Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
HEt is heden een dach der vrolijckheyt
In des conincx houe
Want aldaer ontfangen heeft
Een maecht van groten loue
Een kint gemaect al wonderlijc
Ende altemael ghenoegelijck
Nader menschelicheden
Dat daer leyt onrastelijck
Ende daer toe onsprekelijck
Na sijnder godlicheden.
2.
Die moeder is dochter wonderlijck
Haers soons/ want hy is haer vader
Waer hoorde oyt man diesgelijc
Hi is God ende mensch te gader
Hi is een knecht/ ende een heer
Hi is ouer al dats meer
Onbegripelijc te vinden
Teghenwoerdich ende verre
Waer hoorde oyt man dies wonders meere.
Ten can gheen man versinnen
3.
Hi wert geboren inder nacht
Der sonnen verlichtere
Ende hi wert inden stal gheleyt
Alder werelt sochtere
Men wandt hem metten wen- || del lanck
Die de sterren maecte metter hant
Doen hi den hemel wrachte
Hi weende als een kindeken me
Doen hijt donderen ende wolcken de
Ende hi op voer met crachte
4.
Doen voort quam die weerde Gods soon
Al vander maghet puere
Ghelijc die lelien bloeyen schoon.
Wonder der nature
Dat hi in die maghet quam
Eer hi eenich dinck began
| |
[pagina 278]
| |
So maecte hi hem verheuen
Dat die borsten der reynicheyt
Gauen melc der kintscelicheyt
Ten eynde vanden daghen
5.
Gelijc dat niet en quetst tglas
Daer die sonne schijnt dore
Ghelooue ic dat Maria was
Nae reyne ende vore.
Die moeder is ghebenedijt
In wiens lichaem besloten leyt
die gods soon wert mensch geboren
Weet dat die borsten heilich waren
Die God in sijn ionghe iaren
Te suygen hadde vercoren
6.
God den herderkens ontboot
Des nachts bi haer beesten
Metten enghel blischap groot
Van des conincx feesten
Die gewonnen heeft een maecht
Ende inder cribben was gelaecht
In doeckelkijns ghewonden
Hi is alder werelt heer
Ende van ghedaenten scoonder meer
Dan yemant is gheuonden
7.
Doemen de werelt al bescreef
Ghinc een maecht met kinde
Te bethleem daer si doen bleef
Ende voldroecht tkint ten ynde
Daermen af scrijft inden houe
Ende glorie singt met groten loue
Van groter weerdicheden
God hier bouen van hemelrijc
Verleene ons menscen op eertrijc
Van goeden wille/ vrede
|
|