Een devoot ende profitelyck boecxken

[p. 193]

⁺

+ Fo. xci.^v

N^o. CLXII.

ℂ Op die selue wise.

1.
LOf o vader van den throon
Want ghi ons uwen lieuen soon
Hier hebt ghesonden een kindeken schoon.
2.
Wie v te dienen is ghewoon
Vwen sone gheefdy hem te loon
Daer toe der eewigher vruechden croon.
3.
O schone roose sonder doren
Verheuen bouen der engelen choren
God die is van v gheboren
4.
Hi heeft versoet des vaders thoren
Want anders waren wij alle verloren
Met rechte wij hem toe behoren.
5.
O Iesu heere alder heeren
Wilt v hulpe tonswaert keeren
Dat wi van ons die sonden weren
6.
Gheen beter goet en machmen begheeren
Dan in v minne te vermeeren
Heere God laet ons met v regneren ||