Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 191]
| |
ℂ Op die selue wise.1.
MI verlanghet also seere
Soete lief na v duecht
Ende wat sultghi mi gheuen
Daer ghi mi mede verhuecht
2.
Ick sal v ghiften gheuen
Och edel siele mijn
Mijn ghestadighe minne
Die sal v wesen bi
3.
O minnelike heere
V minne die is so soet
Mochte mi die ghebueren
Daer voer en kore ick niet alder werelt goet.
4.
Si sal v wel ghebueren ||
Och edel siele mijn
Wilt ghi nature steruen
Al doer die minne van mi
5.
Och mijn nature te steruen
Dat wort mi pine groot
Nochtans sal si verwonnen wesen
Doer uwe bitter doot.
6.
O siele wel lieue siele
Wilt ghi nature steruen
Ick salt v so wel loonen
Al in mijns vaders erue
7.
O heere wel lieue heere
Mocht ick v hulpe verweruen
Nature is onbedwonghen
Si wil den gheest bederuen
8.
O siele wel lieue fiele
Ten baet v nu gheen claghen
Ghi moet v cruyce draghen
Doer bosschen ende doer haghen
9.
O heere wcl lieue heere
Dit cruyce valt mi so swaer
Ic en cant niet wel ghedragen
Heere God wilt mi bi staen
10.
Ick hebt voer v ghedragen
Wel drie en dertich iaer
Totten berch van oliueten
Daer ic den doot aen sterf claer
11.
Nu wil ic gaen beghinnen
Het moet gheleden sijn
Ic bidde der maghet Maria
Dat si mijn hulpe wil sijn.
12.
Nu laet ons Gode bidden
Nu ende tot alder tijt.
Dat wi hier namaels comen
Al in dat eewich rijck.
|
|