Dietsche Warande. Nieuwe reeks 2. Jaargang 9

[p. 262]

Een goede leeringhe
int sluyten vander biechten ende een generael bicchte teghen die verghetende ende daghelijcxsche zonden
medegedeeld door J. Broeckaert.⁽¹⁾

Heere, ic gheve voort mij besculdich van desen ende alle verghetende zonden ende onwetende zonden, mijn groote ondancbaerheijt, onghehoorsaemheijt en de onghetrouwicheijt, hoe zij mij gheschiet moghen zijn, heijmelic oft oppenbaer, op ghewijde plaetsen oft onghewijde, op heleghe daghen oft andere daghen, met ghedachten oft woorden oft wercken, zijn zij doodelijcx oft daghelijcx, stonden zij mij bat vore, ick ben bereet ende van dijnen wille ick soudese gheerne anders biechten. Ende zij zijn mij al tsamen hertelijcke leet, ende mij es leet dat mijn berouwe niet meerder en es, ende ic leghse al tsamen op die ontfermerticheijt Gods, ende in die heyleghe bloedighe wonden Christi Jesu, ende ic begheere van God ghenade ende van u, mijn gheestelijc vader, stedehouder Gods, absolutie ende penitentie voor mijn zonden te ontfane.

Als u die priester absolveert, dan zuldij oot-

(1) Zie Dietsche Warande, 1896, bl. 123.

[p. 263]

moedelijc, vierichlijc, met zuchten ende tranen des herten, alzo verre alst u moghelijck es, die absolutie ontfanghen, nijghende thooft ter eerden als Christus dede, hanghende aen de galghe des crucen, ende u handen te zamen slaende, als Christus int hofken dede, biddende metter herten aldus:

O heere Jesu Christi, doer die cracht van dat ghebenedide dierbaer water ende bloet dat uut dijn heylighe herte ghesteken es, waer uut dit sacrament ende alle sacramenten haer crachten hebben, wilt mij uw waerachtich berou verleenen ende in die huere mijns doots aflaet van alle mijnen zonden. Amen.

Mijn hope es God.

Deze Leeringhe is ontleend aan een handschriftelijk gebedenboek van de eerste helft der XVI^e eeuw, in het bezit van den heer J. Broeckaert.