Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op de selue wise1.
HEere God waer was doe mijn ghedochte
Doen ic der werelt ane claf
Om al dat si mi gheuen mochte.
En diende ic haer niet eenen dach
2.
O werelt ic wil nu orlof nemen
Ick heb v alte lange ghedient
Crancken loon sult ghi hem gheuen
Die totten eynde sal sijn v vrient.
3.
Eertsche dingen ende creaturen
Die onghestadich sijn ende loos
Dat heb ic vonden in corter vren
Nu rouwet mi dat icxse koos
4.
O eertsche minne ghi moet saelgieren
Ghi en blijft maer eenen corten tijt
Nemmermeer in gheender vren
En wil ick draghen dit habijt.
5.
O werelt ghi slacht den schonen grauen
Die daer buten so groene staen
Maer diese van binnen wel besaghe
Hi soude aensien een droef gelaet.
6.
O werlt gaet wt minen ogen
Ick wil v eeweliken vlien
Want ghi hebt mi bedroghen
| |
[pagina 247]
| |
Met minnen en wil ick v nyet meer aensien.
7.
O werelt ic meyne v te ontulien
Ende ghi soect mi in allen steden
Met soe menich subtile engien
Hoe ghi mi mocht tot uwaerts leden.
8.
Die der werelt dient is seer onwijs
Dies sijt seker ende ghewes
Hi verliest loon ende prijs
Ende sticht sijn woninge op een ijs.
9.
Die ghene die hen te tide afsceyden
Van deser werelt broosschen troost
Blidelijc mach hy hem verbliden
Want hi wort van al verlost.
10.
Hi en derf hem niet veruaren
Al wort hem dat verbeyden swaer
Alle dat hi mach met herten begheren
Dat wert hem int eynde openbaer.
|
|