Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item int selue iaer soe quam weder die Coninck vanden Romeynen wel met hondert ende tachtentich schepen]

[Item int selue iaer] soe quam weder die Coninck vanden Romeynen wel met hondert ende tachtentich schepen ligghen voor die stede vander sluys ontrent sint Ians messe, ende sijn volck deden weder groote schade in Cazant, ende ontrent sint Annen ter Mude, ende verbarnden vele schone landshuysen, ende vinghen tvolck, ende roofden vele beesten, ende andere saken. Ende es te wetene dat dese orloge was gheresen ter cause dat die Roomsche Coninck begheerde te sijne voocht ende mombere van sijnen sone, daer eeneghe yeghen waren, want Tlandt als doe gheregiert was byden drye leden tslandts van Vlaendren, ten orbore vanden Hertoghe Phelips, die welcke also doe noch seer ionc was.