Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat iij. Capittel.

Een leere hoe de kinderen sullen vader ende moeder eeren: hoe de mensche saechtmoedich ende ootmoedich zijn sal.

A.1

LIeue kinderen, ⁺ luystert my uwen vader,

+ Een verklaringe des vierden ghebodts.

2

ende leeft also, op dat het v wel gae.

3

^a Want de Heere wil den vader vanden kinderen gheeert hebben, ende wat de moeder den kinderen heet, dat wil hy ghehouden hebben.

a Exod. 20.b.12. Deut. 5.b.16. Ephe. 6.a.2.

4

Wie synen vader eert, ⁺ diens sonde en sal God niet straffen.

+ Vader ende moeder eeren. Syrac. 7.c.29.

5

Ende wie syne moeder eert, die versamelt eenen goeden schatt.

6

Wie synen vader eeret, die sal oock vreuchde aen synen kinderen hebben, ende wanneer hy biddet, wordt hy verhoort.

7

Wie synen vader eeret, ^b die sal dies te langer leuen, ende wie om des Heeren wille, gehoorsaem is, aen dien heeft de moeder eenen troost.

b Exod. 20.b.12. Deut. 5.b.16.

8

Wie den Heere vreest, die eeret oock den vader, ^c ende dienet synen ouderen, ende houdtse voor syne heeren.

c Luc. 2.f.50.

9

^d Eeret vader ende moeder met der daedt, met woorden ende gheduldt,

d Exod. 20.b.12. Deut. 5.b.16. Matth. 15.a.4. Marc. 7.b.10. Ephe. 6.a.2.

B.10

^e op dat haren seghen ouer dy kome.

e Gene. 27.c.27. ende 49.a.1. Deut. 33.a.1. Heb. 11.c.20.

11

Want des vaders segen bouwet den kinderen huysen, maer der moeders vloec, trectse te neder.

12

Bespottet dijns vaders ghebreck niet, want het en is dy gheene eere.

13

Want den vader eeren, is dyne eyghen eere, ende dyne moeder verachten, is dyne eyghen schande.

14

Lieue kindt, ^f pleghet dijns vaders in synen ouderdom, ende en bedroeft hem ymmers niet, so langhe als hy leeft:

f Tob. 14.b.15.

15

Ende houdt het hem te goede, oft hy kindisch werde, ende en verachte hem ymmers niet, daerom dat du gheschickeder bist.

16

Want de weldaedt den vader bewesen, en sal nemmermeer vergheten worden, ende dy sal goedt gheschieden, hoewel du oock een sondaer bist.

17

Ende dyner sal ghedacht worden inder noot, ende dyne sonden sullen vergaen, ghelijck als het ijs vander Sonnen.

18

Wie synen vader verlaet, die wordt gheschendet, ^g ende wie syne moeder bedroeft, die is veruloeckt vanden Heere.

g Deut. 27.b.16.

19

Lieue kindt, ^h blijft gheerne in nederighen state, ⁺ dat is beter, dan alle dat, daer de werelt na ^i† pooghet.

h Rom. 12.b.16.

+ Uliedet waer du kanst, hooch ende groot te worden: als de werelt doet

i† And. trachtet.

C.20

^k Hoe du hoogher bist, te meer dy verootmoedighet, so sal dy de Heere ^l gonstich zijn.

k Philip. 2.a.3.

l met liefde toegedaen.

21

Want de Heere is de Allerhoochste, ^* ende doet doch groote dinghen, door de ootmoedighen.

* Iudit. 13.a.8. 1.Sam. 17.e.45.

22

^m Staet niet na hoogheren state, ende en denckt niet bouen dijn vermogen: ⁿ maer wat dy God beuolen heeft, dies neemt dy doorgaens aen.

m Prouer. 25.c.28 Rom. 12.a.3.

n Deut. 4.a.2.

23

Want het en batet dy niets, dat du gapest na tghene, dat dy niet beuolen en is. ⁺

+ Vermetenheyt

24

Ende wat tot dynen ampte niet en behoort, daer laet dyne curieusheyt inne ^o na.

o Of, achter

25

Want dy is alreede meer beuolen, dan du kanst wtrichten.

26

Sodanich duncken heeft vele bedroghen, ende hare vermetenheyt heeftse ^p ghestortet.

p Of. neder gheworpen.

27

Want wie hem gheerne in vare gheeft, die verderft daerinne,

28

^q ende eenen vermeten mensche gaet het ten laetsten qualick wt.

q Iudith. 13.a.8. 2.Reg. 19.b.10.d.37. 2.Macha. 9.a.4.

29

Een vermeten mensche, maeckt hem selues vele onghelucks, ende richtet eenen iammer na den anderen aen.

D.30

Want hoochmoedt en doet nemmermeer goedt, ende daer en kan niets, dan wat quaets wt komen.

31

^* Een vernuftich mensche, leert Gods woort gheerne,

* Cap. iiij. Lut.

32

ende wie de wijsheydt lief heeft, die hoort gheerne toe.

33

Ghelijck als het water een bernende vyer wtblusschet, ⁺ also wischt de aelmisse de sonden wt. ⁺

+ Aelmisse.

+ Dan. 4.c.24. Tob. 4.a.7. Psalm. 41.a.2. Matth. 5.a.7.

34

Ende de ouerste Vergelder, sal dies namaels ghedencken, ende sal hem in ongheluck behouden.