Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat ij. Capittel.

1. Om de menschen tot Christum te brengen, bewijst hy also syne hoocheyt, 10. dat hy oock syne nederheydt bewijst, 14, ende de oorsaken der seluer.

A.1

HIerom moeten wy meerder acht hebben, op het ghene dat wy gehoort hebben, op dat wy niet door en vloeyen.

2

Want isset ^a dat het woort dat door de Engelen ghesproken was, vaste gheweest is, ende ^b alle ouertredinghe ende onghehoorsaemheyt rechte vergheldinghe des loons ontfanghen heeft:

a Genes. 17.b.19 ende 21.a.1

b Gen. 19.b.13.c.24

3

^c Hoe sullen wy ontulieden, ist dat wy in so groote salicheyt onachtsaem zijn? ^* de welcke eerst ^d ghepredickt zijnde door den Heere, is ons van de ghene die [hem] gehoort hebbben, beuesticht gheweest.

c Hebre. 12.c.25

* Matthei 4.b.17 Marci 1.b.15

d Griecx, gesproken

4

^e God mede ghetuyghenisse gheuende, met teeckenen ende wonderheden, ende menigherley krachten ende bedeylingen des heyligen Gheests na synen wille.

e Marci 16.c.20 Actuum 14.a.3 ende 19.b.11

5

Want hy heeft den Enghelen de toekomende Wereldt niet onderworpen, daer wy van spreken.

6

Maer daer heeft een erghens betuycht, ende gheseyt: ^f Wat is de mensche dat du syner ghedachtich bist? of des menschen sone, dat du hem ^g aensiest?

f Psalm. 8.a.5

g Of, besoeckst?

7

Du hebst hem een weynich [tijts] minder gemaeckt ^h dan de Enghelen: Met eerlicheyt ende eere hebstu hem ghekroont, ende hebst hem geset ouer de wercken dyner handen.

h Of, onder de etc.

8

ⁱ Alle dinghen hebstu onder syne voeten onderworpen. Want dewijle hijt hem al onderworpen heeft, heeft hy niet ghelaten hem niet onderworpen. Maer nu sien wy noch niet dat hem alle dinck onderworpen is.

i Psalm. 8.a.7 Matthei 28.b.18 1.Corinth.15.c.27 Ephe. 1.c.22

9

Maer wy sien dat Iesus met ^k eerlicheyt ende eere gekroont is, ^l de welcke een weynich [tijts] minder gheworden is dan de Engelen, door het lijden des doots: om dat hy door Gods ghenade voor allen de doot smaken soude.

k Actuum 2.d.33

l Philip. 2.a.8

B.10

Want het betaemde dat hy, om wiens wille, ende door wien alle dinghen zijn, vele kinderen tot de eerlicheyt inleydende, den ^m Leydsman harer salicheyt soude door lijden ⁿ heylighen.

m Of, Uorst

n Of, volmaken

11

Want oock hy die heylich maect, ende de gene die gheheylicht worden, zijn alle wt ^o eenen: om welcker oorsaken wille hy hem niet en schaemt hen broeders te noemen.

o Actuum 17.c.26

12

Segghende: ^p Ick sal dynen naem mynen broederen verkondighen, int midden der Ghemeynte sal ick dy louen.

p Psalm. 22.c.23

13

Ende wederom: ^q Ick sal mijn betrouwen op hem setten. Ende wederom: ^r Siet daer, ick ende de kinderen die my God ghegheuen heeft.

q Psalm. 18.a.3 Esaie 12.a.2

r Esaie. 8.b.18

14

Dewijle dan de kinderen vleesch ende bloedt delachtich zijn, ^s so is hy oock desghelijcx deelachtich gheworden der seluer, ^t om dat hy door de doot te niete maken soude den ghenen die de macht des doots hadde, dat is, den Duyuel.

s Ioannis 1.b.14 Philip. 2.a.7

t Esaie 25.a.8 Osee 13.b.14 1.Corinth. 15.f.54 2.Timoth. 1.b.10

15

Ende verlossen soude alle die met vreese des doots, alle het leuen lanck der slauernie onderworpen waren.

16

Want hy neemt voorwaer de Enghelen niet aen, maer hy neemt Abrahams zaet aen.

17

^u Daerom moeste hy allesins den broederen ghelijck worden, om dat hy barmhertich wesen soude, ende een ghecrouwe Hooghepriester in het ghene dat by God [te doen was,[ om de sonden des volcks te versoenen:

u Philip. 2.a.7 Hebr. 4.b.15

18

^x Want ^y daer door dat hy selue versocht zijnde gheleden heeft, kan hy den ghenen die versocht worden, te hulpe komen.

x Heb. 4.b.15

y Of, waerin hy selue versocht, geleden heeft, daerin kan hy oock etc.

[fol. 82r]