Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Dat viij. Capittel.

Is een ander ghesichte, waerdoor God Danieli den Propheet vertoont, hoe het met synen volcke den Ioden, in het derde Rijcke der Griecken gaen sal onder Antiocho, des grooten Alexanders nakomelinck.

Want dewijle dese schandelicke beeste, een wtnemende grouwelicke veruolghinghe soude teghen het Iodische volck oprichten, om haerder sonden wille: so was het noodich, dat God dat selue te voren openbaerde, op dat de Godsalighe Ioden in sulcke ellende niet en vertwijffelden noch kleynmoedich werden, ghelijck oft sy gheheel souden vergaen, ende de beloefde Christus de verlosser, ende eewighen troost niet en soude komen.