Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
GOds geest leert van binnen
So wie die waerheyt wil verstaen
Hi moet hemseluen sien binnen
Ende in sinen gronde gaen
Beelden ende vormen ledich staen
Ende alle ghescapen dinghen
2.
En dat vernam een raet des gheests
Hy sprack/ natuere ghi moet steruen
Alle ghenuechte des vleesches ||
Ende alle creaturen af gaen
Soe moechdy in rusten in vrede staen
Ende leuen naer den raet des gheests
3.
Die reden sprack
Hier en is gheen langer beyden
Dat licht verlicht de siele mijn
Daer in so wil ick wesen
Al in dat licht der godheyt fijn.
Dair al die engelen onbeeldelic sijn
Dat is leuen bouen sinnen
4.
Die waerheyt heb ic onderuonden
Die in minen gronde staet
Die heeft si mi ontbonden
Staende in grote ootmoedicheyt
Ghebruykende sijn properheyt
Van alle banden ontbonden.
5.
Vruechdelijck sijn wij ouercomen
Ende in haren oorspronck gheraect
In haren eersten beginne
Daer staet si alle dinghen naect
In eenen diepen afgront gheraect
Dats in eenicheyt te sine.
|
|