Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Hoe dye Hertoghe Maximiliaen, trac met machte voor dye stede van Hutrecht, ende hoe hijse wan.

VP dit selue iaer so trac die hertoghe Maximiliaen voor die stede van Hutrecht met al sijnen volcke.x.weken lanc, so varre dat si hem vpgheuen moesten, bi ghebreke van vitaelgie ende hi ghecreech dye stede, ende bedwanc hem lieden dat si groote beteringhe doen moesten in amenden van harer rebelheyt Ende sommeghe poorten ende andere plecken waren gheraseirt, ende eeneghe quade waren ghecorrigiert, ende si moesten bouen dien gheuen grote sommen van penninghen. Ende dit was vp den.x.sten dach van Anno.M.iiij^c.ende.lxxxiiij.