Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
Sijt vrolijc groot en cleyne
Met desen meyen tijt
Hy brengt ons al ghemeyne
Sijn bloemkens met iolijt
Sijt vrolijc/ leeft sonder nijt
Ghestadich int verbeyden
Wat ghi doet oft waer ghi sijt
Sijt vrolijck metten meye/ den meye/ den meye/ den meye
2.
Die vrucht van desen meye
Is bouen honich soet
Gheplant inder valleye
Dat is in dieper ootmoet
Daer blijft hi wel behoet
Wel groen in gheender heyde
Den mey reyn herten bliscap doet
Sijt vrolijck metten meye/ den meye/ den meye/ den meye
3.
Den mey is suuerlijcke
Daer toe van sulcker aert
Dat hi can maken rijcke
Sijn dienaers onghespaert
Ende in hooger vruecht verclaert.
Sijn minnaers menigerleye
Die gheen ander vruechde en begheert.
Dan bliscap metten meye/ den meye/ den meye/ den meye
4.
Die mey van deser eerden
Hi gheeft ons cleyn iolijt
Hi is van cleynder weerden
Hi vergaet al metter tijt
Maer die rechte mey verblijt
Ende maect bliscap met bescheyt
Ouer al die werelt wijt
sijt vrolijc metten meye/ den meye
5.
Ick hadde der werelt meye
Int herte mijn gheplant
This recht dat ic mi bescreye
Want ic mi bedroghen vant
Een ander mey boot mi die hant
Ende gaf mi sijn gheleye ||
Te comen in dat beloefde lant.
sijt vrolijc metten meye/ den meye
6.
Nu laet ons vrolijck leuen
| |
[pagina 196]
| |
Den mey staet schoon en groeyt.
Sijn vrucht doet ons ghenesen
Die benider hem dies moeyt.
Ten schaet ons niet/ den mey die bloeyt
In vruechden also ic seyde
Haer dyenaers sijn met dauwe bespoeyt
Sijt vrolijc metten meye/ den meye/ den meye/ den meye
|
|