Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat xlj. Capittel.

De Doodt is den Godloosen een bitter verschrickelick dinck, maer den Godsalighen de hoochste vreuchde. Uan den vloeck der Godloosen. Hoe edel een goede naem zy.

Wat rechte schaemte zy.

A.1

O ^a Doodt, ⁺ hoe bitter bistu, wanneer een mensche aen dy dencket, die goede daghen ende ghenoech heeft,

a Tob. 3.a.6. 3.Reg. 19.a.4. Ione. 4.a.3.

+ Vanden Doot.

2

Ende sonder sorghe leeft, ende dien het wel gaet in allen dinghen, ende noch wel eten mach.

3

O Doodt, hoe wel doestu by den nootdurftighen, die daer swack ende oudt is,

4

Die in allen sorghen steeckt, ende niets beters te hopen, noch te verwachten en heeft.

5

Vreest den Doodt niet.

6

^b Denckt dat het also van den Heere gheordineert is, ⁺ ouer alle het vleesch, beyde dier, die voor dy gheweest zijn, ende na dy komen sullen.

b Gene. 3.b.19. Syrac. 3.a.3. Hebr. 9.c.27.

+ Den Doodt en salmen niet vreesen.

7

Ende wat weygherstu dy teghen Gods wille, du leefst tien, hondert ofte duysent Iaer? want in den doodt en vraechtmen niet, hoe langhe dat een gheleeft hebbe.

8

^* De kinderen der Godloosen, ende die hen tot den Godloosen ^* voeghen, ⁺ worden enckel grouwelen.

* Ca. xlij. Luth.

* Of, ghesellen,

+ Plaghe der Godloosen.

9

^c Der Godloosen kinderen erfgoedt vergaet, ende hare nakomelinghen moeten veracht zijn.

c Syrac. 40.b.15.

B.10

De kinderen moeten klaghen ouer den Godloosen vader: ^d want om synent wille zijn sy veracht.

d 3.Reg. 2.c.27.

11

Wee v Godloosen, ghy die des Allerhoochsten Wet verlatet.

12

Ghy leeft ofte sterft, so zijt ghy veruloeckt.

13

^e Ghelijck als alle het ghene, dat wt der Aerden koemt, wederomme tot Aerden wordt: also komen de Godloosen wt den vloecke ter verdoemenisse.

e Gene. 3.b.19. Syrac. 12.a.7. ende 40.b.11.

14

Eens menschen lijden mach hier dueren, so langhe als hy leeft: maer der Godloosen naem moet wtgeroeyet worden: want hy en deucht niet. ⁺

+ Hoe edel goedt gheruchte zy.

15

^f Siet toe, dat du eenen goeden name behoudest: die blijft gewisser, dan duysent groote schatten gouts.

f Prouer. 22.a.1. Syrac. 7.a.2. Cantic. 1.a.3. 1.Macha. 2.f.51.

16

Een leuen, het zy so goedt als het wil, ^g so duert het eenen kleynen tijt: maer een goede name blijft eewichlick.

g Hiob. 7.a.1. ende 14.a.1. Sapient. 2.a.1.

17

Myne kinderen,

18

wanneert v wel gaet, so siet toe,

19

ende blijft in der vreese Gods.

C.20

^h Waerom schaemt ghy v myner woorden? ⁺ men schaemt hem dickwils, daermen hem niet

h Matth. 8.d.38. Rom. 1.b.16. 2.Tim. 1.a.8.

+ Schamen.

[fol. 42v]

schamen en soude, ende men staet dickwils toe, datmen miet toestaen en soude.

21

Vader ende moeder schame hen der hoererije, ^{i +} een Vorst ende heere der leughenen.

i Prouer. 29.b.12.

+ Wie hem schamen sal.

22

^k Een Richter ende Raedt des onrechts, de Ghemeynte ende het volck des onghehoorsaemheyts:

k Deut. 17.a.2.

23

^l Een naeste ende vriendt leedt te doen, een nabuer des stelens.

l Gene. 37.b.18. 2.Reg. 3.c.27. ende 20.b.10.

24

Schaemt dy, dat du met dynen arme, op den broode ouer disch ligst: schaemt dy, dat du qualick bestaest in der rekenschap, ende niet en danckest, wanneermen dy groetet.

25

^m Schaemt dy, na den Hoeren te sien, ende dijn aenghesicht van dynen bloeturiendt te wenden.

m Syrac. 9.a.5.

26

Schaemt dy, het erfdeel ende ⁿ morghengaue te ontwenden, ^o ende eens anderen wijf te begheeren.

n bruydtgaue

o Exod. 20.b.17. Matth. 5.c.28.

27

^p Schaemt dy, eens anderen dienstmaecht te begheeren, ende by haren bedde te staen.

p Hiob. 31.a.1. Exod. 20.b.17.

28

^q Schaemt dy, dynen vriende wat voor te werpen, ^r ende wanneer du hem wat gheefst, so en verwijt het hem niet.

q Syrac. 18.b.18. ende 20.b.15.

r Syrac. 18.c.22. ende 20.b.15.

29

^s Schaemt dy, na te segghen, alles wat du gehoort hebst, ^t ende te openbaren heymelicke betrouwede redenen, also schaemstu dy recht, ende salt allen lieden lief ende weerdt zijn.

s Syrac. 19.a.7.

t Prouer. 20.b.19. Syrac. 22.c.27. ende 27.b.19.c.24