Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
O Iesu lief wat sal ick doen
Wat sal ick nu beghinnen
Ic ben met uwer liefden beuaen
Ic bid v en wilt mi niet ontgaen
Dats slaep ic/ waeck ic/ eet ick ost drinck ick
Al wat ick beghinne
Altoos staet ghi in minen sinne
Al in mijn herte van binnen
Altoos staet ghi in minen sin
Mijn herte roept tot v van binnen
2.
Dat ick v niet aenscouwen en mach
Dat doet mijnder herten pijn
Ic hope het sal noch sijn den dach
Dat ic v aenscouwen sal
Wachten sal ick nacht en dach
Tot dat sal comen deynde
Wilt my doch stercken in alder duecht
In uwer herten minnen
Wilt mi toch stercken in alre tijt
Ende verlichten oock van binnen
3.
Dat ic versmaet der werlt bin
Dat en is mi gheen verdriet
Dien ic met gansser herten min
Die en sal mi laten niet
Der werelt gonste maeet cort iolijt
| |
[pagina 143]
| |
Ic en sal daer niet na gheren
Mijn bliscap sal gaen bouen tijt
Ende dueren inder eewicheyt
Al sonder eenich cort respijt.
In eewige onsprekelike vrolicheyt
4.
Mer eer icker toe comen mach
So moet ict hier besueren
Steruen moet ic nacht en dach.
En vreesen altijt tot allen vren. ||
Nature die moet verwonnen sijn
Al doeget hem dicwils grote pijn
O Iesu lief wilt bi mi sijn
Ghi hout mijn herte beuanghen
Daer om lide ic sware pijn
Liggende in groot verlanghen
5.
Die Iesus liefde verweruen wil
Die moet hemseluen kinnen
Ende dalen in dieper ootmoedicheyt
Ende rusten op sijn bermherticheyt.
Wel hem die hier toe comen is
Sijn herte dat is in rusten
Ende in groter wellusten.
Ick bid v Iesu soete heere
Wilt ons verleenen deewich goet
Dat dueren sal ymmermeere.
|
|