Dietsche Warande. Nieuwe reeks. Deel 3

[p. t.o. 184]

ADRIAAN WILLEM Baron van RENESSE van BAAR, geb. te Oosterwijk (N. B),10 Mei, 1709, overl. in zijne abdij van S^te Geertruide te Leuven, 8 Maart, 1785.

[p. 185]

Bijlage.
Dootsbericht van Adriaan-Willem van Renesse van Baar.

Anno Domini Millesimo septingentesimo octogesimo quinto, die octava Martii, quadrante post meridiena, extremis Sanctae Matris Ecclesiae; Sacramentis munitus, ex hoc mundo decessit

REVERENDISSIMUS, AC ILLUSTRISSIMUS DOMINUS DOMINUS

ADRIANUS GUL. DE RENESSE DE BAAR.

Nobilis ac Ducalis Abbatiae S. Gertrudis Lovanii Abbas Vigesimus, Almae Universitatis Lovaniensis Privilegiorum Conservator, Judex Synodalis, etc. etc. Anno aetatis suae 76. Dignitatis Abbatialis 20.

Natus est in Oosterwyck, pago Brabantiae Hollandicae, in territorio Sylvaeducensi, non ignobili, anno hujus saeculi nono, decima mensis Maii, ex Parentibus, pietate & Religionis amore, aeque ac illustri prosapia conspicuis: enimvero si avitae fidei renuntiare, si Romano Catholicam Religionem respuere, & praetensae reformationi se subdere voluissent, nullae in patria dignitates, nulli fuissent honorum gradus, ad quos non modo aspirare, sed pervenire potuissent; ast continuo memores, nil prodesse homini, si universum mundum lucretur, anima? verò suae detrimentum patiatur, illibatam conservarunt Deo fidelitatem, & in vera Religione perstiterunt immobiles; hinc prolem suam sanis instituerunt fidei principiis, mentem imbuerunt non fucatis virtutum umbris, sed solida in Deum pietate, teneroque in proximum amore. His armis indutus illustris Adolescens, non obstante hoc perversionis saeculo, in quo nullus Religionis amor, nulla morum probitas, sed effraenis regnat libido, immaculatam peregit juvenilem aetatem, & seductioni restitit. Humanioribus litteris instructus, deliberare coepit de eligendo vitae statu. Si mundum consulat, offert se perantiqua & illustrissima Parentum ex comitibus Hollandiae descendentium Origo, offerunt se honores ac hujus saeculi dignitates: si carnem audiat, adstant innumerae hominem obsidentes illecebrae. Ast pietatem edoctus Deum adit, precibus efflagitat, ut intellectum illuminet, & viam salutis demonstret. Post maturum tam ardui negotii examen, postquam bonis operibus certam fecisset, (in quantum homo valet) suam vocationem, mundo valedicens ad Praenobilem ac Ducalem S^t Gertrudis Lovanii se confert Abbatiam; in ca admitti exposcit. Votis ejus annuunt Abbas & caeteri hujus domus Religiosi, post novitiatus annum modestè & religiosè peractum, solemnibus votis se Deo offert ac consecrat anno 1730. Post sacram hanc, in Religione professionem, nova quasi virtute ex alto indutus, munia sua adimplet eo studio, quod genuinae profecto vocationis certissimum est argumentum. Sacris Ordinibus initiatus, studium theologicum non deseruit, sed ei tam gnaviter incumbere perrexit, ut ad curam pastoralem in Neerlande ab illustrissimo Domino de Erzeles tune temporis Abbate, meruerit delegari anno 1739. Supra candelabrum, positus, tam-

[p. 186]

quam lucerna, ut luceat in domo Dei, mirum, quanta animi alacritate, quam indefesso ardoro difficilia adimpleverit Pastoris munia. Admiremur modò ab incunabulis insitas menti ejus virtutes; si infirmatur aliquis, invisit eum illicò, spreta quavis aëris intemperie, consolatur infirmum, piis exhortationibus animum recreat, & ad pietatem movet; si mortis periculum ingruit, sacramenta exeuntium administrat, & ad mortem Christiano dignam disponit; instructionibus catechisticis, juventuti rítè instituendae adeò neccssariis, diligenter incumbit, & sanctae Religionis nostrae principia omnium animis instillat; peccatores corrigit, indociles arguit opportunè & importunè, omniaque omnibus factus, fit forma gregis ex animo. Ast moritur intevea Reverendissimus Dominus Levedael, ejusque loco Vir hic Illustrissimus sufricitur, Abbatialibusque Infulis insignitur anno 1765. Ad eam evectus dignitatem, quae animos angustos inflare posset honores tamen respuit, & caeteris hominibus similis videri ambit hinc non consortia Potentium, non mensas Principum (nisi ubi honor vel utilitas domus id exigant) sed Amicos quaerit in omni, modò honesta, hominum conditione. Rerum agendarum dexteritas & peritia emicuerunt in ea, qua functus est, Ordinum Brabantiae deputatione, a qua postmodum inaudito ac admirando exemplo spontanee destitit, ut Deo rebusque domesticis ampliori otio vacaret. Nec minus laudanda est paterna erga suos sollicitudo, & continuus disciplinae amor. Ad pietatem & Dei amorem hortabatur eos verbo & exemplo, pacem & concordiam praedicabat continuò, & votorum observantiam inculcabat omni data occasione. Supersunt duae, quas toties exercuit, egregiae virtutes, zelus Domus Domini, pauperumque sincera Dilectio. Quis nescit, quam splendidis ac pretiosis Ecclesiam suam decoraverit Ornamentis, nullum cultum divinae Majestatis, quae ibidem colitur, amplitudine splendidum satis exhiberi posse, arbitratus? Notae sunt largae ejus ac penè innumerse Eleëmosynse: tanta enim erat animi ejus teneritudo, ut ab eo egenus vacuus numquam decesserit: Haec & similia virtutem exempla exercens quotidiè, gratus Deo & hominibus, sanctam aequè ac serenam vitam pevegit. Tandem lento morbo correptus, naturam deficientem sensit, mortemque, impiis adeò formidandam, animo quieto, ùt Christianum decet, expectavit. Decedentium Sacramentis summa pietate susceptis, inter Fratrum suorum pios gemitus animam Deo reddidit; pro enjus refrigerio, si quid forsan adhuc rigidae Dei justitiae satisfaciendum. supersit, preces vestras & sacrificia imploramus.

REQUIESCAT IN PACE¹.

1 Dit stuk, gedrukt op een blad in folio, werd in de kerken van Leuven aangeplakt, daags na het overlijden van den abt. Wij hebben er een afdruksel van teruggevonden.