Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
MAria schoonste der sucaden
Gaet onder des cruycen mey
Met sonden ben ick beladen
Verwerst mi vast gheley.
Al in des werelts foreesten
Laet mi gheen erch gheschien
Maer brengt mi toch ter seesten
Int rijck vol melodien.
Die helsche pryen
Wilt mi verbyen
Ende hen bespyen
Doet van ons vlien
Die de edel siele benyen.
2.
Maria reyn suuer sonteyne
Als den dach claer blinckende vroech
Soet rieckende maioleyne
Diet godlijc bloemken droech
Schenet mi wt charitaten
Der sielen troostighen dranck
Ende coemt mi doch te baten
In dese werelt stranck
Ick spreecx v danc
Mijn leuen lanc
In uwen armkens blanc
Mijn siele seer cranc
Luyct vaste in v bedwanck
3.
Maria vol van virtuten
Bedruct onder des cruycen hout
Ontsluyt nu die conduten
Vwer liefden menichfout
Soudic uwen troost moeten deruen
Ic bleue int sondich sweet
Int rijck ws kints wilt eruen ||
Vwen dienaer tot v bereet.
Mijn sonden wreet
Naert rechte bescheet
Sijn my seer leet
Met gracien heet
Schenct mi dat bruylost cleet
4.
Maria scoonste der camenieren
| |
[pagina 116]
| |
Die met Iesu waert bevrucht
Ick ben die snootste der dieren
Dies mi mijn herte versucht
Mijn scult en wil ic niet swigen
Mijn sonden ende al mijn quaet
Mer laet mi troost vercrighen
Van u/ schoon dagheraet
Reyn maechdelijck saet
Daert heel aen staet
Mijn toeuerlaet
Voer mijn misdaet
Aen Iesum voer mi gaet
5.
Maria reyn edel princesse
Bloeyende rancke yent
Der enghelen meesteresse
Int hemelsche firmament
Al ben ick met sonden begoten
Ick bid v met sinnen vroet
Als den mont mi wort ghesloten
Neemt mi in v behoet
Princesse soet
Dese duecht mi doet
Inder liefden gloet
Crijcht metter spoet
Mijn siele int eewighe goet.
|
|