exempel aen ons om kinnen.
jonge lustige
390
Die op die bomen plegen te climmen
 
en tfruijt noch stelen bij dagen bij nachten,
 
voeren sij so dus, zij soudent hem wel wachten.
 
Maer tmijn is mij ten minsten leet.
onversadige
 
Gemeen rou coelt wel.
ongereet leven
 
Nu* sijt gevreet,
395
daer mede so laeten wijt heenen gaen.
jonge lustige
 
Nemet toch danckelijck die de redene heb[t] verstaen.
 
Vaet doch ons meni[n]ge wel voor de const
 
uuijt ons Corenbloemkens.
ongereet leven
 
So spruijt dejonst
 
die wij u allen hier bewijsen.
jonge lustige
400
Cleen is ons macht.
ongereet leven
 
Al dat wij prijsen
 
is met geneuchten sonder discordatie.
onversadige
 
Neempt danckelijck.
jonge lustige
 
Godes eeuwige gratije
 
wil u allen, groot met den cleenen,
 
salicheijt en gesontheijt ende deuchtsaemheijt verleenen.

FYNIS

 

Het spel is lang in dicht 515 reg.

Par Trou Moet Blycken.


Vorige Volgende

Over het gehele werk

organisaties


Over dit hoofdstuk/artikel

titels